The Father of All
JF-Expert Member
- Feb 26, 2012
- 11,099
- 13,709
Kwa waliosikiliza kwa makini taarifa ya Mathias Gwajima watagundua yafuatayo:
Mosi, Gwajima ni tapeli wa kawaida aliyejificha nyuma ya dini na sasa siasa ambapo anaanza kujiumbua kwa kuonyesha sura na tabia zake halisi.
Pili, Gwajima ameanza kuchanganyikiwa kiasi cha kujichanganya akilenga kuwachanganya wengine wamuunge mkono wakati hafai sawa na tapeli yeyote wa kidini na kisiasa. Gwajima akubali. Arobaini zake zimefika na amezisababisha mwenyewe.
Hivyo, asiwalaumu wengine bali ajilaumu hasa kwa domo lisilowasiliana na ubongo kabla ya kupayuka.
Tatu, Gwajima ana hasira na kisasi dhidi ya CCM jambo ambalo linamtoa nje ya ulingo wa kisiasa. Mwanzoni alisema kuwa hakuamini kuwa CCM, serikali yake, na vyombo vya dola vilikuwa vinahusika na utekaji. Juzi, kajipiga mtama na kuishutumu CCM moja kwa moja asijue ndo aliharibu kabisa. Kimsingi, Gwajima hana uwezo wa kiakili wa kujadili mambo mazito anayojitahidi kujadili bila mafanikio.
Nne, Gwajima ni kilaza anayewaita wenzake vilaza. Mfano, katika maneno yake, alisema kuwa Mfalme Henry VIII wa Uingereza alikuwa kasisi wa Kanisa Katoli jambo ambalo si kweli. Historia ya Mfalme Henry VIII inamuonyesha kama Mfalme wa Uingereza aliyelitaka Kanisa Katoliki kubatilisha ndoa yake na Malkia
Catherine wa Aragon jambo ambalo Papa alilikataa na kusabisha Henry VIII ajitenge na kanisa na kuanzisha Kanisa la Kianglicana. Hivyo, si kweli kuwa Mfalme Henry VIII alikuwa kasisi.
Tano, Gwajima anadai kuwa wakristo wote ni wakatoliki. Huu nao ni uzushi wa kupigiwa mfano. Watakuwaje wakatoliki wakati walijitenga na kanisa hili na kuanzisha makanisa yao.
Sita, bila mafanikio, Gwajima anajifanya kumtetea padri Charles Kitima pale aliposhambuliwa na "watu wasiojulikana." Wenye akili na kumbukumbu wanajiuliza : Mbona hakuyasema haya wakati Kitima aliposhambuliwa?
Saba, Gwajima anaonyesha viwango vya juu vya unafiki na ubabaishaji. Huwezi kumlaumu Samia lakini ukamnyamazia aliyemtengeneza yaani Magufuli. Kwa muda wote, Gwajima alikuwa wapi?
Nane, Gwajima anatapatapa akijitahidi kuwatetea wapinzani. Mfano, aliongelea miujiza ya Tundu Lissu 'kumeza' risasi 16.
Ukweli ni kwamba Lissu hakumeza risasi hata moja bali alimiminiwa risasi 16. Wengi wenye kumbukumbu wanashangaa kwanini Gwajima amtetee Lissu sasa na siyo wakati aliposhambuliwa tena chini ya muungu wa Gwajima wa kisiasa yaani Marehemu John Pombe Magufuli aliyemfinyanga kwa kumdhulumu mtoto wa dada yake?
Tisa, licha ya kuwa kilaza wa kunuka anayejitia usomi asiokuwa nao, Gwajima ni zwazwa na muongo wa kutupwa. Mengi ya aliyosema ima ni uongo, matokeo ya chuki, kutapatapa, kukata tamaa, uchochezi, na uzushi vya kawaida ambavyo hawezi kuvithibitisha kitaalamu wala kimantiki.
Kumi, Gwajima anajifanya kukitetea CCM huku akikiponda na viongozi wake anaowatishia kwa kunukuu maandiko yasiyohusiana na kadhia zaidi ya kumstuta yeye mwenyewe.
Angekuwa msomi japo wa kuchovya, asingetumia maneno anayotumia wala kunukuu aya anazonukuu. Afanyacho ni sawa na kujipaka mafuta halafu ukakatisha kwenye moto.
Ajikumbushe kuteleza kwa ulimi kulivyomponza marehemu Job Ndugai.
Mwisho, Gwajima ni mchochezi anayetaka kuwatapeli wakristo akiwachochea kutoipigia kura CCM wakati
akijua kuwa CCM haiwezi kushindwa kwenye sanduku la kura kama walivyowahi kusema viongozi wake chini ya dhana za ima goli la mkono au kura za maruhani.
Kimsingi, Gwajima aambiwe ukweli mchungu kuwa hana hoja wala lake tena kwenye CCM. Wamemstukia na soon watamuadhibu na kumkomesha. Walianza na kufunga maduka yake ya roho ayaitayo makanisa. Mwisho, watamfunga yeye iwe ni kwa kumfukuza CCM au kuhakikisha hafanyi utapeli wake tena.
