Hofu: Adui mwengine wa Tanzania, katiba mpya

KISHADA · 2014-04-25T06:08:47+00:00

Tafadhali soma maelezo haya. "HOFU" ADUI MWENGINE WA TANZANIA, KATIBA MPYA Bora tu itangazwe kuwa HOFU sasa ni adui wa nne wa Tanzania baada ya maradhi,ujinga na Umasikini. Hili ni tishio jipya la ustawi wa jamii za Tanzania na ni ngao kwa watawala wanaopinga mabadiliko katika jamii. Tumeshuhudia mengi kwa ADUI huyu hofu katika zama hizi.Angalia mtiririko huu Hofu ya watawala imezuiya haki za kiraia za kupashana habari kila wakati watawala wanapoona maslahi yao yanavurugwa, huja na kisingizio cha HOFU ya usalama wa nchi( kuzuiya mikutano na maandamano ya wapinzani wao). Hofu ya watawala imeshindwa kusimamia uwajibikaji kwa kushindwa kuwachukulia hatua wabadhirifu na mafisadi hata pale inapothibitika. Mara ngapi hushindwa kuchukua hatua kwa hofu ya kulipizana visasi au kupunguza umoja wa vikundi vyao na kudhoofishana( Richmond na mabilioni ya EPA) tulishangaa fedha za EPA kurejeshwa lakini waliohusika walisamehewa tu. HOFU ya watawala kushindwa kusimamia sheria kwa kuogopa kutoungwa mkono au kuwaudhi wadhamini wao wa madaraka. Mara ngapi misamaha ya kodi inaripotiwa wakati hilo ni suala la kisheria na hakuna hatua ya msingi inayochukuliwa. HOFU KATIKA KATIBA MPYA. Maoni ya umma nayo tayari yanazuiwa kwa sababu ya hofu ya Watawala. Kwa mara nyengine tena mustkbali wa jamii kwa miaka mengine mingi imeshatekwa na hofu ya watawala na kamwe kusitegemewe mabadiliko ya kijamii kama ilivyokusudiwa. Watawala wanazuwiya matakwa ya umma ya serikali tatu zenye kuimarisha UWAJIBIKAJI, USAWA na MARIDHIANO kwa sababu ya hofu tu , hofu ya MASLAHI YAO. Hutumika hofu ya kuvunjika muungano kama kisingizio na wala HAWANA HOFU YA KUKOSA UWAJIBIKAJI na usawa kama sababu za kuweza kuuvunja muungano. Wanasahu malalamiko ya muda mrefu mwisho hugeuka mapambano na kuharibu muungano . Badala ya kutibu hayo wao wanaleta hofu ya serikali tatu ambazo kimsingi zipo. Watu wanajiuliza kwa nini isitumike forum ya bunge la katiba kuweka misingi ya kutovunjika muungano? Ambao watawala wana hofu ya kuvunjika eti kwa kuja serikali tatu. Hivi hakuna wataalamu wanaoweza kuja na misingi ya kikatiba ambapo yatahakikisha serikali tatu hazivunji muungano sio ndio jukumu hilo la bunge hili? Lakini imebainika TATIZO NI HOFU tu. Hofu kwa mara nyengine inazuwiya matarajio ya umma kwa miaka mengine zaidi ya 100 ijayo kwa nini? Hili la katiba mpya mara hii limeibua AINA nyengine ya HOFU. Kwamba watawala wana hofu ya Zanzibar KUWA DOLA YA KIISLAMU. Watu wanajiuliza kumbe hili nalo lilikuwa ajenda ya kuwepo muungano huu wa serikali mbili? Hofu nyengine mpya ni ile ya jeshi kuja kuchukuwa dola kwa kushindwa kulipwa mishahara yao , makubwa haya. Kwamba jeshi halikuchukuwa nchi kwa ufisadi, rushwa iliyokubuhu, kuvunjwa katiba ya SMT na kukosa uwajibikaji eti waje kupinduwa kwa kukosa mshahara tena kitu ambacho hakipo zaidi ya hofu ya watawala. Yaani hofu imekuwa ndio kila kitu .Hofu inazuiya haki,usawa,maendeleo, uwajibikaji,future za watu na mustkbali wa taifa. Ikiwa hivi ndivyo basi HOFU nalo ni ADUI WA TAIFA. Nashauri kwamba kuna haja ya hii hofu kuingizwa katika mitaala ya elimu ili kujuwa namna ya kuzuiya hofu kwa jamii ili kuweka njia mbadala za kupambana na hofu kwa mustakbali wa jamii na taifa, badala ya WATAWALA kutumia hofu zao ambazo kimsingi hawaeleweki.

Thread starter KISHADA
Start date Apr 25, 2014

KISHADA

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Hofu: Adui mwengine wa Tanzania, katiba mpya

KISHADA

JF-Expert Member

Our Community

Regional Communities