Episode ya 1

proxy · 2017-02-10T18:55:47+00:00

Ni saa sita za usiku sasa bado Jaji Hyera yuko sebuleni akiendelea kupitia kitabu chake cha sharia. Katika meza ndogo kulikuwa na vitabu vingine zaidi ya saba vya sheria.Aliendelea kufungua ukurasa baada ya ukurasa.Alionekana kuwa na mawazo mengi mno.Wakati akiendelea kupitia kurasa za kitabu kile mke wake akaingia pale sebuleni akiwa na kikombe cha kahawa, akakiweka mezani halafu akainama na kumbusu mumewe. “ You need to take a rest now.Tommorow is your big day” akasema Flaviana mwanamke mwenye uzuri wa kipekee. Hyera akakifunika kitabu chake na kumtazama mkewe ,akachukua kikombe cha kahawa akanywa kidogo na kusema “ Natamani sana nipumzike lakini sina hakika kama nitapata usingizi.” Mke wake akamuangalia kwa makini halafu akasema “ Kuna jambo nataka nikuulize mume wangu” “ Uliza usihofu ” “ Najua kesi hii ni moja kati ya kesi kubwa na ngumu kwako.Hukumu unayotarajia kuitoa kesho inasubiriwa kwa hamu kubwa sana na umma wa watanzania.Wewe ni jaji na nina imani maamuzi yako utakayoyachukua ni sahihi kabisa,lakini swali langu ni je Yule msichana ana hatia? Swali lile lilionekana gumu sana kwa Jaji Hyera Akainama akafikiri kidogo halafu akachukua kikombe cha kahawa akanywa kidogo na kumtazama mkewe. “ My love kesi hii ni ngumu sana na imejaa utata mwingi na ndiyo maana unaniona mpaka hivi sasa bado niko hapa.” Akasema Hyera Flaviana akamtazama mume wake na akagundua kwamba hakuwa tayari kumjibu swali alilouliza.Akasimama na kusema “ Sina wasi wasi na maamuzi utakayoyatoa kesho lakini nakuomba utoe haki kwa upande wenye haki.” Hyera hakumjibu kitu akabaki akimuangalia “ Come to bed when you are done,but don’t stay till very late.You have a big day tomorrow.” Akasema Flaviana na kuelekea chumbani .Elibariki akavuta pumzi ndefu na kuchukua kitabu chake cha sheria akaendelea kukisoma. “ Katika maisha yangu ndani ya sheria sijawahi kukutana na kesi ngumu yenye mitihani kama hii.Hata hivyo niliapa kusimamia sheria na kutenda haki kwa kila mwenye haki.Katika maamuzi yangu ya kesho lazima nifanye kwa haki japokuwa nina hakika nitakuwa katika matatizo makubwa baada ya hukumu ya kesho lakini siwezi kupindisha sheria eti tu kwa sababu ya shinikizo toka kwa mtu au kikundi cha watu.Mungu ataniongoza na kunisimamia ili nitoe hukumu ya haki” akawaza Hyera na kufunga vitabu vyake akaelekea chumbani kulala, tayari Flaviana mke wake amekwisha lala.Akamtazama kwa makini na kujisemea moyoni “ Nina hakika hata wewe hautanitazama vizuri baada ya hukumu ya kesho,lakini sina namna nyingine zaidi ya kutenda haki.Utanisamehe mke wangu” akawaza Hyera na kupanda kitandani kulala. **************************** “ Hyera my love,amka kumekucha !! ..Ilikuwa ni sauti tamu na laini ya Flaviana akimuamsha mumewe.Jaji Hyera ambaye asubuhi hii alionekana kuzama katika usingizi mzito akafumbua macho huku akiguna na kutazama saa ya ukutani.Ni saa kumi na mbili na dakika ishirini za asubuhi. “ jana sikupata usingizi kabisa.Usiku wangu ulikuwa mrefu sana” akasema kwa sauti ya uchovu. “ Please wake up honey.Today its going to be a very long day” akasema Flaviana. Hyera akainuka na kuelekea katika chumba chake cha mazoezi akafanya mazoezi kidogo halafu akaelekea bafuni. Bado kichwa chake kiliendelea kuwa na mawazo mengi sana. Alivyooga akarejea chumbani na kukutana na suti nzuri aliyoandaliwa na mke wake akavaa na kujitazama katika kioo kikubwa kilichokuwamo chumbani mwao.Aliganda pale katika kioo hadi mke wake alipoingia naye akaanza kujiandaa. “ Leo unakwenda kazini? Akauliza Jaji Hyera. Flaviana akacheka kidogo na kusema “ Usinichekeshe mume wangu,yaani niende kazini leo? Siwezi kufanya hivyo hata kidogo.Leo ni siku yako kubwa.Ni siku yetu kubwa.Ni siku ambayo jina lako litaingia katika vitabu vya historia kwa hukumu unayokwenda kuitoa.Vyombo vyote vya habari vitakuwepo mahakamani ,lazima na mimi niwepo nikuunge mkono pamoja na mdogo wangu Oliver.” Akasema Flaviana. Hyera hakujibu kitu akaendelea kujitazama katika kioo. “Are you nervous my love? Akauliza Flaviana “ No I’m not” akajibu Hyera halafu wakaongozana kuelekea katika chumba cha chakula kwa ajili yakupata kifungua kinywa.Wakati wakiendelea na kupata kifungua kinywa simu ya Jaji Hyera ikaita.Akaitazama ikiita akasita kuipokea. “ Mbona hupokei hiyo simu? Akauliza Flaviana “ Its your father.Mr President” akajibu Elibariki “ Usiogope.Ongea naye .Si kawaida yake kupiga simu mida kama hii, inawezekana ana jambo la maana la kukwambia” Akasema Flaviana. Hyera akaichukua simu na kubonyeza kitufe cha kupokelea huku akiinuka na kuelekea sebuleni. “ Hallo Mr President” akasema Jaji Hyera “ Hallo Jaji.Mnaendeleaje vijana wangu? “ Tunaendelea vizuri mzee.Ninyi mnaendeleaje? “ Tunaendelea vizuri sana” “ Nashukuru kusikia hivyo” akasema Hyera na kimya kifupi kikapita “ Hyera,today its your big day” akasema Mheshimiwa rais. “ Najua unakwenda kutoa hukumu katika kesi ngumu inayovuta hisia za watu wengi na hasa kwa kuwa binti wa rais naye kesi hii inamuhusu kwani mchumba wake ndiye aliyeuawa.Sikufundishi kuifanya kazi yako lakini fanya maamuzi ya haki kwa namna uonavyo wewe.Pamoja na hayo kuna jambo ambalo nataka kukuomba kijana wangu” Akasema Profesa Daka Masumbuko rais wa jamhuri ya Muungano wa Tanzania. “ Nakusikiliza mzee” akasema Jaji hyera kwa wasi wasi . “ Nilikuteua kuwa jaji kwa sababu wewe ni msomi mzuri na unazifahamu sheria za nchi kwa hiyo sitaki kuingilia maamuzi yako lakini nakuomba kijana wangu japokuwa nimechelewa kukuomba lakini try in anyway you can to make my daughter Happy.Ni hilo tu ninalotaka kukuomba kijana wangu.Nakutakia siku njema” akasema mheshimiwa rais na kukata simu.Jaji Hyera alibaki ameduwaa asijue afanye nini. Maneno yale ya rais ambaye ni baba mkwe wake yalimfanya ahisi kuchanganyikiwa. “ Huu ni mtihani mgumu sana lakini Mungu atanitangulia nitatenda haki” akawaza Hyera na kurejea mezani “ Amekwambia nini baba? Mbona sura yako imebadilika namna hiyo? Akauliza Flaviana “ Nothing.Just greetings” akajibu Hyera na kuendelea kupata kifungua kinywa.Baada ya kumaliza akarejea chumbani na kujitazama tena katika