Wasalaam wanajukwa..
Ni kipindi kirefu sijajitokeza hapa kuandika kitu chochote kinachohusu mapenzi, uhusiano na urafiki. Sio kwamba nilikuwa siingii na kusoma, la hasha, nilikuwa nikiingia nakusoma kama kawaida na kuchangia kwa uchache sana. Ndugu zangu sitaki kuongelea kilichonitokea mwishoni mwa mwaka uliopita kwa kuwa ilikuwa ni mipango ya Mwenyezi Mungu. Nimeshukuru, nimeinuka na pia najaribu kutembea tena. Kwa hili nasema Ahsante Mungu.
Ndugu zangu wanajamii wenzangu, nipo hapa leo kuzungumza na dada zangu, mama zangu, shangazi na hata wadogo zangu. Ni ukweli usiopingika kwamba nyie ni mama zetu, shangazi zetu na dada zetu.
Ni ukweli usiofichika kwamba mnathamani kubwa kwenye jamii yetu kuliko hata sisi wanaume. Licha ya thamani kubwa mlionayo na ile tunayoendelea kuwapa lakini mmekuwa watu wa ajabu sana.
Dada zangu na mama zangu, maungo yenu yanathamani sana, nguo zenu za ndani zinathamani sana. Shanga zenu na hata tight zenu zinathamani sana. Hazipaswi kuonekana machoni mwetu, hazipaswi kuonekana hata kwa watoto wadogo. Lakini hili ni tofauti kwenu.
Unamkuta mama mwenye miaka hamsini amevaa gauni la mpira linalouchora mwili wake na kusababisha mpaka hata mistari ya nguo kuonekana. Una mkuta mdada amevaa nguo fupi mpaka magotini huku ndani akiwa hana chupi au kama anachupi ile ya mikanda (bikini)
Harafu kibaya zaidi, licha ya kujua nguo mnazovaa ni fupi, lakini mnajilazimisha kukaa huku mmeichanua miguu yenu. Wengine unakuta urembo wa kiunoni umetokeza lakini bila kuijali thamani yake, bila kujali jamii inavyomchukulia, anatembea bila kujistiri.
Dada zangu thamani yenu ni kubwa sana kwa jamii yetu. Ni mwanaume gani ambaye atakupenda kwa kukukuta ukitembea uchi mtaani. Ni mwanaume gani atakayekupenda wakati amekukuta ukiwa nusu kahaba?
Ni wakati wa kubadilika, ni wakati wa kujitambua ili muonekane ni wanawake wa kweli. Ukimkalia uchi mwanaume sio sababu ya kukuoa. Ndio maana wengine huwapa mimba na kukimbia sana kisha mnabaki wenyewe mkilea watoto na kupewa majina ya ajabu (single mothers).
Jaribuni kubadilika mama zangu, jaribu kubadilika shangazi zangu, jaribuni kubadilika dada zangu.
JITAZAMENI UPYA THAMANI YENU NI KUBWA SANA KWA JAMII.
Naomba kuwasilisha