Mtangazaji wa Wasafi Media, Charles William, ametoa uchambuzi kuhusu msamiati na lugha iliyotumika kwenye barua ya kujiuzulu kwa aliyekuwa Makamu Rais Dkt. Emmanuel Nchimbi.
Charles William amebainisha mambo makuu mawili yanayoashiria kuwa Dkt. Nchimbi hajajiuzulu kwa hiari yake kamili bali kutokana na shinikizo na kutokuridhika na mwenendo wa mambo ndani ya chama.
Soma Makamu wa Rais, Dkt. Emmanuel Nchimbi, ajiuzulu
Mabadiliko ya Rais na Shinikizo la Kisiasa
Katika uchambuzi wake, Charles ameeleza kuwa kauli ya Dkt. Nchimbi kwamba ameamua kujiuzulu baada ya "kujiridhisha pasipo kuacha shaka kuwa Rais anahitaji mabadiliko" ina maana nzito ya kisiasa.
"Kwa lugha nyingine anajaribu kusema kwamba Rais hanihitaji. Ndio maana ya Rais anataka mabadiliko"
Kujitenga na Utii wa Chama na Siasa
Charles William ameeleza hitimisho la barua hiyo ambapo Dkt. Nchimbi anaeleza kustaafu siasa na kuahidi "kuendelea kuwa raia mwema wa Tanzania," badala ya kutumia lugha ya kimila ya makada wa CCM ya kuahidi kuendelea kuwa "mwanachama mtii" au kutoa ushirikiano kwa serikali.
