Cheo cha Umakamu wa kwanza wa Rais Cleopa Msuya kuna wenzangu tulitatizika

[Chifu mkuu]

Natumai nyote ni wazima wa afya.

Swala la kuwa Mzee Msuya ni waziri mkuu mstaafu halina utata kwakuwa karibia kila mtanzania anajua
kuwa nchi hii imewahi kuwa na mawaziri wakuu kadhaa ambao kwa sasa ni wastaafu.
Utata unakuja tunapoambiwa mzee Msuya vilevile ni makamu wa kwanza wa rais maana yake nini?!

Kuna wenzetu hasa kile kizazi cha 2000 wameelewa kimakosa kwamba mzee Msuya ndiye wakwanza kushika nafasi ya makamu wa rais wa Tanzania!
Hawa wameelewa kimakosa!.
Maana sahihi ya mzee Msuya kuwa makamu wa kwanza wa rais ni kwamba aliwahi kuwa na cheo au nafasi ya uongozi serikalini baada ya rais inayoitwa MAKAMU WA KWANZA WA RAIS kama ilivyo kwa sasa kwa serikali ya Zanzibar kwamba kuna rais, makamu wa kwanza wa rais na makamu wa pili wa rais na sio kweli kwamba mzee Msuya ndie wa kwanza kushika au kupata cheo hicho cha makamu wa kwanza wa Rais!

Baada ya kulifahamu hilo mimi pia niliingia ndani ya utata na mashaka!.

Mashaka yangu ilikuwa ni je Tanzania iliwahi kuwa na nafasi ya makamu wa pili wa rais kama ilivyo sasa kwa serikali ya Zanzibar?!
Ili kupata majibu hayo nikaanza kufanya utafiti mitandaoni kwa kuangalia hasa watu waliowahi kushika nafasi za makamu wa rais na waziri mkuu.
Utafiti wangu ukanifanya nione kwamba kanuni na taratibu zilizokuwepo baada ya muungano na kabla ya mwaka 1995 ni kwamba endapo rais wa Muungano atatokea Tanzania bara , Rais wa Zanzibar atakuwa na cheo cha pili ambacho ni makamu wa kwanza wa rais wa jamhuri ya muungano na patakuwepo makamu wa pili wa rais wa muungano kutoka bara ambaye pia atakuwa na cheo cha pili ambacho ni waziri mkuu wa jamhuri ya Muungano.

Na endapo rais wa jamhuri ya muungano atatokea Zanzibar basi yeye rais wa Zanzibar atakuwa na cheo cha pili ambacho ni MAKAMU WA PILI wa rais wa jamhuri ya muungano na MAKAMU WA KWANZA wa muungano atatokea Tanzania bara ambapo pia atakuwa na cheo cha pili ambacho ni waziri mkuu wa jamhuri ya muungano wa Tanzania.
Kwahiyo katika serikali ya mwalimu Nyerere ambaye alikuwa anatokea Tanzania bara utawala ulikuwa hivi:.
1️⃣ Rais wa jamhuri ya muungano ambaye anatokea Tanzania bara.
2️⃣Makamu wa kwanza wa rais wa jamhuri ya muungano ambaye pia ni rais wa Zanzibar.
3️⃣ Makamu wa pili wa rais wa jamhuri ya muungano ambaye pia ni waziri mkuu wa jamhuri ya muungano.

Baada ya mwalimu Nyerere kung'atuka na kumuachia serikali mzee Mwinyi (Rukhsa ) ambaye alikuwa anatokea Zanzibar utawala ukawa hivi :
1️⃣ Rais wa jamhuri ya muungano ambaye anatokea Zanzibar.
2️⃣ Makamu wa kwanza wa jamhuri ya muungano ambaye pia ni waziri mkuu wajamhuri ya muungano kutokea bara.
3️⃣ Makamu wa pili wa rais wa jamhuri ya muungano ambaye pia ni Rais wa Zanzibar.


MAKAMU WA KWANZA NA WA PILI WA RAIS WA SERIKALI YA AWAMU YA KWANZA.

1️⃣ Rais = J. K . Nyerere.
2️⃣ Makamu wa kwanza wa rais.

1.Rais wa Zanzibar Abeid Aman Karume
1964 - 1972.

