Damaso
JF-Expert Member
- Jul 18, 2018
- 6,236
- 10,774
Bongo Star Search (BSS) ni moja ya mawazo makubwa na bora sana kuwahi kuzaliwa katika tasnia ya burudani Tanzania. Tangu kuanzishwa kwake hadi sasa, BSS imekuwa zaidi ya shindano la kuimba; imekuwa daraja la ndoto kwa vijana wengi waliokuwa hawana jukwaa la kusikika sauti zao.
Kupitia BSS, taifa limeshuhudia vipaji halisi vikizaliwa na kukua, akiwemo Maria Mohammed, mshindi wa BSS 2010, James Martin aliyeshika nafasi ya pili, na Joseph Pyne, mwenye asili ya Ulaya, aliyeshika nafasi ya tatu—mfano tosha wa jinsi muziki unavyovuka mipaka ya utaifa.
Hata hivyo, thamani ya BSS haipaswi kupimwa kwa mshindi pekee, dunia imeshatoka huko muda mrefu. Dunia imeshuhudia mifano hai kama Julio Iglesias, Céline Dion, Cliff Richard au Sunstroke Project (Epic Sax Guy) ambao hawakushinda Eurovision, lakini waliuacha ulimwengu ukiimba na kucheza nyimbo zao.
Hapo ndipo somo kubwa kwa BSS lilipo: lengo si tu kushinda, bali kuonyesha dunia kuwa Tanzania ina sauti, ina hadithi, na ina muziki wa kiwango cha kimataifa.
Ili kufanikisha hilo, BSS inahitaji mageuzi ya kimfumo. Kwanza kabsa, jopo la majaji linapaswa kuwa chachu ya maendeleo, si kikwazo cha ndoto, mfano mzuri ni Salama Jabir alikuwa ni kama anakwenda kuwakera watu tu, alikuwa anawavunja moyo vijana mpaka inaboa.
Ukosoaji unahitajika, lakini lazima uambatane na moyo wa malezi na ujenzi, unamkosoa mtu kiasi kwamba anajiona ni kama amepoteza muda kuja kujaribu bahati yake. Majaji kama Simon Cowell au Louis Walsh mara kadhaa huwa wanakuwa mkali, lakini wanabaki waelekezi, si mvunjaji wa mioyo. Historia imetuonyesha jinsi baadhi ya vipaji vilivyokata tamaa kutokana na kauli zinazoumiza zaidi kuliko kujenga.
Pili, BSS inapaswa kuendeshwa kama biashara ya muziki, si shindano la msimu tu. Lazima kuwe na mapendekezo madhubuti ya kibiashara yatakayovutia wadhamini wakubwa—kampuni za mawasiliano, teknolojia, muziki na vifaa vya sauti.
Ushirikiano huu unaweza kuboresha majukwaa kiteknolojia, sauti, mwanga na uzalishaji kwa ujumla, na kulifanya shindano liwe la kisasa na la kuvutia kimataifa. Hakuna haja ya kubadilisha jina wakati tayari BSS ni brand, leo ni Epic Bongo Star Search, kesho imekuwa sijui ni Airtel Bongo Star Search, yaani mnabadilisha majina ilihali tayari nyie ni brand.
Tatu, jukwaa la BSS halipaswi kuwa uwanja wa mizaha au kejeli, mara kadhaa mkiwa mnatafuta watu mikoani, mizaha ni mingi sana, ndio maana watu huona ni kama wakati mwingine washindi wapo scripted. Hili ni jukwaa la heshima kwa ndoto za vijana, tengenezeni vigezo kuwa kama mtu ni comedian basi asubirie shindano la cheka tu. Ushiriki unapaswa kuchujwa kwa weledi ili kulinda hadhi ya shindano na kuzingatia lengo lake kuu: kukuza vipaji halisi. Acheni kufanya majukwaa ya BBS kama vile majukwaa ya kina kingwendu, watu wanapeleka mizaha na masihala kupita maelezo.
Mwisho, njia bora ya mbele ni kuifanya BSS kuwa jukwaa la kimataifa la vipaji vya Tanzania, linaloandaa wasanii kwa soko la dunia. Tukibadilisha mtazamo kutoka “kushinda zawadi” kwenda “kuuza sauti zetu kwa dunia,” basi BSS itakuwa sio tu shindano, bali urithi wa muziki wa taifa.
Simon Cowell ana msemo wake: Winning is optional. Impact is permanent. Fanyeni kusimamia mashindano kama sehemu ya kuacha alama kwa Tanzania sio kila mshindi lazima awe nyota, lakini kila sauti inapaswa kupewa uzito wake na kuheshimika. Kina Todrick Hall pamoja na Jennifer Hudson hawakuwa washindi kwenye mashindano ya American Idol ila ndio walikuwa kubeba Oscar, Grammy pamoja na Golden Globe.
