Kuboronga kwa Serengeti Boys kwenye michuano ya vijana hakuwezi kupita tu hivi hivi kama upepo bila kujadiliwa .
Mafanikio ya timu yoyote ya soka kwa kiwango kikubwa huchangiwa na kocha wa timu husika , ikumbukwe pia kwamba ubovu wa kocha waweza kuchangia kuboronga kwa timu.
Leo sina mengi sana , nimeangalia wale vijana wakicheza na Niger kupitia ZBC2 , Nikashangaa na kujiuliza walifikaje kwenye michuano Mikubwa kama ile , wakati natafakari nikagundua kwamba walitokea JUU YA MEZA .
Baada ya hapo nikaanza kufuatilia mafanikio ya kocha wake aitwaye Bakari Shime , kiukweli mpaka sasa sijaona mafanikio ya mtu huyu kiasi cha kupewa kazi ya kufundisha timu hii , Shime aliyewahi kufundisha JKT RUVU ( niko tayari kusahihishwa ) , timu inayopanda na kushuka ligi kuu hana na wala hajawahi kuwa na uwezo wa kufundisha soka , kama kuna anayefahamu mafanikio yake atuwekee hapa.
Inakuwaje mtu asiye na sifa yoyote kukabidhiwa timu ya Taifa ? Ukiangalia wale vijana walivyokuwa wanacheza utagundua jambo moja tu , kwamba waliambiwa wakishinda watapata hela na kwenda kombe la dunia , baaaasi !!!! Wala hawakuambiwa wacheze vipi ili washinde , hata kupiga mpira juu hawakuweza !
Ni kweli kwamba wapo wanaoshinda mamilioni ya hela kwa Kubeti , baada ya kutumia tsh 500 , lakini si kwenye soka , soka inataka uwekezaji wa kweli hasa , Wachezaji waandaliwe kwa kiwango cha juu tena chini ya Mwl anayejua aliyezungukwa na historia yenye mafanikio haswa , haya mambo ya Bahatisha Ndulute hayatatufikisha popote , ni bora kujitoa kuliko kudhalilishwa mara kwa mara .
Natanguliza uzalendo , asanteni .