Hawa matapeli wa "Tuma kwa namba hii" wameanza kushughulikiwa. 21 wakamatwa kwa utapeli wa mtandao Morogoro

Hawa matapeli wa "Tuma kwa namba hii" wameanza kushughulikiwa. 21 wakamatwa kwa utapeli wa mtandao Morogoro

Mindyou

JF-Expert Member
Joined
Sep 2, 2024
Posts
2,536
Reaction score
7,194
Jeshi la Polisi mkoani Morogoro limewakamata jumla ya watu 21 kwa tuhuma za kujihusisha na wizi na utapeli wa kimtandao unaojulikana kwa jina la “Halo Halo”, kufuatia operesheni maalum iliyofanyika kati ya Julai 2 hadi 11, 2025.

Kamanda wa Polisi Mkoa wa Morogoro, Kamishna Msaidizi Mwandamizi wa Polisi, Alex Mkama, amesema watuhumiwa hao walikamatwa katika maeneo mbalimbali ya mkoa huo, yakiwemo Ifakara (Kilombero), Msowelo na Rudewa (Kilosa), pamoja na Turiani (Mvomeru).

“Kati yao, 13 walikamatwa Ifakara, watano walinaswa Msowelo na Rudewa, huku watatu wakikamatwa Turiani,” alisema Kamanda Mkama katika taarifa yake ya Julai 14, 2025.

Amesema mtandao huo wa kihalifu umekuwa ukitumia mbinu mbalimbali, zikiwemo kusajili laini nyingi za simu kwa majina ya watu wengine kupitia mawakala wasio rasmi, kujifanya maofisa wa makampuni ya simu, waganga wa kienyeji, na hata wafanyabiashara wa mbolea na vyakula vya mifugo.

Aidha, Kamanda Mkama amewataka wananchi kujiepusha na tamaa ya utajiri wa haraka kwa njia zisizo halali na badala yake wafanye kazi zinazotoa mchango chanya kwa jamii na taifa kwa ujumla.


 
Wizi wa akili.
Unatumaje pesa kwa mtu bila kujiridhisha yeye ndiye?

Watanzani wengi hawako makini na vitu vidogo hii nikutokana na kuishi kwa mazoea.

Tapeli wa kwanza wa kuanza naye ni yule aliyewauzia mbuga mjomba zake.
 
Acha niache kujibu chochote, maana nikijibu nitakorofisha mamlaka ya mbinguni
 
Miaka nenda mnaishia tu kuwakamata na kumalizana nao kimya kimya!

Ni kwa nini mnakosa mbinu ya kuutokomeza huu utapeli? Ni kwa nini kuna uhuru uliopitiliza wa watu kusajili line?

Ni kwa nini pamoja na kusajili hizo line kwa alama za vidole, bado matapeli wametamalaki?
police na TCRA mjitafakari.
 
Back
Top Bottom