Aslay na Nandy kupelekwa Mahakamani

[Miss Zomboko]

Wasanii wa kizazi kipya Aslay pamoja na mwanadada Nandy wanaoendelea kufanya vizuri na kibao chao cha 'Subalkheri mpenzi' wanatarajiwa kuburuzwa Mahakamani kutoka na kuimba wimbo huo bila ya ridhaa ya wahusika.

Hayo yameibuka baada ya mmiliki wa wimbo huo, Kikundi cha Tarab Asilia visiwani Zanzibar (Culture Music Club) kudai pesa zilizotolewa jumla ya Tsh. 800,000 kama fidia za kutumia kazi hiyo hawazitambui hivyo wanajipanga kuwapeleka mbele ya Mahakama.

Akizungumza Katibu Mtendaji wa kikundi hicho, Taimur Rukuni Twaha, amesema wasanii hao kabla ya kuimba tena upya wimbo huo walipaswa kuonana na uongozi huo ili kukubaliana jambo ambalo hawakufanya hivyo.

"Walichokifanya Aslay na Nandy kwenda kwa waimbaji wetu na kuwapa kiwango hicho cha fedha kwetu tunaona hakikubaliki na wametoa kama zawadi tu kwa sababu thamani ya wimbo wetu haulingani na kiwango hicho. Kwa mujibu wa katiba ya kikundi chetu, ibara ya sita inaeleza nyimbo zote zilizoimbwa na kikundi ni mali ya kikundi na kwamba muimbaji, mtunzi na muweka sauti watakuwa na haki zao kupitia kikundi hicho", amesema Twaha.

Kwa upande mwingine, Twaha amesema msimamo wao utabaki pale pale wa kuwafikisha Mahakamani wasanii hao endapo watashindwa kutimiza masharti waliyopewa na uongozi wa kikundi hicho.


Chanzo: Nipashe

 

[Tajirimsomi]

Naumwa niombeeni

 

[lamisa]

Tunasubiria kesi ili tuone kuwa inangurumaje!

 

[likandambwasada]

WANATAFUTA PA KUPATA GRISI

 

[Mchizi]

Washtakiwe tu hakuna namna.Hawa madogo kila siku wanadai haki miliki lakini wao hawazifuati.Wanaanzaje kuimba wimbo wa watu bila idhini ya wenyewe? Washitakiwe tu iwe mfano.

 

[GTA]

ngoja tuone

 

[vous]

Alaf kwann wanapenda kuiga iga hawa ubongo usio na fleva

 

[KENZY]

ishakuwa noma hii

 

[Carnivora]

Laki 8 mbona hela ndogo?

 

[chekx]

Haya Mke Wa Ruge kamwingiza mkenge mwenzie, maaan Aslay anajua kuimba na kutunga , na Nandi kazid hata za Ray C anaziiimbaga jukwaani

 

[Shadeeya]

Mie huwa najiwazia kwani ni lazima kurudia wimbo wa mtu ambao ulishaimbwa sababu mwisho wa siku ndio hizi seke seke zinatokea.

Yetu macho na masikio wacha tuone mwisho ni nini.

 

[kichakaa man]

Huyo kiongoz naye mnafik tu mbona huyo aslay walifikia makubaliano kuna mahojiano aliulizwa. Labda kama anahis pesa ni ndogo

 

[rikiboy]

Sasa mbona Walizipokeaa????? Matahiraa sana haoo.. Baada ya kuona wimbo umekuwa Hit song wanaanza ubashitee waoo

 

[Waterloo]

waseme helq iongezwe maneno yaishe.m tumbo hili.

 

[Determinantor]

Tsh. 800,000

Mia tisa itapendeza

 

[Daudi Mchambuzi]

kwani wanataka sh. ngapi?

tuanzie hapo kwanza.

 

[The Monk]

Hivi AY na Mwenzake walilipwa zile pesa na tigo? Nimeona mambo ya haki miliki na kesi kuunguruma nikajikuta naikumbuka hiyo hukumu.

 

[Puyugu 01]

Hawa wasanii tuliwaambia msijiingize kwenye siasa wakatung'ong'a sisi mashabiki zao, sasa wameona nyimbo zao hazina soko, wanaamua kucopy nyimbo za zamani wakizani watatushawishi kumbe wanaingia matatani.

 

[HIMARS]

Cosota wanaujua?

 

[rikiboy]

Hawa wasanii tuliwaambia msijiingize kwenye siasa wakatung'ong'a sisi mashabiki zao, sasa wameona nyimbo zao hazina soko, wanaamua kucopy nyimbo za zamani wakizani watatushawishi kumbe wanaingia matatani.

Nadhanii waliwapaa mpaka pesa..Na jamaa wakakubalii maana kiukweli nyimbo zao zishapitwa na wakati na hata shoo kupitia hizo nyimbo hawampati mtu.. Semaa tamaa imewajaa baada ya kuona imekuwa Hit kalii sana