Fursa na Mitaji Sekta ya Ujenzi Inakuja, Kikubwa Tuwajibike

Stephano Mgendanyi · 2024-06-03T20:24:47+00:00

Waziri wa Ujenzi, Innocent Bashungwa ameeleza kuwa Serikali inaendelea na jitihada za kutafuta fedha kupitia wahisani mbalimbali wa maendeleo ili kusaidia Makandarasi wa ndani kuwa na uwezo wa kutekeleza miradi mbalimbali ya miundombinu nchini. Akiongea kupitia kipindi cha Mizani ya Wiki cha U TV, Waziri Bashungwa ameeleza kuwa Serikali kupitia Wizara ya Ujenzi imeshakaa na baadhi ya Benki na wadau mbalimbali wa maendeleo kuona namna ya kusaidia kuwezesha Makandarasi wa ndani katika kutafuta fursa mbalimbali kupitia Sekta ya Ujenzi. "Tutatengeneza fursa ambazo zitakuwa rafiki kwa Makandarasi wetu ili washiriki kikamilifu katika miradi ya kuijenga na kukarabati nchi yetu" ameeleza Bashungwa. Bashungwa amebainisha kuwa Serikali itatoa kipaumbele kwa Makandarasi wa ndani na kusisitiza makandarasi hao kufanya kazi kwa viwango na kufuata mikataba. Amefafanua kuwa katika utekelezaji wa miradi Serikali itaangalia uzoefu wa wataalam badala ya kampuni ili kuhakikisha kila Mkandarasi anayepewa kazi ana uwezo binafsi wa kusaidia usimamizi na ujenzi wa miradi yetu. Ameeleza kuwa Mpango wa Wizara kwa siku za usoni ni kuchukua Wahandisi waliomaliza vyuo vikuu ili wasajiliwe ERB na kuwapeleka mafunzo ya vitendo kwa muda wa miaka 3 kwenye miradi mbalimbali ili baadae wajiunge katika vikundi na kupata miradi midogomidogo ili wakue kiujuzi na utaalam na hapo baadae Serikali itaangalia namna ya kuwaanzishia mifuko ya kuwasaidia ili waendelee kujiimarisha na kutodumaza taaluma zao.

Thread starter Stephano Mgendanyi
Start date Jun 3, 2024
Tags

fursa mitaji sekta ujenzi

Stephano Mgendanyi

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Fursa na Mitaji Sekta ya Ujenzi Inakuja, Kikubwa Tuwajibike

Stephano Mgendanyi

JF-Expert Member

Our Community

Regional Communities