BAKITA acheni upotoshaji, Decoder ni King’amuzi, Transmitter ni Kisimbuzi

[FRANCIS DA DON]

Nimeshangaa kusikia eti wanaojiita wataalam wa Kiswahili wakisema kwamba Tafsiri ya neno ‘Decoder’ ni ‘Kisimbuzi’, huo ni uongo wa wazi kabisa.

‘King’amuzi’ ni neno lililonyumbuliwa kutoka kwenye neno ‘ng’amua’ , kung’amua maana yake ni ‘Ku-decode’ , na hivyo kitu kinachofanya hiyo kazi ya ‘Ku-decode’ ndio kinaitwa ‘Decoder’, kwa kiswahili ni ‘King’amuzi’.

‘Kisimbuzi’ ni neno lililonyumbulishwa kimtambuka zaidi kutoka kwenye neno ‘Sambaza’ , kusambaza maana yake ni ‘Ku-transmit’ (au spread , mfano Ku-spread radiowaves) , na hivyo kitu kinachofanya kazi ya ‘Ku-transmit’ ndio kinaitwa ‘ Transmitter’ , Kwa kiswahili ni ‘Kisambazaji’ au kwa neno lililotoholewa ili matamshi yawe mazuri ndio tunaita ‘Kisimbuzi’ badala ya ‘Kisambazaji’.

Huko BAKITA wamejaa vilaza sana

Hii ni Transmitter (Kisambazaji / Kisimbuzi) kinachosambaza mawimbi ya Radio)

Hiki ndio king’amuzi kinachofanya kazi ya kung’amua (decode) mawimbi yaliyotumwa na Kisimbuzi na kisha kupokelewa na dish ili kupeleka taarifa sahihi za video na sauti kwenda kwenye screen na spika za TV.

 

[standard255]

Haya wenye lugha kujeni.

 

[Dr Restart]

Nimeshangaa kusikia eti wanaojiita wataalam wa Kiswahili wakisema kwamba Tafsiri ya neno ‘Decoder’ ni ‘Kisimbuzi’, huo ni uongo wa wazi kabisa.



Huko BAKITA wamejaa vikaza sana

Wewe ndiye yule unayehojiwa na Phillip wa Clouds?

Kuanzia leo nimekuteua kuwa Mkuu wa BAKITA. Kawasafishe hao Vilaza.

 

[LOTH HEMA]

Sahihi kabisa

 

[Wagumu Tunadumu]

Kwahyo minara ya simu ndo tuziite visimbuzi

 

[FRANCIS DA DON]

Kwahyo minara ya simu ndo tuziite visimbuzi

Ndio, zile ni transmission towers zinazosambaza mawimbi husika

 

[Von Bismarck]

Wasamehe bure

 

[Farolito]

Mwanzo walikuwa wanaita King'amuzi baadae nashangaa jina likabadilika eti ikawa kisimbuzi,jina la kin'gamuzi sijui likaishia wapi.

 

[Mzingo]

Oni Sigala

 

[FRANCIS DA DON]

Oni Sigala

Muongo sana huyo jamaa, huwa anajitungiaga takataka nyingi tu na kuzilazimisha kwamba ndio kiswahili, nimemvumilia sana, ila kashanichosha

 

[avogadro]

Hawa hawachelewagi kujaribu neno ambalo limekwisha ingia kwenye matumizi na kuzoeleka. Mfano neno WASHIKA DAU likwisha zoeleka kwenye matumizi ndio wanaibuka na WADAU.

Neno Live kwa matangazo ya Moja kwa Moja lilikwishazoeleka wanakuja na la kiarabu MUBASHARA tena refu kuliko Lile la kiingereza hadi linafunika graphics

 

[Ngalikihinja]

Kwahyo minara ya simu ndo tuziite visimbuzi

Kimsingi, siyo mnara mzima, ni zile antenas/madishi. Kwa sababu hata bila mnara, antena ukiiweka chini bado itafanya kazi ile ile ingawa italeta madhara na mawimbi yanaweza yasifike mbali kutokana na kuwa blocked na vitu mbalimbali

 

[FRANCIS DA DON]

Kimsingi, siyo mnara mzima, ni zile antenas/madishi. Kwa sababu hata bila mnara, antena ukiiweka chini bado itafanya kazi ile ile ingawa italeta madhara na mawimbi yanaweza yasifike mbali kutokana na kuwa blocked na vitu mbalimbali

Exactly!!

 

[DR HAYA LAND]

Je oni sigara yeye kasemaje?

 

[Kikwajuni One]

Uandishi wako ni mzuri sana.Umeandika kiswahili safi kabisa,na mpangilio wa maneno.Wewe lazima utakuwa ni msomi wa kiwango cha juu kabisa.Nimesoma uzi huu,nimejifunza mengi sana.

 

[Kikwajuni One]

Wewe ndiye yule unayehojiwa na Phillip wa Clouds?

Kuanzia leo nimekuteua kuwa Mkuu wa BAKITA. Kawasafishe hao Vilaza.

Huyu lazima atakuwa ni msomi na mwenye kipaji,kisicho cha kawaida.Ukisoma alivyoandika,unahisi hasa huyu ni msomi.

 

[GRANDPUBA]

Famasiara nini

 

[Carlos The Jackal]

🤣🤣🤣kule Nako Kuna Hawa akina Sa100 wengi

 

[FRANCIS DA DON]

Je oni sigara yeye kasemaje?

Alichosema ndio hicho kwa niaba ya Baraza, kwamba Decoder ni Kisimbuzi

 

[mgendayika]

Alichosema ndio hicho kwa niaba ya Baraza, kwamba Decoder ni Kisimbuzi

C&P
Tunapohama kutoka analojia kwenda digiti neno 'king'amuzi' limeshamiri sana. Ndipo majuzi kupitia Radio One kwenye kipindi cha lugha ya kiswahili Jumamosi waendesha kipindi wakawa wanajadili haya.

King'amuzi ni detector. Mfano vile vibao vinavyotumika kupapasia sehemu za vizuizi na kwenye maofisi ni ving'amuzi. Vinang'amua uwepo wa kitu kisicho cha kawaida na ndio maana vinatoa mlio.

Decoder (codec)-code-decode ni kutafsiri toka mfumo mmoja kwenda mwingine mfano mawimbi ya analojia kwenda digiti. Na kiswahili chake kutokana na wataalam ni kisimbuzi. Linatokana na neno 'simba'-ficha. Halafu 'simbua'. Hivyo kifaa cha kusimbua kuitwa kisimbuzi.

Tusibanange lugha yaeu adhimu kwa hisia binafsi..., tuiache BAKITA waliokabidhiwa jukumu hilo lituongoze kwa kuzingatia mawazo ya wengi.