Je, TARURA itabadilika, au wananchi waendelee tu kuumia?

NGOSWE2 · 2024-12-18T09:12:58+00:00

Ni dhahiri kuwa maswali haya yanazidi kuongezeka miongoni mwa wananchi wengi, hasa wanapoona juhudi zao za kuboresha barabara zikivurugwa kwa namna isiyokubalika. Mfano halisi ni kilichotokea jana katika Kata ya Buyuni, Mtaa wa Nyeburu, ambapo TARURA ilikuja na tingatinga lao, wakakwangua barabara mara moja na kisha kutoweka bila kazi yoyote ya maana. Hili limekuwa jambo la kawaida kwa TARURA, hasa katika miezi hii ya mvua. Wanakuja, wanakwanguwa maeneo yaliyorekebishwa na wananchi, kisha wanayaacha bila matengenezo. Matokeo yake ni kwamba mvua zinaponyesha, barabara hizo hujaa madimbwi makubwa, hali inayowarudisha wananchi kwenye hali ya awali ya mateso na huzuni mkubwa. Hali hii imekuwa ikijirudia kwa miaka mitatu sasa katika maeneo hayo, na wananchi wamechoka. Ni haki kabisa kuuliza: Hivi TARURA wanakaguliwa kweli? Na iwapo wanakaguliwa, kwa nini mchezo huu unaendelea kila mwaka? Kinachosikitisha zaidi ni kuwa, TARURA wanaonekana kuvuruga hata juhudi ndogo zilizofanywa kwa nguvu na rasilimali za wananchi. Wananchi wanahitaji majibu. TARURA inapaswa kueleza ni kwa nini miradi ya barabara inafanywa nusu-nusu, huku ikiacha uharibifu mkubwa. Hii siyo tu inakosa kuheshimu juhudi za wananchi, bali pia inaonesha kutowajibika kwa taasisi inayopaswa kusimamia maendeleo ya barabara zetu kwa weledi na uwazi. Wananchi wana haki ya kufuatilia, kuuliza, na kushinikiza uwajibikaji. TARURA pia inapaswa kujifunza kushirikiana na jamii na kufanya kazi zenye viwango vya juu, badala ya kuongeza mateso kwa wananchi.

Thread starter NGOSWE2
Start date Dec 18, 2024
Tags

kuumia tarura wananchi

NGOSWE2

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Je, TARURA itabadilika, au wananchi waendelee tu kuumia?

NGOSWE2

JF-Expert Member

Our Community

Regional Communities