Laoshi Laoban
New Member
- Jul 26, 2025
- 1
- 0
Mimi ni yatima wa wazazi wote wawili. Tangu tarehe 16 Julai 2025 nimekuwa nikijaribu kuomba mkopo wa elimu ya juu (ngazi ya shahada) kupitia mfumo wa HESLB, bila mafanikio hadi sasa ninapoandika ujumbe huu.
Nikiwa Karagwe, nilianza mchakato wa maombi kwa njia ya mtandao. Kila nilipoingiza RITA verification number ya cheti cha kifo cha mama yangu, kilichotolewa na RITA, mfumo wa HESLB hunijibu kwa ujumbe usemao "Detail not found".
Baada ya kukumbana na changamoto hiyo, nilijitahidi kukusanya nauli kwa shida ili kuja Dar es Salaam na kufuatilia tatizo hilo ana kwa ana. Nilianza RITA, ambapo waliielekeza hoja hiyo kwa HESLB. Nilipokwenda ofisi za Bodi ya Mikopo ya Elimu ya Juu, nao walidai kuwa tatizo linatoka RITA. Niliporudi tena RITA, nikaelezwa kuwa kuna tume ya pamoja kati ya RITA na HESLB iliyoundwa kushughulikia changamoto kama hizi.
Nilipouliza ni lini tume hiyo itakamilisha kazi ili niweze kuendelea na maombi, niliambiwa hawajui. Wakati huo huo, muda wa mwisho wa kuwasilisha maombi ya mkopo unakaribia.
Nimekwama. Sina msaada wa makazi wala malazi jijini Dar es Salaam. Niko hatarini kukosa fursa ya udhamini wa masomo kutokana na uzembe wa mifumo na mawasiliano duni kati ya taasisi hizi mbili.
Mimi ni yatima mpambanaji, niliyesoma shule za serikali bila msaada wa wazazi, na kufaulu kwa kupata Division One – Point 4 (PCB) katika mtihani wa Taifa kidato cha sita mwaka huu. Ndoto zangu sasa ziko hatarini kuzimika kwa sababu ya kikwazo hiki ambacho siyo cha kiakili wala kimatokeo, bali cha kiofisi.
Naomba sauti ya wanyonge (The voice of voiceless people)- JamiiForums na wadau wengine — kunisaidia kupaza sauti hii. Naamini si mimi peke yangu niliyeathirika na tatizo hili.
Nikiwa Karagwe, nilianza mchakato wa maombi kwa njia ya mtandao. Kila nilipoingiza RITA verification number ya cheti cha kifo cha mama yangu, kilichotolewa na RITA, mfumo wa HESLB hunijibu kwa ujumbe usemao "Detail not found".
Baada ya kukumbana na changamoto hiyo, nilijitahidi kukusanya nauli kwa shida ili kuja Dar es Salaam na kufuatilia tatizo hilo ana kwa ana. Nilianza RITA, ambapo waliielekeza hoja hiyo kwa HESLB. Nilipokwenda ofisi za Bodi ya Mikopo ya Elimu ya Juu, nao walidai kuwa tatizo linatoka RITA. Niliporudi tena RITA, nikaelezwa kuwa kuna tume ya pamoja kati ya RITA na HESLB iliyoundwa kushughulikia changamoto kama hizi.
Nilipouliza ni lini tume hiyo itakamilisha kazi ili niweze kuendelea na maombi, niliambiwa hawajui. Wakati huo huo, muda wa mwisho wa kuwasilisha maombi ya mkopo unakaribia.
Nimekwama. Sina msaada wa makazi wala malazi jijini Dar es Salaam. Niko hatarini kukosa fursa ya udhamini wa masomo kutokana na uzembe wa mifumo na mawasiliano duni kati ya taasisi hizi mbili.
Mimi ni yatima mpambanaji, niliyesoma shule za serikali bila msaada wa wazazi, na kufaulu kwa kupata Division One – Point 4 (PCB) katika mtihani wa Taifa kidato cha sita mwaka huu. Ndoto zangu sasa ziko hatarini kuzimika kwa sababu ya kikwazo hiki ambacho siyo cha kiakili wala kimatokeo, bali cha kiofisi.
Naomba sauti ya wanyonge (The voice of voiceless people)- JamiiForums na wadau wengine — kunisaidia kupaza sauti hii. Naamini si mimi peke yangu niliyeathirika na tatizo hili.