Kupitia BSS, taifa limeshuhudia vipaji halisi vikizaliwa na kukua, akiwemo Maria Mohammed, mshindi wa BSS 2010, James Martin aliyeshika nafasi ya pili, na Joseph Pyne, mwenye asili ya Ulaya, aliyeshika nafasi ya tatu—mfano tosha wa jinsi muziki unavyovuka mipaka ya utaifa.
Hata hivyo, thamani ya BSS haipaswi kupimwa kwa mshindi pekee, dunia imeshatoka huko muda mrefu. Dunia imeshuhudia mifano hai kama Julio Iglesias, Céline Dion, Cliff Richard au Sunstroke Project (Epic Sax Guy) ambao hawakushinda Eurovision, lakini waliuacha ulimwengu ukiimba na kucheza nyimbo zao.
Hapo ndipo somo kubwa kwa BSS lilipo: lengo si tu kushinda, bali kuonyesha dunia kuwa Tanzania ina sauti, ina hadithi, na ina muziki wa kiwango cha kimataifa.
Ili kufanikisha hilo, BSS inahitaji mageuzi ya kimfumo. Kwanza kabsa, jopo la majaji linapaswa kuwa chachu ya maendeleo, si kikwazo cha ndoto, mfano mzuri ni Salama Jabir alikuwa ni kama anakwenda kuwakera watu tu, alikuwa anawavunja moyo vijana mpaka inaboa.
Ukosoaji unahitajika, lakini lazima uambatane na moyo wa malezi na ujenzi, unamkosoa mtu kiasi kwamba anajiona ni kama amepoteza muda kuja kujaribu bahati yake. Majaji kama Simon Cowell au Louis Walsh mara kadhaa huwa wanakuwa mkali, lakini wanabaki waelekezi, si mvunjaji wa mioyo. Historia imetuonyesha jinsi baadhi ya vipaji vilivyokata tamaa kutokana na kauli zinazoumiza zaidi kuliko kujenga.
Pili, BSS inapaswa kuendeshwa kama biashara ya muziki, si shindano la msimu tu. Lazima kuwe na mapendekezo madhubuti ya kibiashara yatakayovutia wadhamini wakubwa—kampuni za mawasiliano, teknolojia, muziki na vifaa vya sauti.
Ushirikiano huu unaweza kuboresha majukwaa kiteknolojia, sauti, mwanga na uzalishaji kwa ujumla, na kulifanya shindano liwe la kisasa na la kuvutia kimataifa. Hakuna haja ya kubadilisha jina wakati tayari BSS ni brand, leo ni Epic Bongo Star Search, kesho imekuwa sijui ni Airtel Bongo Star Search, yaani mnabadilisha majina ilihali tayari nyie ni brand.
Tatu, jukwaa la BSS halipaswi kuwa uwanja wa mizaha au kejeli, mara kadhaa mkiwa mnatafuta watu mikoani, mizaha ni mingi sana, ndio maana watu huona ni kama wakati mwingine washindi wapo scripted. Hili ni jukwaa la heshima kwa ndoto za vijana, tengenezeni vigezo kuwa kama mtu ni comedian basi asubirie shindano la cheka tu. Ushiriki unapaswa kuchujwa kwa weledi ili kulinda hadhi ya shindano na kuzingatia lengo lake kuu: kukuza vipaji halisi. Acheni kufanya majukwaa ya BBS kama vile majukwaa ya kina kingwendu, watu wanapeleka mizaha na masihala kupita maelezo.
Mwisho, njia bora ya mbele ni kuifanya BSS kuwa jukwaa la kimataifa la vipaji vya Tanzania, linaloandaa wasanii kwa soko la dunia. Tukibadilisha mtazamo kutoka “kushinda zawadi” kwenda “kuuza sauti zetu kwa dunia,” basi BSS itakuwa sio tu shindano, bali urithi wa muziki wa taifa.
Simon Cowell ana msemo wake: Winning is optional. Impact is permanent. Fanyeni kusimamia mashindano kama sehemu ya kuacha alama kwa Tanzania sio kila mshindi lazima awe nyota, lakini kila sauti inapaswa kupewa uzito wake na kuheshimika. Kina Todrick Hall pamoja na Jennifer Hudson hawakuwa washindi kwenye mashindano ya American Idol ila ndio walikuwa kubeba Oscar, Grammy pamoja na Golden Globe.