Inside10
Platinum Member
- May 20, 2011
- 34,776
- 42,933
Askofu wa Kanisa la Uamsho la Moravian Tanzania, Emmaus Mwamakula, amependekeza kuwa kila mkoa ambako mauaji yalifanyika, Oktoba 29, 30 na 31 mwaka hii, ipangwe siku ambayo watu watakusanyika uwanjani kufanya sala za wafu na kuweka mashada ya maua.
Askofu huyo ameandika hayo Desemba 15, 2025, kupitia ukurasa wake wa mtandao wa kijamii wa Facebook akipendekeza Desemba 29, 2025 iwe siku ya kufanya tukio hilo, na kwamba lisiwe tukio la kiserikali, lakini viongozi wa kiserikali pia wahudhurie.
Amesema katika tukio hilo la kumbukumbu, "Viongozi wa dini wafanye sala za wafu, majina ya watu hawajaonekana, wanaosadikiwa kuwa waliuawa katika mauaji hayo yaorojeshwe kwa kila wilaya au mkoa na yatumike hayo kutajwa katika sala kulingana na imani za dini zao".
Ameongeza kuwa baada ya utaratibu huo wa kitaifa kufanyika, ndugu walioondokewa na wapendwa wao waende katika vijiji na mitaa yao na katika familia zao ili kumaliza taratibu za msiba. Amesema kwa kufanya hivyo waliopoteza maisha Oktoba 29, watakuwa wameenziwa na kama taifa "tutakuwa tumetimiza wajibu unaopasa kwa marehemu".
"kwani kwa mujibu wa mila, desturi na tamaduni zetu, lazima kuwe na utaratibu wa kuhitimisha maisha ya mtu au marehemu hapa duniani", ameandika Askofu, Mwamakula.
Aidha amesema hatua hiyo itatoa nafasi kwa ndugu wa waliopoteza maisha kuwaomboleza ndugu zao kwa uwazi kuliko sasa wakati wako kwenye majonzi ya kimya. Hata hivyo, Mwamakula ameipendekeza siku ya tarehe 29 Desemba 2025 iwe siku ya kufanya maombolezo hayo kwani itakuwa imetimia miezi 2 kamili baada ya mauaji hayo yafanyike.
Askofu huyo ameandika hayo Desemba 15, 2025, kupitia ukurasa wake wa mtandao wa kijamii wa Facebook akipendekeza Desemba 29, 2025 iwe siku ya kufanya tukio hilo, na kwamba lisiwe tukio la kiserikali, lakini viongozi wa kiserikali pia wahudhurie.
Amesema katika tukio hilo la kumbukumbu, "Viongozi wa dini wafanye sala za wafu, majina ya watu hawajaonekana, wanaosadikiwa kuwa waliuawa katika mauaji hayo yaorojeshwe kwa kila wilaya au mkoa na yatumike hayo kutajwa katika sala kulingana na imani za dini zao".
Ameongeza kuwa baada ya utaratibu huo wa kitaifa kufanyika, ndugu walioondokewa na wapendwa wao waende katika vijiji na mitaa yao na katika familia zao ili kumaliza taratibu za msiba. Amesema kwa kufanya hivyo waliopoteza maisha Oktoba 29, watakuwa wameenziwa na kama taifa "tutakuwa tumetimiza wajibu unaopasa kwa marehemu".
"kwani kwa mujibu wa mila, desturi na tamaduni zetu, lazima kuwe na utaratibu wa kuhitimisha maisha ya mtu au marehemu hapa duniani", ameandika Askofu, Mwamakula.
Aidha amesema hatua hiyo itatoa nafasi kwa ndugu wa waliopoteza maisha kuwaomboleza ndugu zao kwa uwazi kuliko sasa wakati wako kwenye majonzi ya kimya. Hata hivyo, Mwamakula ameipendekeza siku ya tarehe 29 Desemba 2025 iwe siku ya kufanya maombolezo hayo kwani itakuwa imetimia miezi 2 kamili baada ya mauaji hayo yafanyike.
