USHAURI WA BURE KWA RAIS NA MAKAMU WA RAIS WA YANGA NA KAMATI YAO YA UTENDAJI NA MSIMAMO WA WAPENZI NA WANACHAMA WA YANGA
Kutokana na ukubwa wa Timu yetu na mtandao mkubwa uliopo miongoni mwa wapenzi na wanachama wa YANGA kuna taarifa zisizo na mashaka ndani yake ya kwamba viongozi wa Yanga wameitwa na Waziri wa Michezo ndugu Paramagamba Kabudi kwenye kikao kitakachofanyika Dodoma ambacho kitawahusisha pia na viongozi wa BODI YA LIGI na TFF siku ya tarehe 27.03.2025 kwenye majira ya saa nne (4) asubuhi chenye lengo la kujadili ombwe na tanziko kubwa lililoikumba nchi yetu baada ya kuahirishwa kwa mechi ya Simba na Yanga kulikofanywa na BODI YA LIGI bila ya kufuata kanuni za mashindano ambazo ziliwekwa kwa mujibu wa sheria za soka nchini.
Sisi wapenzi na wanachama wa Yanga wenye mapenzi mema kwenu viongozi na timu yetu tunapenda kuwasihi na kuwaonya msije kuthubutu kufanya kinyume na maamuzi yenu ya kikao cha Kamati Tendaji kuwa hatutacheza tena mechi na pia matamko ya wanachama nchi nzima kuwa hatutacheza tena hiyo mechi na mkumbuke sisi wanachama ndio wenye timu na tuna mamlaka ya kuamua juu ya timu kwani mpira hauendeshwi kwa busara bali huendeshwa kwa kanuni na sheria
Sisi tunajiuliza kama kulikua na umuhimu wa busara kutumika mbona hazikutumika wakati simba walipotoa tamko hawatacheza mechi kwa sababu zisizo na mashiko?
Je Waziri mwenye dhamana ya michezo hawakuwepo na wala hakuliona hili?.Mbona hakuitisha kikao?. Tunaomba ieleweke ya kwamba kulazimisha mchezo kurudiwa kunaweza kusabisha uvunjifu wa amani na kupelekea mpasuko na mgogoro mkubwa ndani ya timu yetu ya Yanga sisi tunajua kwamba kwenye suala la kuahirishwa mechi ile mheshimiwa Waziri (Paramagamba Kabudi),kwa namna moja au nyingine alikua ni miongoni mwa viongozi wa serikali walioshinikiza mchezo uahirishwe lengo likiwa ni kuipendelea klabu ya Simba ambayo kwa mujibu wa kanuni kuzuiliwa kufanya mazoezi siyo sababu ya kugomea mechi huku kanuni ikiwa ipo wazi.TFF,BODI YA LIGI na timu ya SIMBA walichangia kwa kiasi kikubwa sana kwenye kuharibu mechi ile na madhara waliyowasababishia maelfu ya watanzania ni makubwa sana na hakuna mfano wake kiasi cha kupelekea kifo cha mmoja wa Mwanachama wa Yanga wa mkoani MBEYA.(Mungu ailaze roho ya marehemu mahala pema)
Tunawakumbusha ya kwamba ndugu Wallace Karia ameshanukuliwa mara kadhaaa akijinasibu ya kwamba yeye ni mtu alowekwa kwenye Shirikisho kwa maelekezo maalumu ya Serikali na ana baraka zote toka kwa kigogo wa Serikali na kamwe hawezi fanywa lolote nchini na kwa kuthibitisha hilo atafanya kila njia na mbinu kuhakikisha mechi inachezwa na mgeni Rasmi wa mechi hiyo atakua kiongozi mkuu
Ndugu viongozi wetu tuliowachagua kwa kura nyingi kwenye uchaguzi wa mwaka 2022 mnapaswa kujua ya kwamba tuliwaona nyie mnatosha kuitetea nembo ya Yanga kwenye kipindi kigumu na hili ndilo jaribio la kwanza ambalo ni mtihani muhimu kwenu ambalo mnapaswa kutuonesha ya kwamba hatujakosea kuwachagua imani yetu kwenu ni kubaki na maamuzi na tamko lililotoka kwa umma pamoja na msimamo wa wanachama wa Yanga nchi nzima.
Msiyumbishwe na yoyote maana tuliowachagua ndio tuliowatuma na kusimamia msimamo wetu wa kwamba HATUCHEZI mechi yoyote na SIMBA kwenye msimu huu wa ligi ya NBC. Msimamo wetu kwa sauti moja ya kwamba SISI HATUCHEZI .na mjue kwenda kinyume na makubaliano na maazimio ya klabu yetu nyie mtakua WASALITI na mtakuja kusababisha machafuko makubwa sana ambayo yatapelekea kuwavua madaraka mliyo nayo kwa sasa maana mtaonekana ni viongozi dhaifu, msio na msimamo,msiojiamini,mlioshindwa kusimama na wanachama na kusimamia maamuzi yetu ya kikao cha kamati ya utendaji na kuutangazia umma kuwa hatutacheza mechi nyingine ya NBC mimu huu kwa sababu Waziri aliyeitisha hicho kikao sisi Wanayanga tunajua ni miongoni mwa waliotoa maelekezo mechi ya tarehe 8.03.2025 isichezwe sasa tunashangaa na kujiuliza leo anapata wapi sifa ya kuitisha kikao kwa jambo ambalo yeye alichangia kuliharibu kwa kutokufuata kanuni makusudi ili aipendelee Simba?
MSIMAMO WETU WANA YANGA
1.Ndugu Steven Mguto hana sifa ya kuwa Mwenyekiti wa Bodi kwani sifa ya kuwa Mwenyekiti wa Bodi lazima uwe Mwenyekiti wa klabu mojawapo ya lig,sasa swali la kujiuliza ni,Je Ndugu Steven Mguto anaendelea kuwa Mwenyekiti wa bodi akiwakilisha timu ipi maana tujuavyo timu alokua anaiwakilisha ya Coastal Union imeshapata Mwenyekiti wake Mpya? Kama siyo kuvunja sheria na kanuni kunakofanywa na Wallace Karia na genge lake kwa makusudi ni nini? Ikumbukwe miaka ya nyuma wakati wa uongozi wa nudgu Yusuf Manji (Mungu ailaze roho yake mahala pema) kuna kipindi ndugu Clement Sanga wa Yanga alikua anakaimu nafasi ya Mwenyekiti wa Yanga na alikua Mwneyekiti wa Bodi ya Ligi ila walimtoa kwa kigezo siyo mwenyekiti wa Yanga mara baada ya ndugu Yusuf Manji kurejea kwenye nafasi yake lakini leo hii tunaona nudgu Steven Mguto anaendelea kuwepo kinyume na utaratibu kwa hali hiyo sisi tunasema ndugu Steven Mguto hana sifa ya kukaa kikao chochote na Yanga na hata vikao anavyoshiriki/alivoshiriki ni batili na busara anayosema anapaswa aionyeshe yeye kwa kuondoka kwenye kiti anachokalia kwa hiari yake mwenyewe maana hana sifa ya kuwa kiongozi wa Bodi ya Ligi
2.Mwambieni Waziri mwenye dhamana ya michezo ya kwamba sisi WANA YANGA HATUCHEZI mechi yoyote na SIMBA msimu huu ya marudiano.
3.Ndugu ALMASI KASONGO, ajiuzulu kama tamko na maamuzi ya kikao cha Kamati Tendaji ya Yanga kilivoazimia na kuamua kwani ameshindwa kusimamia kanuni zinazotakiwa kufuatwa katika kusimamia mpira wa nchi hii.
4.Katika kipinid hiki tunawaasa viongozi wa Yanga ya kwamba hakuna sababu ya kukaa kikao chochote cha kutafuta kutumia busara maana mpira hauendeshwi kwa busara bali unaendeshwa kwa kanuni na hamuwezi kukaa na mtu aliyeonesha yupo upande gani na kuwadhalilisha viongozi tuliowachagua kwa kutoa maneno ya kashfa na kebehi dhidi yenu na klabu yetu.
5.Uongozi uendelee kusubiri na kufuatilia kesi yetu tuliyoipeleka CAS maana hilo ndilo jambo la msingi kwa sasa kwa maana ya kwamba huwezi cheza mechi ambayo umeikatia rufaa CAS na maamuzi ya rufaa bado hayajatolewa na kamwe msithubutu kwenda kuitoa hiyo kesi hata mkiomba kwa namna gani na mkiona jambo hilo gumu basi tunaomba muitishe mkutano mkuu wa dharura la mkishindwa tutauitisha sisi maana tuna haki,nia na uwezo wa kulifanya hilo.
6.kiongozi yoyote atakaye badilika na kwenda kinyume na msimamo wa klabu ambao umeshasisitiza ya kwamba HATUCHEZI huyo atakua msaliti kwa maana atakua amekwenda kinyume na maamuzi ya wanachama na tutamtaka mara moja yeye mwenyewe atuachie timu yetu kwani atakuwa ameshindwa kusimamia maslahi ya Yanga na hana sifa tena ya kuwa kiongozi wa klabu yetu.
7.Kama lengo ni kuwapa ushindi Simba kwa kutumia mbinu chafu,za upendeleo na dhulma dhidi ya klabu yetu basi waacheni wawape na kama lengo kutukata point kumi na tano (15) ambazo waliogopa kuwakata simba kwa kugomea mechi achene watukate ila tunawahakikishia maana kwa kufanya hivyo nchi itajua,Afrika na dunia itajua na sisi tutawasubiria hilo na tutaitisha mkutano mkuu wa dharura kwa ajili ya kutoa msimamo na maamuzi yetu kama klabu kwa dhulma hii ya wazi inayofanywa na waliopewa mamlaka ya kuusimamia mpira wa nchi yetu.
8.Sisi wapenzi na wanchama wa Yanga tunaomba kuwasisitizia viongozi wetu ya kwamba kama klabu tubaki na msimamo wa kutocheza ili tuwafundishe maana ya kufuata kanuni na pia wajue ukiacha kutumia kanuni ukatumia busara ni kutengeneza migogoro na kutumia busara badala ya kanuni ni hoja za viongozi dhaifu wasio na uwezo wa kusimamia kanuni
DAIMA MBELE NYUMA MWIKO
HATUCHEZI MECHI YOYOTE NA SIMBA KWA MSIMU HUU KATIKA LIGI KUU YA NBC
