Manyanza
Platinum Member
- Nov 4, 2010
- 22,269
- 58,563
Mahakama Kuu ya Tanzania, Masjala Kuu Dodoma inayoketi jijini Dar es Salaam, leo Ijumaa inatarajiwa kutoa hukumu katika shauri la Kikatiba Na. 7300/2026 linalohusu haki za faragha na fursa ya kuonana kati ya Mwenyekiti wa CHADEMA, Tundu Lissu, na mawakili wake.
Vigogo na makada wa CHADEMA wakiwemo Mwanasheria Mkuu wa chama hicho, Dkt. Rugemeleza Nshala, na Wakili Paul Kisabo wamewasili katika Ukumbi Namba 01 wa Mahakama Kuu jijini Dar es Salaam wakiwa karibu na Tundu Lissu kushuhudia utoaji wa uamuzi huo wa kihistoria.
Shauri hilo lilifunguliwa na Mawakili Maduhu William na wenzake wawili dhidi ya Kamishna Jenerali wa Magereza (CGP), Mkuu wa Gereza la Ukonga, na Mwanasheria Mkuu wa Serikali (AG), huku Chama cha Wanasheria Tanganyika (TLS) kikishiriki kama mdaawa mwenye maslahi.
Waleta maombi hao wanahoji na kupinga kitendo cha Maafisa wa Magereza kuingilia faragha ya mawasiliano kati ya mawakili na mteja wao kwa kusikiliza mashauriano yao, pamoja na kuwawekea vizingiti vya kuonana na Lissu, aliyepo mahabusu akikabiliwa na kesi ya uhaini isiyo na dhamana.
Jopo la Majaji watatu linaloongozwa na Jaji Amir Mruma, akisaidiwa na Jaji Dkt. Angelo Rumisha na Jaji Dkt. Evaristo Longopa, linatarajiwa kutoa majibu ya kikatiba kuhusu:
1. Iwapo Maafisa wa Magereza kusikiliza mashauriano ya mawakili na wateja wao ni kinyume cha Katiba.
2. Iwapo kuwawekea vizingiti mawakili kuonana na wateja wao magerezani ni ukiukwaji wa haki za kikatiba.
Vigogo na makada wa CHADEMA wakiwemo Mwanasheria Mkuu wa chama hicho, Dkt. Rugemeleza Nshala, na Wakili Paul Kisabo wamewasili katika Ukumbi Namba 01 wa Mahakama Kuu jijini Dar es Salaam wakiwa karibu na Tundu Lissu kushuhudia utoaji wa uamuzi huo wa kihistoria.
Shauri hilo lilifunguliwa na Mawakili Maduhu William na wenzake wawili dhidi ya Kamishna Jenerali wa Magereza (CGP), Mkuu wa Gereza la Ukonga, na Mwanasheria Mkuu wa Serikali (AG), huku Chama cha Wanasheria Tanganyika (TLS) kikishiriki kama mdaawa mwenye maslahi.
Waleta maombi hao wanahoji na kupinga kitendo cha Maafisa wa Magereza kuingilia faragha ya mawasiliano kati ya mawakili na mteja wao kwa kusikiliza mashauriano yao, pamoja na kuwawekea vizingiti vya kuonana na Lissu, aliyepo mahabusu akikabiliwa na kesi ya uhaini isiyo na dhamana.
Jopo la Majaji watatu linaloongozwa na Jaji Amir Mruma, akisaidiwa na Jaji Dkt. Angelo Rumisha na Jaji Dkt. Evaristo Longopa, linatarajiwa kutoa majibu ya kikatiba kuhusu:
1. Iwapo Maafisa wa Magereza kusikiliza mashauriano ya mawakili na wateja wao ni kinyume cha Katiba.
2. Iwapo kuwawekea vizingiti mawakili kuonana na wateja wao magerezani ni ukiukwaji wa haki za kikatiba.
