Kwa matukio ambayo wanayoyafanya polisi hakika wananchi wameishiwa pawa ya kuwaamini tena na wameshatengeneza uadui mkubwa katika siku za usoni, mahakama nayo dalili zote zinaonyesha wanafanya mambo yao kwa maagizo!
===================
Makamu Mwenyekiti wa CHADEMA Tanzania Bara John Heche Akizungumza na wanahabari kwenye viunga vya Mahakama Kuu ya Tanzania, Masjala ndogo ya Dar es Salaam muda mfupi baada ya kesi ya uhaini inayomkabili Mwenyekiti wa chama hicho Taifa Tundu Lissu kuhairishwa leo, Alhamisi Septemba 18.2025 ametoa wito kwa vyombo vya ulinzi na usalama na Mahakama nchini kuzingatia weledi na kuhakikisha imani yao waliyoitengeneza kwa umma kwa muda mrefu haifutiki kwa Watanzania
Katika maelezo yake, Heche amesema ni jambo ambalo halitengenezi taswira nzuri kuona wananchi wakianza kunyooshea vidole taasisi hizo, na nyingine zinazosimamia masuala ya haki nchini hivyo mara zote zinapaswa kusimamia misingi yake ya kitaaluma na kisheria kwa kutanguliza haki.