Biblia ina makosa? Nachanganyikiwa!

Jitu la kienyeji

JF-Expert Member
Joined
Dec 13, 2014
Posts
4,445
Reaction score
7,987
Siku ya 33 nasoma hii Biblia, lakini kila nikiendelea mbele ndio kwanza nachanganyikiwa na madudu yaliyomo humu! Wakristo wote mnasema hiki kitabu kimeandikwa na watu waliyovuviwa Roho Mtakatifu.
Kama ni roho mtakatifu inakuaje ameshindwa kuandika kitabu kikanyooka.? Yani humu ndani kuna makosa kibao..

Mwanzo 22:1 inasema Mungu alimjaribu Ibrahimu amchinje Isaka. Lakini Yakobo 1:13 inakataa katakata ikisema Mungu hamjaribu mtu yeyote.

Asa tushike nini hapo? Inamaana huyo Roho mtakatifu alisahau alichoandika Mwanzo hadi akaja kujikana kwenye Yakobo? Hilo ni kosa la wazi kabisa linaloonesha jinsi kitabu hiki kilivyojaa stori tu za kutungwa na wanadamu..

Marko 10:46 inasema walipokuwa wanatoka Yeriko, alikuwepo kipofu mmoja tu kando ya njia, jina lake Bartimayo. Lakini ukifungua Mathayo 20:30, kwenye muujiza ule ule, mahali pale pale, anadai walikuwa vipofu wawili.

Kitabu cha Mungu wa kweli hakiwezi kuwa na madudu na sarakasi kama hizi. Hizi ni stori tu za kupokezana zilizotungwa bila uhakiki wowote.

Kwenye 2 Samweli 24:1, Mungu ndiye aliyemfanya Daudi kwenda kuhesabu watu wa Israeli. Lakini ukifungua 1 Mambo ya Nyakati 21:1 habari inabadilika mchana kweupe ikisema Shetani ndiye aliyesimama na kumfanya Daudi ahesabu watu.
Kwamaana hiyo huyo roho mtakatifu ni punguani sana.

Kwenye 2 Samweli 10:18 inaandikwa wazi kabisa kuwa Daudi akaua watu wa magari mia saba miongoni mwa maadui zake.

Lakini ukifungua 1 Mambo ya Nyakati 19:18, kwenye vita ile ile, mahali pale pale na maadui wale wale, idadi inapaa na kuwa magari elfu saba. Sifuri nzima ya ziada imetoka wapi? Roho wenu alikuwa amelewa kiasi gani hadi ashindwe kuhesabu namba ya magari kwenye tukio moja la kihistoria?.

Kwakweli Sarakasi hizi zinaonyesha jinsi hadithi hizi zilivyotungwa bila hata kufanyiwa uhakiki
 

Attachments

  • FB_IMG_1792073553923.jpg
    395.2 KB · Views: 8
Mwanzo 22:1 vs yakobo 1:13

Maandiko haya hayawezi kukinzana yanapochunguzwa kwa kutumia lugha za asili za Biblia na muktadha wa maneno hayo.

Utofauti huu unatokana na jinsi neno "jaribu" lilivyotafsiriwa katika Kiswahili, wakati katika lugha za asili (Kiebrania na Kiyunani/Kigiriki) lina maana mbili tofauti kabisa:

1. Mwanzo 22:1 – Subira na Kipimo cha Imani (Testing)
* Lugha ya Asili (Kiebrania): Neno lililotumika ni Nassah.
* Maana: Kupima, kumpa mtu mtihani ili kudhihirisha au kuimarisha uwezo, utii, au imani yake.
* Lengo la Mungu: Mungu hakumjaribu Ibrahimu ili amuangushe au kumfanya atende dhambi. Alimpa mtihani wa imani ili kudhihirisha utii wake na kumwekea kielelezo cha imani. Ndio maana Mungu alimzuia asimdhuru Isaka mwishoni na akatoa kondoo wa sadaka.

2. Yakobo 1:13 – Vishawishi vya Kutenda Dhambi (Temptation)
* Lugha ya Asili (Kiyunani): Neno lililotumika ni Peirazo.
* Maana: Kushawishi mtu kutenda dhambi au uovu ili amwasi Mungu.
* Lengo: Yakobo anaeleza kuwa Mungu hana ubaya ndani yake na hawatamanishi watu au kuwashawishi kutenda dhambi. Vishawishi vya dhambi vinatoka katika tamaa mbaya za mtu mwenyewe na kwa Shetani.
Muhtasari wa Tofauti
* Mungu anajaribu (Kupima/Mtihani): Ili kukua, kujenga, na kudhihirisha imani (kama mtihani wa shuleni).
* Mungu hajaribu (Kushawishi dhambi): Mungu hamvuti wala hamshawishi mtu yeyote atende uovu au dhambi.
 
Msomaji nimegundua vitu zaidi ya kimoja kutoka kwako, nitakwambia vichache cha kwanza naona una makasiriko, hasira ni kama vile umelazimishwa kusoma Biblia ukisoma ukiwa hivyo trust me hata usome mwaka mzima utaona nyota nyota tu, huna nia ya kujifunza so far. Cha pili tofautisha Biblia na gazeti au kitabu cha simulizi n.k mtu yeyote akitoka atokapo akaanza kusoma hatoelewa inahitaji utulivu wa akili, na kufungua moyo na akili kuwa unahitaji kujifunza na si vinginevyo, walioandika walikuwa na uvuvio wa Roho Mtakatifu je si zaidi sana yule asomaye? Unatakiwa kuwa kwanza na huyo Roho, Cha mwisho ukizingatia hayo niliokwambia ndipo utakaposoma na kufahamu, AU mfuate mtu aliyejazwa especially kiongozi wako atakupa mwongozo wa namna ya kuanza kuisoma.
 
