Mfumo wa ccm ni wa zamani tangu mwaka 1954. Watu wengi waliokulia kwenye mfumo huu walikuwa na lengo la kupigania uhuru wa nchi miaka ya 1960. Wengi chini ya Nyerere walikuja kuwa wajamaa. Huu ni mfumo maskini sana na mataifa waliyochukua mfumo huu walijikuta wakiwa maskini wakubwa e.g. Msumbiji, na nchi kadhaa za America ya Kusini.
Watu hawa kwenye mfumo wa ccm wamejenga himaya au genge lenye lengo la kujilinda wao wenyewe. Ukiwaunga mkono wanakupa nafasi kwenye genge lao. Wamezoea kutawala na kupata fedha kirahisi kwa njia ya madili ya serikalini. Hawajui biashara wala hawana ujuzi wa mikakati mbalimbali. Hawajui namna ya kujituma na kufanya kazi kwa maarifa, wamezoea kufanya mambo ili mradi wao wanafaidika haijalishi.
Ona jinsi viwanda vyote walivyoacha wakoloni vilivyokufa chini ya Mwalimu. Ona mashirika mbalimbali yaliyokuwepo, ni mengi sana siyataji hapa yalivyokufa, shirika la ndege, shirika la meli, mashamba ya mkonge, kahawa, hata korosho ona zinavyokosa soko, tumbaku, n.k. Watu kama akina Mwinyi, Mkapa, Kikwete, Magufuli, hawajawahi kufanya biashara na hawajui biashara, unafikiri mtu kama huyu atasimamia mgawanyo mzuri wa dili au mkataba wa madini? Kenya marais waliopita walikuwa watu wenye mashamba makubwa, mahoteli n.k, wanajua uchumi ni nini.
Chadema ina watu wanaojua uchumi na wao wenyewe wamewahi kufanya kazi nje ya siasa sio kama wana ccm ambao ni watu wa mtandao wa ccm tangu kuzaliwa wanapiga siasa tu. Usitegemee mtu huyo aweze kuleta mabadiliko na kunyanyua kilimo na biashara nchini, atakuwa mtu wa kukwapua tu vilivyo tayari mezani. Ndivyo walivyo ccm na hivyo tunahitaji akili mpya.
