Mwanamwana
Platinum Member
- Aug 1, 2011
- 9,604
- 22,722
Mkuu wa Wilaya ya Ubungo, Albert Msando, ameingilia kati na kutolea ufafanuzi sintofahamu iliyotawala miongoni mwa wakazi wa Goba kuhusu kuondolewa kwa kamera za usalama (CCTV) katika makutano ya barabara za Goba Center na Goba Njia Nne.
Kamera hizo, ambazo zilikuwa ni matunda ya mpango wa kuboresha usalama na usimamizi wa trafiki ulioanzishwa na DC Msando mwezi Juni mwaka jana, zilitoweka katika kipindi cha miezi miwili iliyopita, hali iliyozua mijadala mizito mitandaoni.
Kufuatia hofu na dhana zilizoenezwa kuwa kamera hizo ziliondolewa na Jeshi la Polisi ili kuficha ushahidi wa vurugu za Oktoba 29, 2025, DC Msando amebainisha ukweli wa jambo hilo ambapo amesema kuwa kamera hizo hazikuondolewa na Serikali, bali ziling’olewa na kuharibiwa na watu walioshiriki katika maandamano na vurugu za Oktoba 29. Amefafanua kuwa polisi wasingeweza kung'oa kamera hizo kwani zilikuwa ni nyenzo muhimu ya kuwasaidia kuwatambua waliofanya uhalifu siku hiyo.
Licha ya uharibifu huo, DC Msando amewahakikishia wananchi kuwa jitihada za kuimarisha usalama wa barabara na nidhamu ya madereva bado ni kipaumbele.
Amesema kuwa, tofauti na awali ambapo aliweka kamera hizo kupitia jitihada zake binafsi, sasa kuna mpango mkubwa wa Serikali kuu wa kufunga kamera za usalama katika maeneo yote muhimu nchini, kama ilivyotekelezwa jijini Dodoma.
Kamera hizo, ambazo zilikuwa ni matunda ya mpango wa kuboresha usalama na usimamizi wa trafiki ulioanzishwa na DC Msando mwezi Juni mwaka jana, zilitoweka katika kipindi cha miezi miwili iliyopita, hali iliyozua mijadala mizito mitandaoni.
Kufuatia hofu na dhana zilizoenezwa kuwa kamera hizo ziliondolewa na Jeshi la Polisi ili kuficha ushahidi wa vurugu za Oktoba 29, 2025, DC Msando amebainisha ukweli wa jambo hilo ambapo amesema kuwa kamera hizo hazikuondolewa na Serikali, bali ziling’olewa na kuharibiwa na watu walioshiriki katika maandamano na vurugu za Oktoba 29. Amefafanua kuwa polisi wasingeweza kung'oa kamera hizo kwani zilikuwa ni nyenzo muhimu ya kuwasaidia kuwatambua waliofanya uhalifu siku hiyo.
Licha ya uharibifu huo, DC Msando amewahakikishia wananchi kuwa jitihada za kuimarisha usalama wa barabara na nidhamu ya madereva bado ni kipaumbele.
Amesema kuwa, tofauti na awali ambapo aliweka kamera hizo kupitia jitihada zake binafsi, sasa kuna mpango mkubwa wa Serikali kuu wa kufunga kamera za usalama katika maeneo yote muhimu nchini, kama ilivyotekelezwa jijini Dodoma.
