Chifu mkuu
JF-Expert Member
- Jan 6, 2025
- 857
- 926
Nakusalimuni nyote.
Kulingana na tarehe itokanayo na mwandamo wa mwezi wa kimataifa Eid Al Adh haa kwa mwaka huu wa 1446 Hijriyyah sawa na 2025 Miylaadiyyah itakuwa siku ya ijumaa ya tarehe 10 Dhul hijja ( mfungo tatu ) mwaka 1446 sawa na tarehe 6 June mwaka 2025 Miylaadiyyah.
Tukio la sikukuu ya Eid ya kuchinja ( Eid Al Adh haa au Eid An Nahri au pia Eid Al Hajj) litatanguliwa na tukio la waislamu waliopo katika ibada ya hijja kusimama katika viwanja vya Arafat siku ya alkhamisi tarehe 9 Dhul hijja sawa na tarehe 5 June huko Makka nchini Saudi Arabia.
Katika siku hiyo ambayo mahujjaaji watasimama Arafat nchini Saudi Arabia waislamu wote duniani watawaunga mkono mahujaji kwa kufunga funga ya Sunna inayojulikana kama swaumu au funga ya arafa.
Katika hadithi iliyopokelewa na imamu Muslim kutoka kwa swahaba Abuu Qatada Al Answaary ni kwamba mtume صلى الله عليه وآله وسلم aliulizwa kuhusu funga ya siku ya arafa akasema:
" Inafuta madhambi ya mwaka uliopita na mwaka ujao".
Ni jambo jema na muhimu sana waislamu kukithirisha matendo mema katika siku kumi zote za mwanzo wa mwezi wa Dhul hijja ikiwa pamoja na kuswali swala za Sunna, kutoa swadaka, kusoma Quran, kuamrisha mema na kukataza mabaya.
Baadhi ya wanachuoni wanaona kuwa inafaa pia kufunga siku tisa zote za mwanzo zinazoitangulia siku ya Eid ya kuchinja kutokana na hadithi ya mtume
صلى الله عليه وآله وسلم aliposema katika hadithi ya Imamu Bukhari toka kwa swahaba Ibnu Abbaas ya kwamba:
"Hakuna masiku ambayo matendo mema yanapendwa zaidi kwa Allaah kuliko haya masiku kumi. Wakasema , "ewe mjumbe wa Allaah , hata jihadi katika njia ya Allaah?!" Akasema mtume صلى الله عليه وآله وسلم " hata jihadi katika njia ya Allaah, isipokuwa mtu aliyetoka ( kwenda jihadi ) kwa nafasi yake na mali yake na ikawa hakikurudi chochote".
Hadithi hii inatuhimiza kuongeza bidii katika ibada za faradhi na sunna katika haya masiku kumi ya mwanzo ya mwezi wa Dhul hijja ( mfungo tatu ).
Pia katika mambo ya kuzingatia ni kwamba kwa mtu mwenye nia ya kuchinja siku ya Eid haitakiwi kukata kucha wala nywele za aina yoyote wala kupunguza chochote katika mwili wake kv kutahiri hadi atakapomaliza kuchinja.
Hili limekatazwa katika hadithi ya mtume صلى الله عليه وآله وسلم Iliyopokewa na Imamu Muslim kutoka kwa mke wa Mtume Ummu Salama anasema kuwa mtume صلى الله عليه وسلم amesema:
" Yakiingia masiku kumi ( ya mwanzo wa Dhul hijja) na mmoja wenu akataka kuchinja basi asiondoe chochote katika nywele zake wala mwili wake mpaka atakapochinja"
Katika mambo ya kuzingatia ni kwamba kuchinja kunakozingatiwa siku ya Eid ni kwamba.
1️⃣ Yatakiwa mtu achinje baada ya kuwa ameishaswali swala ya Eid.
Akichinja kabla ya swala ya Eid haizingatiwi kuwa kafanya ibada ya kuchinja siku ya Eid.
2️⃣ Mnyama anayechinjwa ya takiwa awe ni mmoja wa wanyama aina nne wafugwao:
Ngamia, Ng'ombe, Kondoo na mbuzi.
Farasi na ndege kama bata na kuku hawazingatiwi katika ibada ya kuchinja siku ya Eid.
3️⃣ Mnyama anayechinjwa yatakiwa awe na afya kamili na asiwe ugonjwa wala ulemavu wa aina yoyote kama upofu, ulemavu katika miguu yake nk.
Mwisho kabisa ni Sunna kupiga takbira kwa sauti kila baada ya swala ya faradhi kuanzia alfajiri ya siku ya arafa ( tarehe 9 ) na siku ya Eid hadi alasiri ya mwisho wa masiku ya kubanika nyama. ( Tarehe 13 )
Nakutakieni maandalizi mema ya funga ya arafa siku ya alkhamisi na sherehe za Eid Al Adh haa siku ya ijumaa.
