CDC yatoa Tsh. Milioni 181 kukabili Ebola, kipindipindu mipakani

[BARD AI]

Serikali ya Marekani kupitia Kituo cha kudhibiti na kuzuia magonjwa cha Marekani (CDC), imekabidhi vifaa vya teknolojia ya habari na mawasiliano (Tehama) vyenye thamani ya Sh181.1 milioni kwa ajili ya ufuatiliaji wa magonjwa katika mipaka ya Tanzania.

Vifaa hivyo ni pamoja na kompyuta za mezani, kompyuta mpakato, UPS, vishikwambi, printa, meza, viti, vibanda, vidhibiti na vifaa vingine vya tehama.

Akizungumza leo Jumamosi, Oktoba 29, 2022 Mkurugenzi Mtendaji wa Menejimenti na Maendeleo ya Afya (MDH), Dk David Sando amesema vifaa hivyo vimetolewa kwa ushirikiano na CDC na ni sehemu ya msaada wa Serikali ya Marekani kwa Wizara ya Afya kwa ajili ya kutambua mapema magonjwa kwa wasafiri wote ndani na nje ya nchi.

“Tangu mwaka wa 2015, serikali ya Marekani imekuwa ikiunga mkono Serikali ya Tanzania katika kuboresha afua za afya katika maeneo ya mipakani ili kukabiliana na milipuko ya magonjwa,” amesema.

Mkurugenzi wa Taasisiya utafiti wa magonjwa ya binadamu Tanzania (Nimr), Profesa Said Aboud amesema vifaa hivyo vitagawiwa kwa pointi saba za kuingilia ikiwemo Namanga, Horohoro, Mutukula, Rusumo, Kabanga, Murongo na bandari ya Dar es Salaam.

Amesema msaada mwingine wa dharura ni pamoja kuongeza usaidizi kwa wafanyakazi 40 katika viwanja vya ndege vya kimataifa JNIA kwa ajili ya uchunguzi ulioimarishwa wa maabara kuingia na kutoka pamoja na mafunzo ya ziada kwa wafanyakazi 86 wa afya na wasio wa afya.

MWANANCHI

 

[Phobia]

MDH utahisi kwamba ni watu vile sasa kaa karibu nao au fanya nao kazi utajua hujui! Rubbish but all in all wamenipush sana ila hovyo sana mDH

 

[pwilo]

MDH utahisi kwamba ni watu vile sasa kaa karibu nao au fanya nao kazi utajua hujui! Rubbish but all in all wamenipush sana ila hovyo sana mDH

Wana nini mkuu mbona kuna mshikaji wangu yupo mbagala rangi tatu hospital pale kama HIV AND AIDS COUNSELLOR naona anatoka kitambi na kavuta mtoto juzi kati tu.

 

[and 300]

Wana nini mkuu mbona kuna mshikaji wangu yupo mbagala rangi tatu hospital pale kama HIV AND AIDS COUNSELLOR naona anatoka kitambi na kavuta mtoto juzi kati tu.

Kitambi cha ARV hicho