PAYE
JF-Expert Member
- Jun 19, 2025
- 459
- 644
Aprili 2, 2026 Mkurugenzi wa Taasisi ya Tulia Trust ambaye pia ni Rais wa Umoja wa Mabunge Duniani(IPU) na Mbunge wa Jimbo la Uyole Mhe. Dkt. Tulia Ackson amesema nyumba zinazojengwa kwaajili ya watu wenye uhitaji zinajengwa kulingana na mahitaji ya familia husika.
Dkt. Tulia ameyasema hayo kwenye hafla ya kumkabidhi nyumba Bi. Elizabeth Jimmy mkazi wa mtaa wa Mwasote kata ya Itezi Jimbo la Uyole ambaye amejengewa nyumba yenye vyumba vitatu na sebule huku akibaisha kuwa nyumba ndogo zaidi inayojengwa na Tulia Trust inakuwa na vyumba viwili vya kulala na sebule, huku akiwasisitiza wadau wengine kujitolea kusaidia kaya zenye uhitaji.
Katika hatua nyingine Dkt. Tulia amesema wale wote waliofikiwa na bendera ya upendo watasaidiwa kulingana na mahitaji yao ambapo atasaidia katika matibabu kwa wale wenye uhitaji zaidi, kugawa viti mwendo na kutoa mitaji kwaajili ya kuendelea kuwainua wananchi kiuchumi huku akiitaka jamii kujenga utamaduni wa kusaidiana.
Aidha Viongozi wa kata hiyo wakiongozwa na Diwani James Kapolesya, wadau mbalimbali wakiwemo Bodabdoa na Bajaji Jimbo la Uyole pamoja na wananchi wamemuunga mkono kiongozi huyo kwa kutoa misaada kwenye familia hiyo ikiwa ni pamoja na Vyakula, Godoro, Kitanda na fedha.
Dkt. Tulia ameyasema hayo kwenye hafla ya kumkabidhi nyumba Bi. Elizabeth Jimmy mkazi wa mtaa wa Mwasote kata ya Itezi Jimbo la Uyole ambaye amejengewa nyumba yenye vyumba vitatu na sebule huku akibaisha kuwa nyumba ndogo zaidi inayojengwa na Tulia Trust inakuwa na vyumba viwili vya kulala na sebule, huku akiwasisitiza wadau wengine kujitolea kusaidia kaya zenye uhitaji.
Katika hatua nyingine Dkt. Tulia amesema wale wote waliofikiwa na bendera ya upendo watasaidiwa kulingana na mahitaji yao ambapo atasaidia katika matibabu kwa wale wenye uhitaji zaidi, kugawa viti mwendo na kutoa mitaji kwaajili ya kuendelea kuwainua wananchi kiuchumi huku akiitaka jamii kujenga utamaduni wa kusaidiana.
Aidha Viongozi wa kata hiyo wakiongozwa na Diwani James Kapolesya, wadau mbalimbali wakiwemo Bodabdoa na Bajaji Jimbo la Uyole pamoja na wananchi wamemuunga mkono kiongozi huyo kwa kutoa misaada kwenye familia hiyo ikiwa ni pamoja na Vyakula, Godoro, Kitanda na fedha.