Hadithi ya Buddha Back to Basics

Andrew Nyerere · 2009-12-03T00:47:41+00:00

.ExternalClass .ecxhmmessage P{padding:0px;}.ExternalClass body.ecxhmmessage{font-size:10pt;font-family:Verdana;}Miaka elfu mbili na mia tano iliyopita watu wa India walikuwa disillusioned na dini yao,mapadre wa Kihindu walikuwa degenerate,wanafikiria raha za Dunia tu,wanafikiria jinsi tu ya kujinufaisha binafsi. Watu ambao walikuwa wanapaswa kuwasaidia walianza kujitenga na imani zao za zamani,na kuegukia chochote kile ambacho kingine kingeweza kuwaletea matumaini angalau kidogo. Manabii na watabiri,walipita katika nchi wakitabiri adhabu na mateso. Watu waliokuwa wanapenda wanyama waliamua kwamba wanyama ni bora kuliko wanadamu,kwa hiyo wakawaabudu wanyama kama miungu. Wale Wahindi ambao waliokuwa wanajali utamaduni,wale waliokuwa wanafikiri sana ,waliokuwa wanahofu kwa kwa nchi yao,waliiacha dini yao ya jadi na wakatafakari sana kuhusu hali mbaya ya roho ya Binadamu. Mmoja wao wa watu kama hawa alikuwa mfalme tajri,mwenye nguvu. Alikuwa ana wasiwasi sana kuhusu mustakabali wa mtoto wake wa pekee Gautama,ambaye alikuwa amezaliwa karibuni,katika dunia yenye matatizo. Baba na familia walikuwa na hamu kubwa sana kwamba Gautama akue kama mtoto wa mfalme mpiganaji,halafu baadaye aurithi ufalme wa baba yake.Mtabiri mzee aliyeletwa kutabiri alisema kwamba huyo kijana atakuwa nabii mkubwa. Kwa huyo baba hiyo ilikuwa ni ''hatma mbaya kuliko kifo'' Aliona mifano mingi ya vijana wa tabaka la juu ambao waliacha maisha ya starehe na kuondoka kama wasafiri na wahujaji,bila viatu huku wamevaa matambara,kwenda kutafuta maisha ya kiroho. Baba alijitahidi kutumia kila njia kuuzuia huu utabiri wa yule mtabiri usitokee,akapanga mipango yake...... Gautama alikuwa ni kijana mwenye akili makini,ambayo ilikuwa inaweza kuondoa utandu,na kwenda moja kwa moja kwenye moyo wa jambo. Ingawa alikuwa mtawala katika kuzaliwa kwake na katika malezi yake,aliwajali watu wa chini yake. Maoni yake yalikuwa kwamba,alikuwa anaongozwa kwa uangalifu,anakingwa,na anaruhusiwa kukutana na wale tu ambao walikuwa watumishi wake binafsi au na wale wa tabaka moja na yeye. Baada ya yule mtabiri kutoa utabiri,baba alitoa amri kwamba mtoto wake wakati wote akingwe kutokana na maovu na huzuni zilizopo nje ya maeneo ya Kasri. Mtoto hakuruhusiwa kutoka nje peke yake;matembezi yake yalipaswa kuongozwa,na hakuruhusiwa kukutana na yeyote aliyekuwa maskini au mwenye mateso. Raha na raha ndio ilpaswa kuwa maisha yake. Kila kitu ambacho kilikuwa kibaya kiliondolewa kwa ukatili mkubwa Lakini maisha hayawezi kuendlea namna hii. Gautama alikuwa kijana mwenye ari isiyokuwa ya kawaida. Siku moja,bila wazazi wake kufahamu,bila walimu wake kufahamu,alichomoka kutoka kwenye Kasri pamoja na mtumishi aliyemchagua kwa uangalifu,na akaenda matemebezi na gari lake nje ya maeneo ya Kasri.Kwa mara ya kwanza katika maisha yake aliona jinsi matabaka mengine yanavyoishi. Mambo manne aliyoyaona yalimletea mawazo mengi na yakabadilisha mwenendo wa historia ya dini. . Alipoanza tu safari yake akamuona mtu mmoja mzee,mzee sana,anatetemeka kwa umri na ugonjwa,ameegemea magongo mawili ya kutembelea na kujikokota mbele kwa maumivu makali,kibogoyo,hana akili za kutosha kwa ajili ya uzee ,yule mzee akamgeukia Gautama na kumtazama na macho ambayo hayaoni vizuri. Kwa mara ya kwanza Gautama akafahamu kwamba uzee unamfika kila mtu,na kwamba mzigo wa miaka unapomuelemea mtu,vitendo vyake vinakuwa vizito. Huku Gautama akiwa ameshtushwa sana na jambo hili,aliedelea na safari yake. Lakini kulikuwa na mshtuko mwingine unamsubiri;wakati