Burkina Faso yafuta leseni za mashirika manne ya kigeni

[The Zanzibar Echo]

Burkina Faso imefuta leseni za mashirika manne ya misaada ya kiutu ya kigeni kuendesha shughuli zao nchini humo, na kusimamisha mashirika mengine mawili.Kwa mujibu wa amri ya serikali, iliyotiwa saini katikati ya mwezi Juni, inamnukuu waziri mmoja wa serikali akisema kuwa hatua dhidi ya mashirika hayo imetokana na ukiukaji wa taratibu rasmi.

Mashirika mengine mawili ya kigeni yaliyotajwa katika amri hiyo yamesimamishwa kwa muda wa miezi mitatu, moja likituhumiwa kwa uvunjaji wa sheria za usalama wa taarifa.

Utawala wa kijeshi wa Burkina Faso, mara kwa mara umekuwa ukishutumiwa kwa kuukandamiza upinzani, hasa kutoka kwa mashirika ya kiraia na vyombo vya habari kwa madai kuwa ni sehemu ya mapambano dhidi ya ugaidi.

Wanadiplomasia waliotuhumiwa kwa shughuli za "uchochezi” wamefukuzwa, na vyombo kadhaa vya habari vya kigeni vimefungwa.

 

[TAI DUME]

Tunawaalika waje bongo our hands are widely ready to embrace them

 

[UmkhontoweSizwe]

Safi sana. Ni wakati wa Africa kukataa ujinga ujinga usiokuwa na maana.

 

[Wakusoma 12]

Safi sana. Ni wakati wa Africa kukataa ujinga ujinga usiokuwa na maana.

Ujinga gani? Wewe umeambiwa ni mashirika ya kitu sasa hao madikteta hawataki kukosolewa