CHADEMA wanayo mengi ya kujifunza kuhusu umuhimu wa Maridhiano

[Zack Abdul]

1. AFRIKA KUSINI – 1991–1994

👉 Maridhiano kati ya Nelson Mandela na F.W. de Klerk yalisaidia kumaliza mfumo wa ubaguzi wa rangi (Apartheid), kujenga umoja wa kitaifa na kuweka msingi wa demokrasia. Maridhiano hayo yalifungua njia ya uchaguzi wa mwaka 1994 na kuundwa kwa Serikali ya Umoja wa Kitaifa.

2. IRELAND KASKAZINI – 1998

👉 Maridhiano kupitia makubaliano ya Good Friday Agreement yaliwakutanisha serikali na vyama mbalimbali vya kisiasa kutafuta suluhu ya mgogoro wa muda mrefu. Maridhiano hayo yaliweka mfumo wa kugawana madaraka na kuimarisha amani.

3. MSUMBIJI – 1992

👉 Maridhiano kati ya serikali ya FRELIMO na RENAMO yalisaidia kumaliza vita vya wenyewe kwa wenyewe vilivyodumu kwa miaka mingi. Maridhiano hayo yaliweka msingi wa kusitisha mapigano na kuanzisha mfumo wa vyama vingi.

4. KENYA – 2008

👉 Maridhiano kati ya Rais Mwai Kibaki na Raila Odinga, yaliyosimamiwa na Kofi Annan, yalisaidia kutatua mgogoro uliofuatia uchaguzi wa mwaka 2007. Maridhiano hayo yaliwezesha kuundwa kwa Serikali ya Muungano wa Kitaifa na kufungua njia ya mageuzi ya kisiasa.

5. COLOMBIA – 2016

👉 Maridhiano kati ya serikali ya Colombia na kundi la waasi la FARC yalilenga kumaliza vita vilivyodumu kwa zaidi ya miongo mitano. Maridhiano hayo yaliweka msingi wa kuachana na mapambano ya silaha na kuingia katika mfumo wa siasa za kiraia.

6. INDONESIA – 2005

👉 Maridhiano kati ya serikali ya Indonesia na kundi la waasi la GAM yalisaidia kumaliza mgogoro wa muda mrefu katika eneo la Aceh. Maridhiano hayo yaliwezesha kusitishwa kwa mapigano na kuanzishwa kwa mfumo wa kujitawala kwa eneo hilo.

7. EL SALVADOR – 1992

👉 Maridhiano kati ya serikali ya El Salvador na kundi la FMLN yalisaidia kumaliza vita vya wenyewe kwa wenyewe. Maridhiano hayo yaliweka msingi wa mageuzi ya taasisi za usalama na ushiriki wa kisiasa wa waliokuwa waasi✍️

 

[MIGNON]

Ni kweli hawataki maridhiano?Nimemsikiliza Heche aliyekuwa katika kamati ya maridhiano na mpaka leo maeneo yake hayajakanushwa.Asiyetaka maridhiano ni aliye madarakani.Kama huamini subiri 2030 Zanzibar.Jamaa wanzugumza maridhiano baada ya uchaguzi;anyway inawalipa kwai wanendelea kutawala.

 

[ndammu]

Hivi ccm haiwajwahipo kufanya maridhiano na vyama vya siasa? Kikifika kipindi cha uchaguzi mnachokifanya mnasimamia hayo mlioridhiana?

Chadema wamefanya maridhiano miaka yote kwanini kikifika kipindi cha uchaguzi ccm mnakuwa mnawateka wapinzani na kuwafunga?

Ni maridhiano gani mnayoyataka?