2. Rais wa Zanzibar Aboud Jumbe Mwinyi
1972 - 1984

3. Rais wa Zanzibar. Ally Hassan Mwinyi ( Mzee Rukhsa)
1984 - 1985

3️⃣Makamu wa pili wa rais (serikali ya awamu ya kwanza)

1.Waziri mkuu Rashid Mfaume Kawawa 1964 - 1977.
( Kuanzia mwaka 1977 hadi 1985 ilipoingia serikali ya awamu ya pili hapakuwa na makamu wa pili wa rais )

MAKAMU WA KWANZA NA WA PILI WA RAIS KATIKA SERIKALI YA AWAMU YA PILI.

1️⃣ Rais = Ally Hassan Mwinyi ( Rukhsa )

2️⃣ Makamu wa kwanza wa rais=
1. Waziri mkuu Joseph Sinde Warioba.
1985 - 1990.

2. Waziri mkuu John Samweli Malecela
1990 - 1994.
3. Waziri mkuu Cleopa David Msuya
1994 - 1995.

3️⃣Makamu wa pili wa rais ( serikali ya awamu ya pili )

1.Rais wa Zanzibar Sheikh Idris Abdul wakil. 1985 - 1990.

2. ( Kulingana na makala ya gazeti la MWANANCHI la tarehe 22 September 2015 pia 16 March 2021 )
Rais wa Zanzibar Salmin Amour Juma ( Komandoo )
1990 - 1995.

Soma pia TANZIA - Mzee David Cleopa Msuya afariki Dunia akipatiwa matibabu hospitali ya Mzena

 

[Chifu mkuu]

TAMBIHI

Mwaka 1994 yalifanyika mabadiliko ya baadhi ya vifungu vya sheria vilivyobadilishwa na hivyo kuanzia mwaka 1995 utaratibu wa kumpata makamu wa rais ulibadilika ikawa kwamba mgombea mwenza wa urais ambaye yatakiwa atoke upande wa muungano tafauti na ule aliotoka mgombea urais ndiye anakuwa makamu wa rais baada ya mgombea urais kushinda kiti cha urais.
Hivyo nafasi ya makamu wa pili wa rais ikawa imefutwa na kubaki na makamu mmoja wa rais wa Muungano.
Upande wa Zanzibar waliendelea na utaratibu wa kuwa na rais wa Zanzibar na waziri kiongozi hadi miaka ya karibuni walipoanzisha serikali ya umoja wa kitaifa inayoundwa na vyama viwili tafauti ndio sasa wakawa na rais wa Zanzibar, makamu wa kwanza wa rais na makamu wa pili wa rais.

MAWAZIRI WAKUU serikali ya awamu ya kwanza.
1.Julius K. Nyerere . 1961 - 1962.

2. Makamu wa pili wa rais.
Rashid Mfaume Kawawa.1962 - 1977.

3.Edward Moringe Sokoine 1977 - 1980.

4.Cleopa David Msuya . 1980 - 1983.

5.Edward Moringe Sokoine. 1983 - 1984.

6.Salim Ahmed Salim 1984 - 1985

MAWAZIRI WAKUU serikali ya awamu ya pili.

1. Makamu wa kwanza wa rais Joseph Sinde Warioba.
1985 - 1990

2.Makamu wa kwanza wa rais
John Samweli Malecela 1990 - 1994.

3.Makamu wa kwanza wa rais Cleopa David Msuya 1994 - 1995.

Kuanzia mwaka 1995 utaratibu wa waziri mkuu na rais wa Zanzibar kuwa makamu wa kwanza au makamu wa pili wa rais uliondolewa kwahiyo mawaziri wakuu na makamu wa rais wa kuanzia 1995 hadi leo sitawataja kwakuwa wako nje ya mada.

UTATA!.

Katika vyanzo nilivyopitia kukusanya makala hii ikiwa pamoja na tovuti za serikali haionyeshi kuwa waziri mkuu Edward Sokoine ( 1977 - 1980 / 1983 - 1984 ) katika vipindi vyake vyote viwili vya uwaziri mkuu hakuwahi kutambulika kama makamu wa pili wa rais. Pia Dr Salim Ahmed Salim (1984 - 1985 ) na awamu ya kwanza ya uwaziri mkuu wa Cleopa Msuya hawakutambulika kuwa ni makamu wa pili ( Mzee Msuya alikuwa makamu wa kwanza wa rais katika awamu yake ya pili ya uwaziri mkuu 1994 - 1995 ambapo alikaa mwaka mmoja tu )
japo kwa upande wa Zanzibar Marais wake waliendelea kuzingatiwa kama makamu wa kwanza wa rais ambao ni Aboud Jumbe Mwinyi 1972 - 1984 na Ally Hassan Mwinyi 1984 - 1985 .
Hii inaaanisha kwamba kati ya mwaka 1977 hadi 1985 Tanzania ilikuwa na rais na makamu wa kwanza wa rais ambaye pia alikuwa rais wa Zanzibar lakini hatukuwa na makamu wa pili wa rais.
Sababu za Edward Sokoine, Cleopa Msuya na Salim Ahmed Salim kutozingatiwa kuwa makamu wa pili wa rais nimeshindwa kuelewa ni nini kilitokea!
Lakini lau kama waziri mkuu Dr Salim Ahmed Salim agezingatiwa kuwa makamu wa pili wa rais ingepelekea Makamu wa kwanza na wa pili wa rais wote kutokea Zanzibar.
Pia kwenye tovuti ya serikali haionyeshi kuwa Dr Salmin Amour Juma alikuwa makamu wa pili wa rais japo katika kipindi chake ( 1990 - 1995 )
John Samweli Malecela (1990 - 1994 ) na awamu ya pili ya uwaziri mkuu wa Cleopa Msuya (1994 - 1995) walikuwa makamu wa kwanza wa rais.

Taarifa ya kwamba Dr Salmin Amour Juma alikuwa makamu wa pili wa rais nimeziona kwenye gazeti la MWANANCHI la September 22, 2015 na march 16, 2021 lakini huenda isiwe na ukweli kwakuwa kwenye makala yao kuna mambo kadhaa ambayo wameandika kinyume na uhalisia.

Baada ya haya nakaribisha maoni na kusahihishwa endapo kuna mahala nimekosea hasa katika sehemu zinazomuhusu pm Edward Sokoine, Cleopa Msuya, Salim Ahmed Salim na Dr Salmin Amour Juma.

Soma pia TANZIA - Mzee David Cleopa Msuya afariki Dunia akipatiwa matibabu hospitali ya Mzena

 

[The Coin Man]

Sawa.

Tuendelee na YENYE tija Kwa SASA .hivi NI kosa kusafirisafiri nje hasa Kwa wakati huu CDM haitashiriki uchaguzi 2025

 

[Smart911]

Ahsante kwa taarifa...

Cc: Mahondaw

 

[Chifu mkuu]

Maswali yanayohitaji majibu ni.
1️⃣ Je ni kwanini baada ya mzee Kawawa kumaliza kipindi chake cha uwaziri mkuu na umakamu wa pili wa rais ( 1964 - 1977 ) , kwanini waziri mkuu Edward Sokoine katika vipindi vyake vyote ( 1977 - 1980 na 1983 - 1984 na Cleopa David Msuya ( 1980 - 1983 )
na waziri mkuu Salim Ahmed Salim ( 1984 - 1985 )kwanini hawa hawakuzingatiwa kuwa makamu wa pili wa rais pamoja na kwamba katika vipindi vyao vya uwaziri mkuu Zanzibar kulikuwa na makamu wa kwanza wa rais?!
2️⃣ Je ingewezekana waziri mkuu Salim Ahmed Salim kuwa makamu wa pili wa rais ikiwa wakati huohuo makamu wa kwanza wa rais ni mzanzibari ?!

3️⃣Je ni kweli kuwa rais wa Zanzibar Dr Salmin Amour Juma (1990 - 1995 ) alikuwa pia makamu wa pili wa rais baada ya Sheikh Idris Abdul wakil ( 1985 - 1990 )
kama sio kweli ni kwanini?!

Ahsanteni sana.

 

[Chifu mkuu]

Sawa.

Tuendelee na YENYE tija Kwa SASA .hivi NI kosa kusafirisafiri nje hasa Kwa wakati huu CDM haitashiriki uchaguzi 2025

Hii ni historia ya taifa letu.
Kujikumbusha tulikotoka sio jambo baya lakini pia inaweza kutusaidia kujua tunakoenda.

 

[WORLD CHANGER]

Msuya hakuwa Makamu wa rais. Mtae;lewa baadate. Niishie hapa