Tamati.
Kulingana na tarehe itokanayo na mwandamo wa mwezi wa kimataifa Eid Al Adh haa kwa mwaka huu wa 1446 Hijriyyah sawa na 2025 Miylaadiyyah itakuwa siku ya ijumaa ya tarehe 10 Dhul hijja ( mfungo tatu ) mwaka 1446 sawa na tarehe 6 June mwaka 2025 Miylaadiyyah.
Tukio la sikukuu ya Eid ya kuchinja ( Eid Al Adh haa au Eid An Nahri au pia Eid Al Hajj) litatanguliwa na tukio la waislamu waliopo katika ibada ya hijja kusimama katika viwanja vya Arafat siku ya alkhamisi tarehe 9 Dhul hijja sawa na tarehe 5 June huko Makka nchini Saudi Arabia.
Katika siku hiyo ambayo mahujjaaji watasimama Arafat nchini Saudi Arabia waislamu wote duniani watawaunga mkono mahujaji kwa kufunga funga ya Sunna inayojulikana kama swaumu au funga ya arafa.
Katika hadithi iliyopokelewa na imamu Muslim kutoka kwa swahaba Abuu Qatada Al Answaary ni kwamba mtume صلى الله عليه وآله وسلم aliulizwa kuhusu funga ya siku ya arafa akasema:
" Inafuta madhambi ya mwaka uliopita na mwaka ujao".
Ni jambo jema na muhimu sana waislamu kukithirisha matendo mema katika siku kumi zote za mwanzo wa mwezi wa Dhul hijja ikiwa pamoja na kuswali swala za Sunna, kutoa swadaka, kusoma Quran, kuamrisha mema na kukataza mabaya.
Baadhi ya wanachuoni wanaona kuwa inafaa pia kufunga siku tisa zote za mwanzo zinazoitangulia siku ya Eid ya kuchinja kutokana na hadithi ya mtume
صلى الله عليه وآله وسلم aliposema katika hadithi ya Imamu Bukhari toka kwa swahaba Ibnu Abbaas ya kwamba:
"Hakuna masiku ambayo matendo mema yanapendwa zaidi kwa Allaah kuliko haya masiku kumi. Wakasema , "ewe mjumbe wa Allaah , hata jihadi katika njia ya Allaah?!" Akasema mtume صلى الله عليه وآله وسلم " hata jihadi katika njia ya Allaah, isipokuwa mtu aliyetoka ( kwenda jihadi ) kwa nafasi yake na mali yake na ikawa hakikurudi chochote".
Hadithi hii inatuhimiza kuongeza bidii katika ibada za faradhi na sunna katika haya masiku kumi ya mwanzo ya mwezi wa Dhul hijja ( mfungo tatu ).
Pia katika mambo ya kuzingatia ni kwamba kwa mtu mwenye nia ya kuchinja siku ya Eid haitakiwi kukata kucha wala nywele za aina yoyote wala kupunguza chochote katika mwili wake kv kutahiri hadi atakapomaliza kuchinja.
Hili limekatazwa katika hadithi ya mtume صلى الله عليه وآله وسلم Iliyopokewa na Imamu Muslim kutoka kwa mke wa Mtume Ummu Salama anasema kuwa mtume صلى الله عليه وسلم amesema:
" Yakiingia masiku kumi ( ya mwanzo wa Dhul hijja) na mmoja wenu akataka kuchinja basi asiondoe chochote katika nywele zake wala mwili wake mpaka atakapochinja"
Katika mambo ya kuzingatia ni kwamba kuchinja kunakozingatiwa siku ya Eid ni kwamba.
1️⃣ Yatakiwa mtu achinje baada ya kuwa ameishaswali swala ya Eid.
Akichinja kabla ya swala ya Eid haizingatiwi kuwa kafanya ibada ya kuchinja siku ya Eid.
2️⃣ Mnyama anayechinjwa ya takiwa awe ni mmoja wa wanyama aina nne wafugwao:
Ngamia, Ng'ombe, Kondoo na mbuzi.
Farasi na ndege kama bata na kuku hawazingatiwi katika ibada ya kuchinja siku ya Eid.
3️⃣ Mnyama anayechinjwa yatakiwa awe na afya kamili na asiwe ugonjwa wala ulemavu wa aina yoyote kama upofu, ulemavu katika miguu yake nk.
Mwisho kabisa ni Sunna kupiga takbira kwa sauti kila baada ya swala ya faradhi kuanzia alfajiri ya siku ya arafa ( tarehe 9 ) na siku ya Eid hadi alasiri ya mwisho wa masiku ya kubanika nyama. ( Tarehe 13 )
Nakutakieni maandalizi mema ya funga ya arafa siku ya alkhamisi na sherehe za Eid Al Adh haa siku ya ijumaa.
Tamati.