ICTR yaanza mchakato wa kufunga shughuli zake

Rutashubanyuma · 2011-10-09T04:49:28+00:00

ICTR yaanza mchakato wa kufunga shughuli zake Send to a friend Friday, 07 October 2011 19:40 Peter Saramba, Arusha MAHAKAMA ya Kimataifa ya Mauaji ya Rwanda(ICTR), imeanza mchakato wa kufunga shughuli zake hapa nchini kwa kuwaanda wafanyakazi wake kisaikolijia ili waweze kukabliana na changamoto za maisha mapya baada ya hatua hiyo. Maandalizi hayo yanahusisha kuwatafutia kazi katika sehemu nyingine na kutoa elimu ya ujasiriamali kwa watakaojiingiza katika shughuli za kibiashara. Mkuu wa Utawala wa ICTR, Sarah Kilemi, aliwaambia waandishi wa habari mjini Arusha jana kuwa hadi kufikia Desemba mwaka huu, idadi kubwa ya wafanyakazi watakuwa wamepunguzwa. Kwa mujibu wa Kilemi, itakapofika Julai mwakani, shughuli nyingi za mahakama hiyo zitawekwa chini cha usimamizi wa chombo maalumu kitakachopokea kazi za ICTR na ile ya mauaji ya halaiki ya Yugoslavia (ICTY). Alisema katika kipindi hicho, wafanyakazi wanaohusika na kesi mbili zinazoedndelea kushughulikiwa na mahakama hiyo, watabakia kwa ajili ya kumalizia shughuli hizo kabla ya kufungwa kwa mahakama zote mbili mwaka 2014. Alisema wafanyakazi hao ni pamoja na wakalimani, makarani, walinzi, majaji na wa kada nyingine. Kuanzia Novemba mwaka huu, tutaanza kutoa barua za notisi ya mwezi mmoja kwa watumishi watakaopunguzwa kazi. Hata hivyo tayari baadhi ya wafanyakazi wameondoka kwa hiari yao baada ya kupata ajira sehemu zingine zenye mikataba ya muda mrefu ikilinganishwa na ile ya ICTR ambayo ni miezi sita, mwaka mmoja au zaidi kulingana na mahitaji yaliyopo, alisema Kilemi. Alisema chombo kipya kitachoundwa kurithi kazi za mahakama,kitashughulikia utekelezaji wa maamuzi, hukumu mbalimbali na utunzaji wa kumbukumbu (maktaba) za kesi zilizoendeshwa na mahakama. Wale wenye nia ya kujiingiza kwenye biashara tunawapa elimu ya ujasiriamali ili waweze kuanzisha na kumudu kuendesha biashara zao.Lengo ni kuwawezesha kumudu maisha baada ya kutoka ICTR, alisema Kilemi. Kuhusu athari za kiuchumi baada ya ICTR kufunga shughuli zake, Kilemi alisema athari hizo zinaweza kufidiwa na kuwapo kwa ofisi na taasisi zingine za kimataifa zinazoendesha shughuli zake mjini Arusha. Hata hivyo alikiri kuwa baadhi ya watu waliokuwa wakipata faida ya moja kwa moja au kupitia kwa wafanyakazi wa mahakama hiyo watayumba kiuchumi.

Thread starter Rutashubanyuma
Start date Oct 9, 2011

Rutashubanyuma

JF-Expert Member

Oct 9, 2011

Rutashubanyuma

JF-Expert Member

Oct 9, 2011

Thread starter
#2

You must log in or register to reply here.

Facebook X Bluesky LinkedIn Reddit WhatsApp Email Link

Educational, Tech & Prof
Jukwaa la Sheria (The Legal Forum)

Our Community

JamiiCheck
JamiiVoices
JamiiStories
JamiiData
JamiiCourses
JamiiShop
JamiiSocial
Premium Content
Start Discussion

Regional Communities

Tanzania
Uganda
Kenya

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts