Javier Hernandez (Chicharito) kurudi Uingereza

kirerenya · 2017-07-20T18:04:41+00:00

Klabu ya West Ham wanakaribia kufanikiwa kumnunua mshambuliaji wa Mexico, Javier Hernandez kutoka Bayer Leverkusen ya Ujerumani. Klabu hiyo ina matumaini makubwa ya kufanikiwa kumchukua mchezaji huyo wa zamani wa Manchester United, 29, ingawa kufikia sasa hawajakamilisha makubaliano kuhusu bei yake. Mwezi Mei mchezaji, Hernandez – maarufu kwa jina la utani la Chicharito, aliibuka kuwa mfungaji bora wa muda wote wa Mexico katika historia baada ya kufunga bao lake la 47. Hernandez alifunga mabao 59 katika mechi 156 alizochezea United tangu alipotua Old Trafford mwaka 2010, kabla ya kuhamia Leverkusen kwa pauni milioni 7.3 mwezi Agosti 2015 na kuifungia klabu hiyo ya Ujerumani jumla ya mabao 39 katika michezo 76. Na mshambuliaji wa Austria Marko Arnautovic anatarajiwa kufanyiwa uchunguzi wa kimatibabu katika klabu hiyo katika saa 48 zijazo baada ya West Ham kuafikiana na Stoke City. West Ham walikuwa wamewasilisha dau mara mbili zikikataliwa lakini sasa inaarifiwa Stoke wamekubali dau la karibu pauni milioni 24. Arnautovic, 28, alijiunga na Stoke kutoka Werder Bremen miaka minne iliyopita na alikuwa ametumikia miezi 12 pekee mkataba wake wa sasa wa miaka minne klabu hiyo. Alifunga mabao saba katika mechi 35 alizocheza mashindano yote msimu uliopita. West Ham pia walifanikiwa kumsajili kipa wa Uingereza anayechezea Manchester City, Joe Hart kwa mkopo wa mwaka mmoja siku ya Jumanne. Chanzo: Bongo5

Thread starter kirerenya
Start date Jul 20, 2017

kirerenya

JF-Expert Member

Jul 20, 2017

Joseverest

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts