- Source #1
- View Source #1
Wakuu nimeona hii video na kudaiwa kuwa ni ndege ya mbao ambayo imetengenezwa na Mwafrika. Ingawa kwa upande wangu naona ni kama ina dosari zinazoonesha si halisi
- Tunachokijua
- Ndege ni kifaa kilichoundwa kikiwa na uwezo wa kusafiri angani ili kurahisisha safari za masafa marefu.
Madai
Mtumiaji mmoja wa mtandao wa X alichapisha Taarifa inayoeleza kuwa mwanaumme mmoja wa Kiafrika ametengeneza ndege yake binafsi kwa kutumia miti, huku akiambatanisha na kipande cha video kinachomuonesha mwanaume huyo akiendelea na zoezi hilo.
Uhalisia wa video hiyo
JamiiCheck imefuatilia uhalisia wa video hiyo na kubaini kuwa si halisi.
Kupitia ufuatiliaji kwa kutumia nyenzo za kidigitali JamiiCheck imebaini dosari kadhaa katika video hiyo ikiwemo mwanaume anayeonekana kwenye video hiyo kutokuwa na mijengo halisi.
Matendo yanayoonekana yanakosa uhalisia, rejelea kipindi ambacho mwanaume huyo alionekana akikata kipande cha mti kwa kutumia msumeno.
Aidha ndege imekuwa ikibadilikabadilika ukubwa hivyo kukosa muendelezo wake wa muda wote katika muonekano na hivyo kudhihirisha imetengenezwa kwa teknolojia ya akili unde (AI).
JamiiCheck imetumia pia nyenzo nyingine ya kidigitali ya kubaini iwapo maudhui ni halisi ama yametengenezwa kwa Akili Unde, ijulikanayo kwa jina la Sight engine na kubaini kuwa zaidi ya 98% inaonekana kuwa ni maudhui yaliyotengenezwa kwa akili unde
