KwetuKwanza
Senior Member
- Mar 13, 2023
- 127
- 245
Siku chache zilizopita kupitia Jukwaa hili, nilileta moja ya hoja kutoka kwenye Halmashauri yangu ya Mji wa Bariadi.
Kuna vitu vinafanywa na serikali ukiviangalia vinaumiza, vinatia watu hasira, na hata hakuna anayejali, au kuumia kama ambavyo Wananchi tunaumia.
Hapo juu kuna picha nne, ingawa nimeziunganisha ili zikae sehemu moja, ni picha ya gari la taka, nyingine la kukusanya uchafu na nyingine ni mashine ya kuchonga Barabara na kukusanya uchafu pia.
Hivyo, vifaa na magari vilinunuliwa na Halmashauri ya Mji wa Bariadi Mkoani Simiyu, viligharimu pesa nyingi, nadhani hapo hata Bilioni moja zilifika kama sikosei.
Hizo pesa ni kodi za wananchi, ni miaka kama mitatu hivi tangu...
Hoja hiyo ilihusu gari la maji taka, pamoja na vifaa vingine kama gari la kubeba taka na mashine ya kuzoa uchafu (Greda).
Vifaa hivyo nilivikuta vikiwa vimepakiwa kwenye eneo la Hospitali ya Mji wa Bariadi baada ya kuharibika Kwa kipindi kirefu hasa gari la maji taka.
Gari Hilo ambalo lilinunuliwa Kwa Kodi za wananchi, lilipakiwa Kwa muda mrefu bila ya kutengenezwa huku wananchi wa Mji wa Bariadi tukiangaika kupata gari la maji taka.
Watu tulifikia kutafuta gari kutoka Mwanza, huku magari ya watu binafsi ya Mji wa Bariadi yakiwa na Bei kubwa.
Leo naleta mrejesho kuwa Nina wiki mbili hili gari naliona Barabarani tangu niandikie kuhusu kutelekelezwa.
Siyo hivyo tu, juzi limekuja kwangu na kutoa huduma, Kwa sasa gari kila siku linafanya kazi, na linaendelea kutoa huduma Kwa Kasi Kwa wananchi wa Mji wa Bariadi.
Napenda kutoa Pongeze kubwa Kwa Uongozi wa Halmashauri ya Mji wa Bariadi Kwa kufanyia kazi kero hili na hatimaye huduma Kwa wananchi imerudi kama kawaida.
