Elias Msuya
Platinum Member
- Dec 23, 2011
- 267
- 1,014
Wakati Watanzania wakiadhimisha siku ya Sabasaba ikiwa ni maadhimisho ya kimataifa ya Biashara, kwa Wakenya siku hiyo inakumbukwa kuwa ni ya kiharakati, ikienda hadi miaka 1990 ambapo baadhi ya wanasiasa walifanya mkutano wa kihistoria katika uwanja wa Kamkunji jijini Nairobi, kushinikiza mabadiliko ya Katiba mpya kuruhusu kuwepo kwa vyama vingi.
Serikali ya wakati huo ya chama kimoja cha KANU ikiongozwa na Rais Daniel Arap Moi, ilikataa kutoa kibali cha kufanyika kwa mkutano huo, lakini wanaharakati na wanasiasa hao wakiongozwa na Charles Rubia, Martin Shikuku, Raila Odinga, Gitobu Imanyara, Jaramogi Oginga Odinga na wengine waliendelea na mkutano huo kwa nguvu.
Vurugu zilizuka jijini Nairobi kwa siku nne na kusababisha vifo vya zaidi ya watu 20 kupoteza maisha na zaidi ya wengine 1,000 kukamatwa.
Baada ya Shinikizo hizo, rais wa wakati huo Daniel Arap Moi alikubali kuwepo kwa vyama vingi.
Kwa siku ya leo ilitarajiwa kuwe na mwendelezo wa maandamano nchini humo yanayoratibiwa na vijana maarufu GEN-Z, lakini leo wamekwama kuingia katikati ya jiji, kwani polisi wa nchi hiyo wamefunga barabara zote kuu na kuufanya mji huo kuwa kimya.