farasi walipopunguza mwendo kwenye kona kali,Gautama akaona mtu mwenye huzuni,amekaa kando ya barabara,anatikisika kwa na kulia kwa uchungu,mwili wake umejaa madonda,amekondeana na amejaa magonjwa,analia huku akitoa wadudu kutoka kwenye mwili wake. Kijana Gautama alishtuwa sana na hili. Mgonjwa moyoni-na labda katika mwili pia-alilifikiria swala alipokuwa anaendeshwa. Ni lazima mtu ateseke? Mateso yanawaijia wote? Je mateso hayaepukiki? Alimtazama mtumishi wake. Kwa nini alikuwa mtulivu namna hiyo,yule kijana wa kifalme alijshangaa. Yule dreva alikuwa hasumbuliwi na jambo hili ,kama vile mambo kama haya yalikuwa ni mambo ya kawaida kabisa. Hii,basi,ndio sababu baba yake alikuwa anamkinga. Wakaendelea na matembezi yao,Gautama alikuwa ameshtushwa sana kutoa amri vingine. Destiny au jaala ilikuwa haijamalizana naye. Baada ya Gautama kutoa sauti ya mshangao farasi wakaendeshwa polepole zaidi;wakasimamishwa. Kando ya barabara kulikuwa na maiti ambayo ilikuwa iko uchi,imeharibika na kuvimba kwa ajili ya joto kali la jua. Dereva alipopiga mejeledi wake,nzi wengi waliokuwa juu ya mwili,wakainuka ghafla. Alipotazama,nzi akaruka juu ya mdomo,na kutua tena. Kwa mara ya kwanza katika maisha yake Gautama aliona kifo,akafahamu kwamba kulikuwa na kifo mwisho wa maisha. Kwa udhaifu mkubwa,kijana akamuamuru dereva arudi,... akakaa anafikiri jinsi ambavyo maisha hayadumu,akakaa kufikria juu ya uzuri wa mwili ambao kumbe baadaye unaoza. Je uzuri ulikuwa ni kitu cha muda tu namna hiyo,akawa anajiuliza? Magurudumu yakaendelea kuzunguka,vumbi ikawa inatimka nyuma. Kijana wa kifalme alikaa anawaza mambo mengi,yanamtatiza. Kwa bahati au jaala,destiny,akatazama na kumwona mtawa amevaa vizuri,mtulivu,anatembea kando ya barabara. Yule mtawa,mtulivu na mwenye na shwari,alitoa mionzi ya amani moyoni,na roho ya fadhila,na upendo kwa watu wengine. Gautama aliyekuwa amestuhswa na yale mambo aliyayaona, sasa alimpata mshtuko mwingine tena. Je amani,kutosheka,utulivu,na thawabu nyingine zote,zinapatikana mtu akijiondoa tu katika maisha ya Kasri na kuishi maisha ya utawa wa aina fulani? Atajiondoa kutoka kwenye maisha ya Kasri,maisha peke yake ambayo alikuwa anayafahamu. . Baba yake aligomba sana,mama yake akalia na kuomba. Yule mtumishi alifukuzwa kabisa kutoka katika eneo la Ufalme. Gautama alikaa peke yake chumbani kwake,anafikiri,anafikiri,anafikiri. Anafikiri tena na tena kuhusu yale mambo aliyayaona.-akawa anafikiria kwamba kama aliona mambo mengi kama hayo katika safari moja fupi,safari yake moja pekee aliyoifanya-lazima kutakuwepo mateso mengi na machungu mengi ambayo hakuyaona. Akakataa chakula,akwa anahuzunika tu,anafikiria afanye nini,anafikiria jinsi ya kutoroka kutoka kwenye Kasri,anafikiria jinsi ya kuwa mtawa. Baba yake alijaribu kila njia aliyojua kuundoa mzigo wa huzuni wa huyu kijana. Wanamuziki mahiri kuliko wote waliamriwa kucheza wakati wote ili kijana asipate muda wa kukaa kimya na kufikiri.Wacheza sarakasi waliletwa,na michezo ya sarakasi ya kila aina,na wasanii wa kila aina walijaribiwa. Wasichana wazuri kuliko wote walitafutwa katika Ufalme,wasichana hodari katika mapenzi,ili Gautama ashawishiwe na huzuni yake iishe. Wanamuziki walicheza mpaka wakaanguka chini kwa uchovu. Wasichana walicheza dansi za mahaba mpaka wao pia wakaanguka chini,na kuzimia kwa uchovu. Hapo tu ndipo Gautama alipowaona.Alitazama kwa mshangao mkao wao walivyoanguka ovyo,wamechujuka kwa ajili ya uchovu,na manukato yao yanajitokeza kwa hali ya kuchukiza baada ya afya yao kupungua. Kwa mara nyingine tena akafikiria jinsi ammabvyo uzuri haudumu,ni kitu cha kupita tu,kitu ambacho kinatoroka upesi. Maisha yalikuwa ya huzuni na ya kuchukiza. Wanawake waliopakwa rangi walikuwa wanachukiza baada ya shughuli yao kuisha. Akaamua kuondoka,akaamua kuyaacha mambo yote aliyokuwa anayafahamu,na kuutafuta utulivu kokote unakoweza kupatikana. Baba yake akapiga makelele,akaongeza mara mbili,halafu mara tatu ulinzi katika Kasri . Mama yake akapiga mayowe na kuingia wasisiwasi mkubwa. Mke wake,maskini,akaanguka chini,na wanawake wote katika Kasri wakalia kwa pamoja.Mtoto mdogo wa kiume wa Gautama,ambaye alikuwa mdogo sana kuelewa kilichokuwa kinaendelea,naye akapiga makelele mengi kufuatia vurugu zilizomzunguka. Washauri wa Kasri wakanyoosha mikono yao na kuongea maneno mengi,bila mafaniko yoyote. Kwa siku nyingi akafikiria mbinu za kuondoka. Walinzi wa Kasri walikuwa wanamfahamu sana. Watu huko nje katika Ufalme walikuwa hawamfahamu hata kidogo-kwa sababu alitoka nje mara chache sana.Mwishowe,baada ya kuwa karibu akate tamaa,wazo likamjia kwamba anahitaji kuwapiga chenga walinzi wake wa karibu tu. Gautama akatafuta nguo zilizochakaa kama wanazovaa maskini. Usiku mmoja,jioni baada ya jua kuzama,kabla milango ya Kasri haijafungwa,akavaa hizo nguo zake nzee,akazitimua nywele zake,na akaondoka na maskini waliokuwa wanatolewa ndani ya Kasri usiku. Akaenda msituni,mbali na njia kuu na watu,kwa kuhofu kwamba kutofahamu mambo ya maisha ya kila siku kutafanya agundulike.Usiku kucha alisafiri,akijaribu kufika ukingoni wa Ufalme wa baba yake.Hakuwa na woga kuhusu wanyama wakali kama chui na wengine waliokuwa mawindoni usiku;maisha yake yalikuwa yamekingwa sana kiasi kwamba alikuwa haifahamu hiyo hatari. Huku nyuma katika Kasri kuotoroka kwake kuligundulika. Jengo lote lilisachiwa,majengo yaliyozunguka,viwanjani. Mfalme alihangaika huku na huko anatoa amri,watu wenye silaha walikaa tayari. Halafu kila mtu akaenda kulala kusubiri alfajiri ambapo msako ungeweza kuanza. Katika majengo ya wanawake kulikuwa na kilio na huzuni kwa ajili ya ghadhabu ya mfalme. Gautama aliendelea kutembea msituni,akijitahidi kukwepa kukutana na watu kila ilipowezekana,na kukaa kimya anapoulizwa swali wakati haikuwezekana.Alichukua chakula kutoka katika vyakula vilivyopandwa,alichukua nafaka na matunda,akanywa maji kutoka katika visima vya maji safi,baridi. Lakini hadithi ya msafiri wa ajabu ambaye mwenendo wake ulikuwa siyo sawa na wasafiri wengine ,hatimaye ikafika kwenye Kasri. Watu wa mfalme wakafanya msako kwa nguvu kubwa,lakini hawakumpata mtoro,kwa vile kila mara alikuwa anajificha kwenye vichaka ambapo farasi walikuwa hawawezi kupita. Hatimaye mfalme akatoa agizo wanawake wote wacheza dansi wapelekwe porini,na wamfuate Gautama na wajaribu kumshawishi arudi. Kwa siku nyingi wakajipenyeza kila pahali katika msitu , kwenye maeneo yaliyo wazi kidogo katika msitu,mahali ambapo Gautama anaweza kuwaona na wakacheza dansi zao za kumshawishi. Halafu,walipofika karibu na mpaka wa Ufalme wa baba yake,Gautama akasema kwamba anakwenda nje katika dunia kutafuta mambo ya kiroho,na hatarudi. Mke wake akamfuata,na mtoto mikononi mwake,lakini Gautama hakumsiliza maombi yake,ila akageuka na kuendelea na safari yake. Yule mwalimu wa Kihindi alipofika hapa katika hii hadithi,ambayo tulikuwa tunaifahamu kama yeye alivyokuwa anaifahamu akasema,''Kutoka kwenye Dini iliyofilisika ya Kihindi,Imani mpya ilianzishwa wakati ule,Imani ambayo ingeleta faraja na matumaini kwa wengi. Kwa asubuhi hii tutamalizia hapa. Leo mchana tutaedelea.. Dismiss'' Tulimalizia asubuhi hii kwa kusema kwamba Gautama aliacha maisha katika Kasri,na kusema kwamba ataendelea maisha yake kutafuta Kweli. Sasa,tuendelee. "" Gautama alipoondoka kutoka kwenye Kasri ya baba yake,mfalme,akili yake ilikuwa imejaa mawazo mengi.Alistushwa sana kuona ugonjwa wakati yeye alikuwa hafahamu kuhusu ugonjwa,aliona kifo,wakati yeye alikuwa hajui kifo,na kuona amani kubwa,utulivu mkubwa,na kutosheka. Mawazo yake yalikuwa kwamba kwa vile yule aliyekuwa na hali ya kutosheka alikua amevaa nguo ya mtawa,basi kutosheka na amani ya ndani itapatikana kwa kuvaa magwanda ya mtawa,kwa hiyo akaondoka kutafuta utulivu wa ndani,katika lengo lake la kutafuta maana ya maisha. . ''Alikwenda mwendo wa mbali sana,mpaka kuvuka maeneo ambayo baba yake alikuwa anatawala,akazidi kwenda mbele kufuatia uvumi kuhusu wamonaki,na watawa waliokuwa wanaishi peke yao.[hermits]. Alijifunza kutoka kwa walimu bora kuliko wote alioweza kuwapata,alikuwa akisoma wakati wowote kulipokuwa na chochote cha kujifunza. Baada ya kujifunza kwa mwalimu mmoja yote ambayo yule mwalimu angeweza kumfundisha alisonga mbele,daima alisonga mbele,kila mara anatafuta kile kitu ambacho ni kigumu sana kutapikana katika Dunia hii-amani ya akili,utulivu. ''Gautama alikuwa mwanafunzi mwenye bidii. Alikuwa amebarikiwa katika maisha yake, amejaliwa kuwa na akili makini na ufahamu mkubwa. Aliweza kukusanya habari na kuzichambua katika akili yake na kubakiza mambo yale tu yalikokuwa na faida na thamani. Mmoja wa Walimu Wakubwa,ambaye alipendezwa na ari ya Gautama na akili yake makini,alimuomba abaki na kufundisha. Lakini hili lilikuwa ni jambo ambalo likuwa kinyume kabisa na imani ya Gautama kwa sababu-akafikiria-ataweza vipi kufundisha mambo ambayo yeye mwenyewe alikuwa hayaelewi vizuri?Anaweza vipi kuwafundisha wengine wakati yeye bado alikuwa anaitafuta Kweli ?Aliifahamu Misahafu na Commentaries za Misahafu,lakini,ingawa Misahafu ilileta amani kiasi fulani[a certain degree of peace],lakini bado kulikuwa na maswali na matatizo yalioiondoa amani aliyokuwa anaitafuta,kwa hiyo Gautama akaendea na safari yake. ''Alikuwa mtu amepagawa,mtu mwenye ari kubwa ambayo haikumruhusu kupumzika,inamsukuma zaidi na zaidi kutafuta elimu,kutafuta Kweli. Hermit mmoja akamfanya kuamini maisha ya kujitesa tu ndiyo yanayoweza kumletea amani[ascetic life].,kwa hiyo,kwa ajili ya utundu wake,Gautama akajaribu maisha ya kujitesa. Tokea zamani alikuwa ameshaacha vitu vyote alivyokuwa navyo,alikuwa hana starehe za mwili,aliishi tu na kutafuta maana iliyopo nyuma ya maisha. Lakini sasa akajilazimisha kula chakula kidogo zaidi na zaidi,na,kama zinavyosema hadithi za zamani,zamani sana,mwisho wake akaweza kuishi kwa punje moja ya mchele kwa siku. ''Muda wake wote aliutumia kufanya tafakari ya kina sana. Lakini mwishowe kula kwake kidogo kukaanza kumdhuru,afya yake iliporomoka,kwa ajili ya njaa na utapiamlo,na kukosa matunzo ya msingi. Kwa muda mrefu alidumu ukingoni mwa maisha,lakini hakuna ufahamu ulimjia,alikuwa bado hajaipata siri ya utulivu,alikuwa bado hajaipata siri ya kitu kigumu kabisa kupatikana Duniani-amani ya akili,shwari. '''''Rafiki' fulani walikuwa wamejikusanya mbele yake katika siku zile alizokuwa anaishi maisha ya njaa,wakafikiria kwamba hapa kuna jambo la kusisimua,kuna mtawa anaishi kwa punje moja ya mchele kwa siku. Walikuwa wanafikiria kwamba watapata faida nyingi kuhusiana na mtu mwenye vituko kama huyu. Lakini,kama 'rafiki' duniani kote,hawa walimuacha katika wakati wake wa shida. Gautama alipolala pale amekaribia kufa kwa ajili ya njaa rafiki zake wakamuacha mmoja baada ya mwingine. Gautama akawa peke yake tena,bila usumbufu unaotokana na marafiki,bila kusumbuliwa na wafuasi,alikuwa huru tena kuanza tena kufikiria upya kuhusu maana iliyopo nyuma ya maisha. Tukio hili ndilo lililofanya Gauatama abadilishe mwelekeo wake. Kwa miaka mingi alikuwa anafanya mazoezi ya yoga,ili,kwa kuutesa mwili,aweze kuifanya roho iwe huru kutokana na kifungo cha mwili,lakini sasa aliona kwamba yoga haina faida yoyote kwake,yoga ilikuwa ni njia tu ya kupata nidhamu kidogo juu ya mwili wenye ubishi,lakini ilikuwa haina faida kubwa sana ya kumsaidia mtu katika mambo ya kiroho. Pia aligundua kwamba kulikuwa hakuna faida kubwa kuishi maisha ya kujitesa vikali kwa vile kuendeleza mateso kutasababisha tu kufa kwake na maswali yake hayajajibiwa na kutafuta kwake hakujaisha. Akalifikiria hilo swala pia,na akaamua kwamba alichokuwa anafanya ilikuwa ni sawa na kujaribu kutoa maji kutoka kwenye Mto Ganges kwa kutumia ungo,au kutoa maji katika Mto Ruvuma kwa kutumia ungo,au kufunga mafundo katika hewa. '' Kwa mara nyingine tena Gautama akafikiria,akakaa chini ya mti,mdhaifu huku anatetemeka,na udhaifu unaowajia wale ambao wamekaa njaa mda mrefu sana na ambao wameponea chupu chupu kufa. Akakaa chini ya mti na kutafakari kwa kina kuhusu matatizo ya kukosa furaha na kuhusu mateso. Akadhamiria kwamba kwa vile tayari alikuwa ameshatumia miaka sita kutafuta elimu bila kupata jibu,atakaa na kutafakari na hatainuka mpaka apate jibu la tatizo lake. '' Gautama akakaa na jua likazama,na giza likashuka katika nchi,na ndege wa usiku wakaanza kuita kwao na wanyama wakaanza kuranda katika mawindo. Gautama akakaa. Saa ndefu za usiku zikajikokota na punde mionzi ya kwanza ya mwangaza ilianza kutokea katika anga,alfajiri ilikuwa inakaribia. Gautama alikaa na kutafakari '' Viumbe wote wa porini walishuhudia mateso ya Gautama alivyochoka siku iliyopita kabla hajakaa peke yake chini ya mti mkubwa. Alikuwa na huruma zao,na uelewa wao,na viumbe wote porini wakafikiria katika akili zao jinsi ya kumsaidia binadamu kutoka katika matatizo makubwa aliyotumbukia. ''Tigers wakaacha kuunguruma ili miimbo yao na kuita kwao kusimsumbue Gautama aliyekuwa anatafakari;nyani wakaacha kelele zao,wakaacha kuruka kutoka tawi moja kwenda tawi jingine;badala yake wakakaa kimya wanatumaini,wanatumaini. Ndege wakaacha nyimbo yao,wakaacha makelele yao,na badale yake,wakakaa,nakupigapiga mabawa yao kwa matumaini ya kuweza kumsaidia Gautama kwa kumpelekea mawimbi ya mapendo na mawimbi ya hewa ya kumpooza. Mbwa,ambao kwa kawaida walikuwa wanabweka na kukimbia kila pahali,waliacha kelele zao na wakaenda na kujificha ambapo mionzi ya jua isiwafikie. Mfalme wa konokono,alipotazama na kuona kwamba mbwa wametoweka na kwenda kivulini,akafikiria jinsi yeye na watu wake wanavyoweza kuwasaidia binadamu kwa kupitia Gautama. Mfalme wa konokono akawaita watu wake na pole pole akaongoza njia kwenda kwenye mgongo wa Gautama,wakapanda shingo lake,na pole pole wakakusanyika katika kichwa chake ambacho kilikuwa chekundu kwa ajili ya jua,kile kichwa ambacho kilikuwa katika tafakari ya kina,kile kichwa ambacho kilikuwa kimeunguzwa na mionzi mikali ya jua;wale kono kono walikusanyika na miili yao iliyopoa walimkinga Gautama kutokana na jua la mchana,na nani anajua,hao konokono kwa kukipooza kichwa cha Gautama labda walimsaidia katika kufanikiwa kwake. Watu wa porini wakati fulani walikuwa rafiki wa Binadamu,hawakumwogopa Binadamu,na kabla ya Binadamu walipowasaliti,watu wa porini waliwasaidia Binadamu .ExternalClass .ecxhmmessage P{padding:0px;}.ExternalClass body.ecxhmmessage{font-size:10pt;font-family:Verdana;} Siku ikaendelea,ikaendelea na Gautama alikaa bila kutingishika,bila kutingishika kama sanamu ya kuchongwa. Kwa mara nyingine tena usiku ukafika,giza likafika,na mara nyingine tena alfajiri ilipokaribia ikatokea mionzi katika anga,halafu jua likafika katika horizon. Lakini wakati huu jua likamletea Gautama ufahamu. Kama vile amepigwa na radi,wazo likamjia Gautama,alikuwa na jibu,au jibu nusu kwa matatizo aliyokuwa nayo. Alipata ufahamu kwa kupata habari mpya,alikuwa ''Aliyeamka',ambayo kwa Kihindi inaitwa ''Buddha'' ''Roho yake iliangazwa kwa kwa kile kilichotokea wakati wa kutafakari kwake katika ulimwengu wa roho[astral plane],alipata ufahamu na alikumbuka mambo aliyoyaona katika ulimwengu wa roho. Sasa,kama alivyoelewa,atakuwa huru kutokana na karaha za maisha ya dunia,atakuwa huru kutokana na kurudi dauniani tena na tena katika mzunguko usiokuwa na mwisho wa kuzaliwa,kufa,na kuzaliwa tena. Alipata elimu kuhusu kwa nini binadamu lazima ateseke,ilisababishwa na nini, kiini chake ni nini,na jinsi ya kuyamaliza. ''Kutokea wakati ule Gautama akawa Gautama Aliyeamka,au ,kuisema Kihindi,Gautama Buddha. Sasa akafikiria tena afanye nini. Aliteseka na alijifunza,kwa hiyo,awafundishe wengine au awaachie wengine wagundue kwa njia zile zile alizotumia kugundua?Alikuwa na wasiwasi,kuna mtu mwingine yeyote ataamini mambo yaliyomfika? Lakini akaamua kwamba njia pekee ya kufahamu jibu la swali hili ni kwenda kuongea na wengine ,na kuwaeleza habari njema ya ufahamu uliomfikia '' Akanyanyuka,na baada ya kula chakula kidogo na kunywa maji,akaondoka kueleka Benares ambako alitumaini kuwaona rafiki zake watano kati ya wale waliomuacha alipokuwa anahitaji msaada mkubwa-ambao walimuacha alipoamua kula chakula tena. '' Baada ya safari iliyochukua muda mrefu kiasi,kwa sababu Gautama alikuwa bado mdhaifu kwa ajili ya maisha yake ya kukosa mahitaji ya msingi,akafika Benares na kuwakuta wale rafiki zake aliokuwa anawatafuta. Akaongea nao,na akawaelezea ile ambayo iimefahamika katika historia kama ,'' Khutba kuhusu Kuzungusha Gurudumu la Sheria' Akawaambia waliokuwa wanamsikiliza chanzo cha mateso,kiini cha mateso,na akawaeleza jinsi wanavyoweza kuyashinda mateso;akawaeleza juu ya dini mpya ambayo sasa tunaifahamu kama Dini ya Buddha. ' Dini ya Buddha ina maana kwamba ni dini ya wale ambao wanataka kuamka upya.'' Kwa hiyo Gautama aliifahamu njaa,nikafikiria? Mimi pia nilikuwa naifahamu njaa!Nilitamani kwamba huyu mwalimu angekuwa na huruma zaidi,kwetu sisi watoto,kwa sababu hatukuwa na chakula kingi cha kula,hatukuwa na muda mwingi wa ziada,na yeye alivyokuwa anaongea bila kuchoka,anaendelea tu kuongea na kuvuka muda uliopangwa,sisi tulikuwa na njaa,tumechoka,na hatukuwa na uwezo wa kuelewa umuhimu wa mambo aliyokuwa anazungumza. Yule kijana aliyechelewa kufika kwenye masomo alikuwa bado anaiuguza pua yake ameishikilia pua yake isitoke damu ili asimuudhi zaidi Mwalimu. Na nikafikiria wakati ule,hii ina madhumini gani,kwa nini mateso mengi namna hii,kwa nini wale ambao ipo katika uwezo wao kuonyesha huruma,imani,na ufahamu-kwa nini wao,badale yake,wanatenda mambo ya ukatili? Niliamua kwamba mara mwalimu wangu atakaporudi itabidi nichunguze kwa kina kuhusu haya matatiozo ambayo kwa kweli yalikuwa yananihangaisha sana. Lakini nikaona kwa furaha kubwa kwamba yule Mwalimu wa Kihindi alikuwa anaonekana amechoka kidogo,alikuwa anaonekana ana njaa kidogo na kiu,alikuwa mara anasimama na mguu huu,mara anasimama na mguu mwingine. Sisi watoto wote tulikuwa tumekaa chini kwenye sakafu tumekunja miguu,wote isipokuwa mimi,na ilibidi nijitahidi kwa kadiri ya uwezo wangu kutulia ili nisionekane. Wengine walikaa wamekunja miguu,wamekaa kwa safu,na yule Mwalimu kwa akawaida alizunguka nyuma yetu anafanya patrol na tulikuwa hatujui yupo wapi,lakini huyu mtu,yule Mwalimu wa Kihindi,alikuwa anasimama mara mguu huu,mara mguu huu,alikuwa anatazama nje ya dirisha kutazama jinsi kivuli kilivyokuwa kinakwenda juu ya ardhi,na saa zilivyokuwa zinakwenda. Mwishowe akafikia uamuzi. Akajiinyoosha na kusema,''Sasa,tutapumzika.,mawazo yenu yanakwenda huko na huko,hamyasikilizi maneno yangu,maneno ambayo yanaweza kuathiri maisha yenu yote,na maisha yenu mengine katika miaka mingi ijayo. Tutapumzika kwa nusu saa. Mko huru kwenda kula,halafu mrudi kimya na nitaendelea kuongea kwangu.'' Kama alivyotueleza ,Gautama alikuwa na njia nyingine ya kuuelekea ukweli,njia iliyoitwa''Njia ya Katikati.'' Uzoefu alioupata Gautama ulikuwa kwa hakika wa aina mbili;alizaliwa kama mwana wa mfalme na starehe na anasa za aina yote,na uwezo wa kupata wanawake wengi wacheza dansi[macho ya Mwalimu wa Kihindi yalionyesha hamu!] na chakula chote alichoweza kula,na raha zote alizoweza kustarehe,halafu kutokea hapo,akawa fakiri kabisa,na mateso mengi,kufikia karibu afe kwa kukosa mahitaji ya msingi na kwa njaa. Lakini,kama Gautama alivyoelewa vizuri,siyo utajiri au matambara yalikuwa na ufunguo wa tatizo la milele la Binadamu. Jibu lazima liwe mahali fulani kati kati yake. Ubuddha mara nyingi unaonekana kama ni dini,lakini siyo dini kama ukichukua maana halisi ya hilo neno. Ubuddha ni njia ya maisha ,kanuni ya kuishi ambapo,kama tu mtu akiifuata kanuni hiyo kikamilifu,matokeo fulani yatatokea. Kwa kurahisisha mambo Ubuddha unaweza kuitwa dini,ingawa kwetu sisi ambao ni mapadre wa kweli wa Kibuddha'dini' siyo neno sahihi,jina sahihi ni '' Njia ya Kati Kati '' tu. Ubuddha ulianzishwa kutokana na Mafundisho ya dini ya Kihindu. Wanafalsafa wa Kihindu na Walimu wa dini walifundisha kwamba njia ya kuifahamu nafsi,kuifahamu roho,na kazi zilizokuwa zinawakabili binadamu ni kama mtu anaetembea kwenye ncha ya wembe ambapo ukiegemea kidogo tu upande mmoja au mwingine utaanguka. Gautama aliyafahamu mafundisho yote ya Kihindu kwa sababu mwanzo wa maisha yake alikuwa Mhindu. Lakini kwa juhudi zake mwenyewe akagundua Njia ya Kati Kati. Kujinyima kupita kiasi ni mbaya, inasababisha maoni yaliyopotoka;kustarehe kupita kiasi pia ni vibaya kwa sababu pia inaleta maoni yaliyopotoka. Mtu anaweza kufaidika kwa kutazama hali ilivyo katika kurekebisha nyuzi za chombo cha . Kama ukikaza sana nyuzi ya chombo kama gita,hatimaye itafikia kiwango cha kukatika kiasi kwamba ukiigusa kidogo tu inakatika,na inakuwepo, katika hii hali ya kukaza sana, ukosefu wa muafaka. Kama mkazo ukilegezwa sana katika nyuzi za chombo utaona tena kwamba hakuna muafaka,unaweza tu kupata muafaka wakati nyuzi zimerekebishwa sawa na zimekazwa kwa kiasi fulani. Hivi ndivyo ilivyo katika dunia ambapo anasa au mateso kupita kiasi zinaondoa muafaka. Gautama alialiianziasha mfumo wa imani katika Njia ya Kati Kati na akatunga kanuni ambazo mtu anaweza kuwa na furaha,kwa sababu moja ya misemo yake ulikuwa kwamba'' Furaha yule anayeitafuta ataipata,kama akifanya mazoezi ya kuipata'' Kati ya swali la kwanza kabisa mtu analouliza ni,''Kwa nini sina furaha?'' Ndilo swali linaloulizwa mara nyingi kuliko yote. Gautama Buddha aliuliza kwa nini hana furaha,alifikiria na kufikiria,na akawaza kuhusu jambo hili,na akawaza kuzunguka jambo hili. Akafikia uamuzi kwamba hata mtoto aliyezaliwa leo anateseka,mtoto alieyezaliwa leo anateseka kwa ajili ya mateso ya kuzaliwa,kwa sababu ya maumivu na kukosa kustarehe wakati wa kuzaliwa na kuiacha dunia ya raha aliyokuwa anaifahamu. Wakati watoto hawana raha wanalia,wanapokuwa wakubwa,labda hawawezi kulia lakini wanaweza kutafuta njia ya kuonyesha kwamba hawapendezwi,kwamba hawaridhiki au kwamba wako katika mateso kweli. Lakini mtoto hafikirii kwa nini analia,analia tu,anafanya mambo kama mashine. Mambo fulani yanamfanya mtu alie,mambo mengine yanamfanya mtu acheke,lakini-maumivu-yanakuwa tatizo pale tu watu wanapouliza kwa nini nateseka,kwa nini sina furaha? . Utafiti umeonyesha kwamba karibu watu wote wameteseka kiasi fulani kabla ya kufikia umri wa miaka kumi na pia wameshangaa kwa nini imewabidi kuteseka. Lakini katika hali ya Gautama hili swali halikutokea mpaka alipokuwa na umri wa miaka thelathini,kwa ajili wazazi wa Gautama walifanya kila waliloweza kuzuia asivumile mateso ya aina yoyote yale. Watu ambao wamelindwa kupita kiasi au wamedekezwa kupita kiasi hawajui jinsi ya kukabiliana na kukosa furaha,kwa hiyo wakipata masaibu hawako katika hali ya kuyatanzua na mara nyingi wanachanganyikwa akili. Kila mtu unafika wakati ni lazima atakumbana na mateso,na kukumbana na sababu ya kuwepo mateso. Kila mtu lazima avumilile mateso ya mwili,akili au roho,kwa sababu bila mateso haiwezekani duniani kuwepo kujifunza kokote,haiwezekani kuwepo utakaso au kuondoa utandu ambao sasa umeizunguka roho ya mtu. Gautama hakuanzisha dini mpya , mafundisho yote ya Gautama,mchango wake wote katika elimu ya binadamu,umelengwa au unahusu tatizo la maumivu au furaha. Wakati alipokuwa anatafakari,wakati wanyama wa porini walipokaa kimya ili aweze kutafakari bila kusumbuliwa,na wakati konokono walipokipooza kichwa chake kilichounguzwa na jua,Gautama alihisi maumivu,alielewa sababu ya maumivu,na akaamini kwamba anajua jinsi ya kuyashinda maumivu. Aliyafundisha haya kwa wale wafuasi wake watano,na mambo aliyofundisha yamekuwa yanaitwa nguzo nne ambapo Ududdha wote umejengeka. Ndizo Kweli Nne Tukufu,ambazo tutazijadili baadaye. Vivuli vya usiku vilikuwa vinashuka,giza lilikuwa linaingia upesi kiasi kwamba hatukuweza kuonana. Yule Mwalimu wa Kihindi alikuwa dirishani na ,umbo lake lilikuwa linaonekana kwa mwangaza wa nyota. Aliendelea kuongea,huku amesahau au hajali kuwa sisi watoto ilibidi tuamke kwa ibada ya saa sita usiku,ilibidi tuamke kwa ibada ya saa kumi usiku,halafu ilibidi tuamke tena saa kumi na mbili asubuhi. Baadaye akaonekana kama amegundua kwamba ameanza kuchoka,akaanza kuona kwamba alivyokuwa amesimama pale dirishani amezipa mgongo nyota labda alikuwa anapoteza muda wake kwa sababu hakuweza kutuona,hakuweza kujua kama tunamsikliza ,au kama tumelala tulivyokaa. Ghafla akaipiga fimbo chini kwenye meza kwa nguvu,''THWANG''. Kelele ilikuwa kubwa na haikutegemewa kiasi kwamba labda kulikuwa na inchi kadhaa kati ya miili yetu na sakafu. Halafu wote tukaanguka chini,kwa sauti kubwa na kutoa milio ya mshangao. Yule Mwalimu wa Kihindi alisimama pale kwa muda,halafu kasema ''Dismiss,''na akaondoka kutoka kwenye chumba. Ilikuwa ni rahisi kwake,nikafikiria,yeye alikuwa ni mgeni tu,alikuwa na privilege maalum,hakuna mtu aliyekuja kumuuliza swali lolote. Aliweza kwenda sasa katika chumba chake na kupumzika usiku kucha kama akitaka. Lakini sisi ilibidi twende kwenye ibada katika Hekalu.

Thread starter Andrew Nyerere
Start date Dec 3, 2009

Andrew Nyerere

JF-Expert Member

Dec 3, 2009

Herbalist Dr MziziMkavu

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Hadithi ya Buddha Back to Basics

Andrew Nyerere

JF-Expert Member

Herbalist Dr MziziMkavu

JF-Expert Member

Our Community

Regional Communities