Makasiriko ya nini sasa? Si uache kuisoma?
 
Biblia uwezi ukaelewa kama huna hekima au huna Roho mtakatifu

Uwezi ukaielewa.

Sema wewe ndiyo unaelewa Madudu ila yenyewe iko sawa kabisa.
 
marko 10:46 vs mathayo 20:30

Maandiko haya hayakinzani, bali yanatupatia taarifa zinazokamilishana kutoka kwa waandishi wawili tofauti.

Hivi ndivyo jambo hili linavyoelezeka:-

* Mtazamo wa waandishi (Lengo la uandishi): Mathayo anataja vipofu wawili kwa sababu alikuwa akirekodi idadi halisi ya watu waliokuwepo. Marko, kwa upande mwingine, aliamua kumwangazia zaidi mmoja tu (Bartimayo)—pengine kwa sababu Bartimayo alikuwa mtu anayejulikana sana au ndiye aliyekuwa anazungumza zaidi na kuongoza ombi la msaada.

* Kanuni ya kilojiki: Kusema "kulikuwa na kipofu mmoja (Bartimayo)" hakukanushi kwamba kulikuwa na wa pili. Mfano: Ukimwona rais na makamu wake, kisha ukamwambia mtu, "Nilimwona Rais leo," hujadanganya—umetaja tu mtu ambaye ulikuwa unamlenga zaidi.
* Kutoka au Kuingia Yeriko: Ingawa Mathayo na Marko wanasema walikuwa wakitoka Yeriko, na Luka (18:35) akisema alikuwa akiingia, archaeologists wamethibitisha kuwa wakati huo kulikuwa na miji miwili ya Yeriko: mji wa zamani wa Kiyahudi na mji mpya wa Kirumi. Yesu alikuwa akitoka Yeriko moja na kuingia nyingine.
Kwa ufupi, waandishi wote wawili wanaeleza tukio lile lile la kweli; Mathayo anatoa idadi yote, wakati Marko anatoa jina na habari za mmoja wao aliyejitokeza zaidi.
 
Jitu la kienyeji said:
Mwanzo 22:1 inasema Mungu alimjaribu Ibrahimu amchinje Isaka. Lakini Yakobo 1:13 inakataa katakata ikisema Mungu hamjaribu mtu yeyote.
Click to expand...

Yak 1:13-15
Ukisoma kwa kutulia hii mistari inaelezea juu ya majaribu ayapatayo mwanadamu kwa sababu ya kutenda dhambi kwake, kwamba mtu yeyote asijekufanya dhambi na akaadhibiwa kwa dhambi hiyo halafu mwisho wa siku aje kusema ni Mungu kamjaribu...

Yakobo 1
13 Mtu ajaribiwapo, asiseme, Ninajaribiwa na Mungu; maana Mungu hawezi kujaribiwa na maovu, wala yeye mwenyewe hamjaribu mtu.

14 Lakini kila mmoja hujaribiwa na tamaa yake mwenyewe huku akivutwa na kudanganywa.

Sasa ukirudi kusoma hiyo Mwanzo 1:22, Ibrahim hakujaribiwa juu ya uovu, bali alijaribiwa ili kuipima IMANI yake juu ya huyo Mungu.
"Kwamba kama kweli unaniamini mimi Mungu, basi utayafuata maagizo nikupayo"
 
Hekima ni Mwalimu said:
Biblia uwezi ukaelewa kama huna hekima au huna Roho mtakatifu

Uwezi ukaielewa.

Sema wewe ndiyo unaelewa Madudu ila yenyewe iko sawa kabisa.
Click to expand...
Hakuna cha Roho mtakatifu wala bibi yake roho mtakatifu.

Kwanza huyo Roho mtakatifu hayupo.

Biblia ni MADUDU ya kupumbaza wajinga kama wewe.
 
Hakuna cha Roho mtakatifu wala shangazi yake roho mtakatifu.

Biblia ni hadithi uchwara zilizotungwa kupumbaza wajinga kama nyie.

Biblia ni hekaya kama zilivyo hekaya za Abunuwasi, Esopo na Alfu Lela Ulela.

Wake up you indoctrinated gullible.

Restore your brain to factory settings.

Biblia ni Scam.
 
Naomba niende nje ya hoja.

Biblia ni kitabu cha utamaduni wa watu wa ulaya kilicholetwa kuutoa utamaduni wa kiafrika na kuuingiza wa kizungu ili kurahisisha utawala wa sheria kwa mkoloni, (usiue, usiseme uongo, usidhini, usitamani cha mwenzako n.k) .

Baada ya ukoloni kuisha huu utamaduni umeendelea kiwepo hivyo basi kuwa makini

All in all biblia sio kitabu kibaya
 
Waliotafsiri ndio walioharibu baadhi ya vifungu kwenye Biblia

Nasoma tafsiri mpya kila siku, ila uhalisia unabaki kuwa Biblia ndio ukombozi wa kweli unao hitajika

Wanatumia nguvu kubwa kuharibu ukweli wake
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…