Barrick yachangia shilingi trilioni 3.6 pato la Serikali kwa kipindi cha miaka 4

Blasio Kachuchu · 2025-02-14T09:49:57+00:00

Meneja wa Barrick nchini, Dk.Melkiory Ngido akitoa taarifa ya utendaji wa Barrick na Twiga kwenye kikao cha Kamati ya Kudumu ya Bunge ya Nishati na Madini. Mwenyekiti wa Kamati ya Kudumu ya Bunge ya Nishati na Madini Dkt. Mathayo David akifuatilia taarifa katika mkutano huo Kampuni ya Uchimbaji Madini ya Dhahabu ya Barrick imechangia kiasi cha shilingi trilioni 3.6 katika Mapato ya Serikali nchini Tanzania kupitia kodi, mrabaha, na tozo mbalimbali kwa kipindi cha miaka minne kuanzia mwaka 2020 hadi 2024. Wajumbe wa Kamati wakifuatilia taarifa wakati wa mkutano huo. Afisa Mawasiliano wa Barrick nchini Neema Ndossi katika kikao hicho. Na Mwandishi Wetu. Hayo yameelezwa Jijini Dodoma na Meneja wa Barrick nchini Dkt. Melkiory Ngido, mbele ya Kamati ya Kudumu ya Bunge ya Nishati na Madini wakati akiwasilisha Maendeleo ya Kampuni Tanzu baina ya Barrick Gold na Serikali ya Tanzania ya Twiga Minerals. Dkt. Ngido ameelezea kuwa, kwa mujibu wa takwimu za miaka minne kuanzia mwaka 2020 hadi 2024, Kampuni Barrick imewekeza zaidi ya dola bilioni 4.24 (Tsh trilioni 11) katika shughuli zake ndani ya nchi, huku dola bilioni 1.5 (Tsh trilioni 3.6) zikilipwa serikalini kupitia kodi, mrabaha, na tozo mbalimbali. Amesema kuwa, Kampuni ya Barrick ilipochukua usimamizi wa shughuli zake nchini Tanzania mnano mwaka 2019, kampuni hiyo imeendelea kuwa mdau mkubwa wa uchumi kupitia uwekezaji, ajira, na miradi ya kijamii. Kwa upande wa mchango wa kiuchumi Dkt. Ngido ameelezea kuwa kiasi cha Dola za Marekani milioni 158 (shilingi bilioni 412.4) sawa na asilimia 4 zimelipwa kama gawio la Serikali kutoka na ubia huo. Sambamba na hilo, amesema kiasi cha Dola bilioni 2.3 (shilingi trilioni 6.04) sawa na asilimia 55 ya matumizi yote yameelekezwa kwa wasambazaji wa ndani, huku asilimia 32 ya uwekezaji huo kiasi cha dola bilioni 1.37 (shilingi 3.57) kimelipwa kama kodi, mrabaha, na tozo mbalimbali kwa serikali. Ameongeza kuwa, kiasi cha dola 397 milioni (shilingi trilioni 1,03) sawa na asilimia 9 zimetumika kulipa mishahara ya wafanyakazi huku dola milioni 30 (shilingi bilioni 78.3) zikitumika kwenye utafiti wa madini katika maeneo hayo na kiasi cha dola milioni 15.6 sawa na shilingi bilioni 40.7 zimeelekezwa kwenye miradi ya kijamii. Kuhusu ajira alisema Dkt. Ngido amesisitiza kuwa, Barrick imejizatiti katika kutoa ajira kwa Watanzania, ambapo asilimia 96 ya wafanyakazi wake ni raia wa Tanzania, ambapo hivi sasa, Kampuni ina wafanyakazi 6,185, kati yao 5,933 ni Watanzania, huku wageni wakibaki asilimia 4 pekee na kwamba asilimia 53 ya wafanyakazi hao wametoka kwenye jamii zinazozunguka migodi. Ameongeza kuwa, asilimia 100 ya nafasi za juu za usimamizi zinashikiliwa na Watanzania huku uwakilishi wa wanawake wanawakilisha ukiwa ni asilimia 13 ya wafanyakazi wote na kwamba Barrick inazidi kuimarisha mchango wake kwa Tanzania, kwa kuwekeza zaidi katika sekta ya madini, kuinua wajasiriamali wa ndani, na kuboresha maisha ya jamii zinazozunguka migodi yake. Ikumbukwe kuwa, Ripoti ya 14 ya Taasisi ya Uhamasishaji Uwazi na Uwajibikaji katika Rasilimali Madini, Mafuta na Gesi Asilia (TEITI) iliyochapishwa mwezi Juni 2024 ilithibitisha kuwa Kampuni ya Barrick Tanzania ilichangia asilimia 51 ya Mapato ya Serikali yote yaliyotokana na tasnia ya uziduaji, ikiwa ni mchangiaji mkubwa kama taasisi moja katika uchumi. Kwa upande wake, Mwenyekiti wa Kamati ya Kudumu ya Bunge ya Nishati na Madini Dkt. Mathayo David, ameipongeza Kampuni hiyo kwa juhudi hizo huku akitoa wito kwa watendaji na wafanyakazi wa Kitanzania walioajiriwa katika Kampuni hiyo kufanya kazi kwa ufanisi mkubwa ili kulinda imani ya Kampuni pamoja na sifa ya taifa. Akizungumza kwa niaba ya Waziri wa Madini, Kamishna Msaidizi Uendelezaji wa Madini na Migodi kutoka Wizara ya Madini Mhandisi Ally Samaje, amesema kuwa Serikali inajivunia kwa mafanikio makubwa ya Kampuni Tanzu baina ya Barrick na Serikali ya Twiga Minerals na kwamba mazungumzo ya kuanzisha Kampuni zingine za ubia kati ya Serikali na wawekezaji wengine yako katika hatua nzuri.

Thread starter Blasio Kachuchu
Start date Feb 14, 2025
Tags

barrick kipindi miaka pato serikali shilingi

Blasio Kachuchu

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Barrick yachangia shilingi trilioni 3.6 pato la Serikali kwa kipindi cha miaka 4

Blasio Kachuchu

JF-Expert Member

Our Community

Regional Communities