kioo na kuvuta pumzi ndefu. “ Please help me Lord.I’m in a very difficult situation” akasema Hyera kwa sauti ndogo na mara mke wake akaingia mle chumbani “ Its time my love.Are you ready? “ Let’s go” akasema Hyera,wakatoka wakaingia garini na kuondoka. ************************** Hakukuwa na nafasi tena ya kukaa ndani ya chumba cha mahakama kutokana na watu kujaa.Ni siku ya hukumu ya kesi ya mauaji inayomkabili mmiliki wa maduka makubwa ya mavazi ya Ritha Fashion, Ritha Wambinga. Kesi hii iliyovuta hisia za watu wengi na kuwafanya wafurike ili kuja kusikia hukumu ilikuwa inaonyeshwa moja kwa moja katika runinga. ILikuwa ni kesi ya kwanza kubwa kurushwa moja kwa moja katika runinga nchini, Katika kila kona ya nchi watu walikuwa wakifuatilia matangazo ya moja kwa moja ya kesi hii ambayo hukumu yake ilikuwa inasubiriwa na watu wengi. Ndani ya chumba cha mahakama ilikuwepo familia ya rais ikiongozwa na mke wa rais, Dr Flora Daka ambaye alikuwa ameambatana na binti zake wawili Flaviana na Oliver. Familia ya Edson Kobe kijana anayedaiwa kuuliwa na Ritha nayo ilikuwepo mahakamani hapo ili kuhakikisha kwamba haki inatendeka.Familia ya Edson na ile ya rais zilikuwa ni familia rafiki kwa muda mrefu sana.Kwa upande wa Ritha hakukuwa na ndugu yake yeyote aliyefika mahakamani pale zaidi ya rafiki zake wachache. Tayari mtuhumiwa amekwisha ingizwa mahakamani na aliyekuwa akisubiriwa ni jaji anayeisikiliza kesi ile aweze kuingia na kuisoma hukumu.Wakati wakimsubiri Jaji aingie, John Wabukoba mwanasheria anayemtetea Ritha alikuwa akibadilishana mawili matatu na mteja wake . “ John,kabla hukumu haijaanza ninaomba nikwambie kitu.” Ritha akanyamaza kidogo na kuendelea. “ Nakushukuru sana kwa kila kitu ulichonifanyia. Umenisimamia katika kesi hii kwa kila namna ulivyoweza.Najua chochote kinaweza kikatokea siku ya leo hivyo nakuomba endapo ikitokea nikakutwa na hatia na kufungwa kifungo cha maisha au kifo uhakikishe yale yote niliyokuandikia katika karatasi unayatimiza.Wewe ni zaidi ya rafiki.Wewe ni ndugu yangu pekee ninayekutambua. Ninakukabidhi kila kilicho changu endapo mambo yataenda kinyume na matarajio yetu." Akasema Ritha huku machozi yakimtoka “ Ritha naomba usikate tamaa hata kidogo. Nimepambana vya kutosha kuhakikisha kwamba tunashinda kesi hii lakini kama mambo yataenda tofauti na matarajio yetu hautakuwa ni mwisho.Nitafungua ukurasa mpya wa mapambano na nitapambana hadi nihakikishe haki imepatikana.” Akasema John na mara Jaji Hyera akaingia.Wakati Jaji akiingia Ritha akamnong’oneza John sikioni “ I didn’t do it.I didn’t kill him” “ I know Ritha and I believe you” akasema John na mara mahakama ikaanza.” JAJI TAYARI AMEINGIA NA MAHAKAMA IMEANZA ,JAJI HYERA ATAAMUA KITU GANI? RITHA NI NANI NA AMEFIKAJE HAPA ALIPOFIKA... Tuonane katika toleo lijalo NB: Majina ni ya kutunga tusitafsiriane[emoji51] Itaendelea kesho....

Thread starter proxy
Start date Feb 10, 2017

proxy

JF-Expert Member

Feb 10, 2017

Mudhyd

JF-Expert Member

Feb 11, 2017

Okol36

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts