The Consult
JF-Expert Member
- Jan 20, 2017
- 220
- 252
Mradi ni shughuli (endeavor) yenye malengo maalum inayopaswa kufanyika ndani ya wakati maalumu na kwa kutumia kiasi maalumu cha gharama. Ili mradi uweze kukamilika, rasilimali mbalimbali huhitajika; miongoni mwazo ni; watu, vifaa, fedha, malighafi n.k. Mradi wowote ni lazima uwe na muda maalum wa kuanza (specific starting date) na muda maalum wa kuisha (specific ending date), na hapa ndipo tunapata tofauti kati ya Mradi (Project) na shughuli za kila siku za kampuni (Operation Activities)
Mradi hutekelezwa kwa lengo la kutimiza matakwa ya mteja (Customer's need/expectation). Mteja wa mradi ni taasisi au mtu anaetoa fedha kwa ajili ya utekelezaji wa mradi husika, hivyo utekelezaji wa mradi lazima ukidhi vigezo na viwango vinavyotarajiwa na mteja (Meeting Customer's Expectations). Mfano wa Miradi ni; Kuimarisha/kutanua kiwanda, Utengenezaji wa bidhaa mpya, Uandaaji wa mkutano, Kujenga mji baada ya janga la kiasili, Ujenzi wa shule, Ujenzi wa nyumba n.k
Mafanikio ya mradi kwa kiasi kikubwa hutegemea udhibiti wa gharama (cost), muda (schedule), shughuli zinazopaswa kufanyika (Project Scope) na kuridhika kwa mteja (Customer's Satisfaction). Hivyo Meneja wa Mradi katika kipindi chote cha usimamizi wa mradi jicho lake hupaswa kuangalia vitu hivi.
Katika utelekelezaji wa mradi, hatua zifuatazo hupaswa kufuata ili kuleta matokeo tarajiwa, hatua hizo ni;
- Utambuzi wa tatizo, fursa au hitaji (Problem/Need/Opportunity Identification), hii hatua ya kwanza, katika hatua hii mteja hufanya utambuzi wa tatizo/hitaji/fursa, aidha katika mfomo wa uzalishaji, mfumo wa usambazaji bidhaa sokoni, n.k. Baada ya kutambua hilo mteja atapaswa kuandaa 'document' maalum ijulikanayo kama " Request for Proposal". Kupitia 'document' hii, mtu mmoja mmoja (Individuals), taasisi au wakandarasi watawasilisha michanganuo "Proposals" wakionyesha ni kwa namna gani watatatua tatizo linalomkabili mteja.
- Ufumbuzi wa tatizo husika (Development of a proposed solution), hii ni hatua ya pili ambayo hujumuisha uwasilishaji wa mchanganuo (Proposal) kwa mteja unaonyesha jinsi tatizo litakavyotatuliwa. Katika hatua hii, juhudi za mkandarasi (Muwasilisha Mchanganuo) huzingatiwa sana. Muwasilisha Mchanganuo atapaswa kuonyesha 'approaches', rasilimali na muda atakaotumia katika kutatua tatizo la mteja. Kutokana na wingi wa maombi, mteja atafanya tathmini ya maandiko yaliyowasilishwa ili kutafuta andiko bora zaidi, baada ya andiko bora kupatikana, MKATABA huandaliwa kwa ajili ya kazi. Wakati mwingine mchakato unaweza kufanyika ndani ya kampuni pasina kuhusisha watu wa nje, kwa mfano; Uongozi wa kampuni unaibua hitaji, au unaona fursa kisha idara husika hupaswa kuwasilisha mchanganuo (Proposal) ukionyesha namna watakavyotatuta tatizo, uongozi wa juu ukiridhika na andiko, hutoa fedha kwa idara husika kwa ajili ya kutekeleza mradi.
- Utekelezaji wa mradi (Implementation of Proposed Solution), hii ni hatua ya tatu ambayo hufuata baada ya mteja kuwa amekwishapata 'Proposal' nzuri na makini itakayoweza kutatua tatizo lake. Katika hatua hii rasilimali mbalimbali kama vile rasilimali watu, fedha, malighafi, vifaa n.k hutumika.
- Kuhitimisha mradi (Project termination),hii ni hatua ya mwisho ambapo shughuli zote za mradi hufika kikomo, katika hatua hii, malipo yote huhakikisha yamelipwa. Jambo la msingi linalopaswa kufanywa katika hatua hii, ni tathmini ya kiutendaji (Evaluating Performance) ya mradi ili kujua wapi kumefanywa vizuri na wapi kumefanywa vibaya kwa ajili ya maboresho ya mradi ujao, pia katika hatua hii, mrejesho (feedback) kutoka kwa mteja hupokewa ili kujua ni kwa kiasi gani matarajio yake (mteja) yamefikiwa.
Makampuni mengi makubwa duniani kwa sasa yanachukulia PROJECT MANAGEMENT kama ni faida ya kiushindani (Competitive Advantage) ambapo kampuni inapaswa kuwa nayo ili iweze kukabiliana na ushindani sokoni. Mf; Blaine Peters alipoingia RobustArm Global Industries (RGI) kwenye miaka ya 90 kama CEO alijipa cheo cha Meneja wa Mradi (Assumed himself a title of Project Manager) na kuunda 'Project Team' ndani ya kampuni, kisha akatafuta mtaalamu wa Project Management kwa ajili ya kutoa INTENSIVE PROJECT MANAGEMENT TRAINING kwa wafanyakazi wa idara mbalimbali ndani ya kampuni, ikiwemo idara ya uhandisi, lengo lilikuwa ni kuhakikisha shughuli za kampuni zinafanyka katika utaratibu wa projects ili kufikia viwango vya ubora kwa gharama ndogo ndani ya muda mchache.
Ahsante
The Consult +255 719 518 367
Dar es Salaam
Tanzania