Japan Inajaribu Mtandao wa 6G wenye Kasi ya 112Gbps: Unaoweza Kushusha Faili la 10GB kwa Chini ya Sekunde Moja.
Japan imefanya jaribio linaloweza kuwa hatua muhimu kuelekea kizazi kijacho cha teknolojia ya mawasiliano. Watafiti nchini humo wamefanikiwa kusafirisha data kwa kasi ya 12Gbps kupitia mawimbi ya wireless ya 560GHz, kasi ambayo 5G ya leo haiwezi kufikia. Hii ni ishara kwamba mbio kuelekea 6G, kizazi kijacho cha mitandao ya mawasiliano, sasa zinaingia katika hatua muhimu zaidi.
Watafiti wa Chuo Kikuu cha Tokushima nchini Japan walifanikiwa kufikisha kasi hiyo kupitia kiunganishi kisichotumia waya cha 560GHz, katika jaribio la maabara lililolenga kuchunguza teknolojia ya masafa ya juu inayoweza kutumika kujenga miundombinu ya 6G na kuunganisha vituo vya mawasiliano na mtandao mkuu.
6G inatarajiwa kuanza kuingia katika matumizi ya kibiashara mnamo kufikia 2030, huku viwango vya kimataifa vikitarajiwa kushughulikiwa kabla ya hapo. Japan, China, Marekani na Umoja wa Ulaya tayari wanawekeza kwa nguvu katika mbio hizi. China imefanya jaribio lililofikisha kasi ya hadi 206Gbps, huku Australia ikifanya majaribio ya 3.5Gbps. Hii inaonyesha kwamba ushindani wa 6G hautahusu tu nani atakuwa na mtandao wa haraka zaidi, bali nani ataweza kugeuza teknolojia hiyo ya maabara kuwa miundombinu halisi ya dunia ya kesho.