Hafla ya Tuzo za TFF (TFF Awards 2024/25) kufanyika mwanzoni mwa mwezi Desemba 2025

[DuaZaMama]

Shirikisho la Mpira wa Miguu Tanzania (TFF) limewatangazia wadau wa mpira wa miguu na umma kwa ujumla kuwa Hafla ya Tuzo za TFF 2025 itafanyika mwanzoni mwa mwezi Desemba.

Soma > Mwenye taarifa ni lini bodi ya ligi na TFF watatoa tuzo za msimu wa 2024/2025

Tarehe rasmi ya hafla hiyo, ambayo itatambua wanamichezo waliofanya vizuri katika maeneo mbalimbali kwa msimu wa 2024/2025, itatangazwa baada ya kukamilisha maandalizi yote muhimu, ikiwemo uteuzi wa ukumbi wa hafla.

Katika hafla hiyo, zitatolewa tuzo katika makundi yafuatayo:

• Ligi Kuu ya NBC
• Kombe la Shirikisho la Benki ya CRDB
• Ligi Kuu ya Wanawake
• Ligi ya NBC ya Championship
• First League
• Ligi ya U20 ya NBC
• Tuzo za Utawala

Aidha, Mchezaji Bora (MVP) wa msimu wa 2024/2025 atajulikana usiku wa hafla, ambazo huchanganya wadau mbalimbali wa mpira wa miguu ikiwemo serikali na wadhamini.

 

[Shadow7]

Tuzo za msimu uliopita zinatolewa katikati ya msimu mwingine? Hii nchi ina mambo ya ajabu sana

 

[Tate Mkuu]

Hizi tuzo zimeshapoteza mvuto. Siku zote ukitoa zawadi baada tu ya tukio kutokea, huwa na mvuto wa kipekee. Ukiitoa kwa kuchelewa, mvuto wake nao hupotea na kuonekana ni jambo tu la kawaida.

 

[ukikaidi utapigwa2]

Wangeacha tu

 

[Swensa]

JAmani ballin or dear zimetolewa lini na yamal akaibuka mshindi 🤣