DC Albert Msando: Hakuna mwandishi atakayenyanyaswa

BARD AI · 2022-09-12T16:18:55+00:00

Mkuu wa Wilaya ya Morogoro, Albert Msando amewataka waandishi wa habari, kufanya kazi zao kwa kufuata sheria, taratibu na weledi na kwamba hakuna atakayenyanyaswa, wala kunyang’anywa vitendea kazi, wakati wa utekelezaji wa majukumu yake wilayan humo. Msando alisema hayo katika mdahalo ulioandaliwa na Chama cha Klabu ya Waandishi wa Habari Mkoa wa Morogoro (Moro PC), uliokuwa na dhima ya kulinda usalama wa mwandishi wa habari akiwa kazini, uliodhaminiwa na Shirika la Kimataifa la Kusaidia Vyombo vya Habari (IMS) na kusimamiwa na Umoja wa Klabu za Waandishi wa Habari nchini (UTPC). Alisema kuwa waandishi wa habari watalindwa na kuwezeshwa kufanya kazi zao kwa ufasaha na kuendelezwa kiuchumi, ili waweze kuendana na hali halisi ya kimaisha. Msando pia aliziagiza taasisi za serikali zilizopo wilayani humo, kuacha urasimu wa utoaji habari kwa waandishi wa habari, kwa kuwa wapo kwa mujibu wa katiba na mikataba ya kimataifa katika kutekeleza majukumu yao. Naye Mwenyekiti wa Moro PC , Nickson Mkilanya akimkaribisha Mkuu wa Wilaya katika mdahalo huo, aliziomba mamlaka za serikali mkoani Morogoro, kuwalinda na kuwapatia ushirikiano waandishi wa habari, ili kuweza kuhabarisha umma, kwa kuwa hiyo ni haki ya kikatiba. Nao baadhii ya waandishi wa habari waandamizi, Idda Mushi na Aziz Msuya wakizungumza kwa nyakati tofauti, walisema kuna haja ya vyombo vya ulinzi na usalama kuwalinda waandishi wa habari, kwa vile wanasaidia kusukuma maendeleo ya Taifa. Pia walitumia mdahalo huo kutoa rai kwa wanataaluma wenzao, kutoutumia uhuru wa habari vibaya, bali wafuate sheria na kuzingatia taratibu na maadili ya uandishi wa habari.

Thread starter BARD AI
Start date Sep 12, 2022
Tags

albert msando mwandishi nyanyaswa waandishi

BARD AI

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

DC Albert Msando: Hakuna mwandishi atakayenyanyaswa

BARD AI

JF-Expert Member

Our Community

Regional Communities