Gerald Hando: Nitanunua Jezi ya Taifa Stars, Lakini sio hizi Mpya

[Jannatul Firdaus]

Mtangazaji wa Wasafi Media kipindi cha 'Good Morning', Gerald Hando, ameweka wazi msimamo wake wa kutokuvutiwa na muundo (design) wa jezi mpya za timu ya taifa ya mpira wa miguu, Taifa Stars, zinazotarajiwa kutumika katika michuano ijayo.

Akiwa anazungumza kwenye kipindi hicho, Hando ameeleza kuwa ingawa ana mpango wa kununua jezi ya timu ya taifa, hatanunua aina ya jezi iliyopo sasa kutokana na muonekano wake kutomvutia na kusema anaungana na maoni yaliyotolewa awali na Mkuu wa Mkoa wa Arusha, Paul Makonda.

"Mimi nina mpango wa kununua bila shaka, lakini sio hizi. Kama wakibadilisha nitanunua. Hizi hazijanivutia kabisa, muundo na muonekano wake sijazipenda... Naungana na Makonda, sio tamu kwa ajili ya timu ya taifa inayoelekea michuano mikubwa kama AFCON," alisema Hando.

Amedai kuwa, nguo au jezi za timu ya taifa zinapaswa kuwa na mvuto wa kipekee unaomfanya mtu ajisikie fahari kuivaa, hata kama si mshabiki wa kawaida wa timu hiyo kama ilivyo kwa jezi za timu nyingine kubwa duniani kama vile Ujerumani.

soma

• Makonda: Jezi za timu ya Taifa ni mbaya, hata ukiisugua na dodokii
• Sandaland Kuiburuza Mahakamani Wizara ya Michezo Kuhusu Jezi za Taifa Stars

 

[WAIKORU]

Machawa kazini,..

 

[AI BRAINFULL]

Wazir wa habari na yeye mwana habar tena chawa je utategemea atakua upande upi?

 

[Nakfa]

Hando ana akili kubwa sana

 

[Kennedy]

Huyo Ni Mwandishi Wa DP World Sasa Hivi
Njaa Tupu Inamsumbua

 

[cocastic]

Huyu nae atulie, kwani ukiwa kuchu, lazima uwe chawa? Mxxxiiieeew.

 

[denoo G]

Kizuri kipo kwenye macho ya mtu, Sandaland aachwe auze jezi.

 

[NgerukeAbra]

Nitanunua pea saba za jezi za timu ya Taifa zilizotengenezwa na sandaland.

 

[econonist]

Sandaland juu.

 

[Bemendazole]

Hata kama Taifa stars watavaa jezi za magunia, let them focus kwenye kuleta ushindi.
Haijalishi paka ni mweusi au mweupe, muhimu akamate panya!
Nadhani sasa discussion kubwa iwe, tunaiwezeshaje Taifa stars kuleta ushindi? Na sio maswala ya jezi.

 

[Whackiest]

Sasa ata akinunua mbn uwezi kujisifia kwa nchi ya watu wajinga wajinga wanaoona ujinga na wanafurahi

 

[Mtili wandu]

Chawa pro max anazeeka vibaya, huyu mnafiki sana ndiyo maana aliwasaliti masud na Fina Enzi zile.