Zack Abdul
JF-Expert Member
- Mar 9, 2026
- 1,194
- 911
👉Kumekuwa na tabia ya baadhi ya viongozi wastaafu, hususan , kujiona kuwa wao pekee ndiyo wenye hekima na uwezo wa kuamua mustakabali wa taifa letu. Kila jambo linalofanywa na serikali hulikosoa kwa kejeli kana kwamba hakuna chochote kizuri kinachoweza kufanywa bila ridhaa yake. Hali hii imeanza kuwachosha watanzania wengi wanaotaka kuona mshikamano badala ya lawama zisizoisha.
👉Joseph sinde warioba ameonekana mara nyingi akipinga karibu kila hatua ya serikali, huku akitaka mawazo yake yaonekane ndiyo suluhisho pekee. Badala ya kutoa ushauri wa kujenga taifa, amekuwa akijenga mazingira ya sintofahamu na kuonyesha kana kwamba taasisi zote za nchi hazina uwezo wa kufanya maamuzi sahihi bila yeye.
👉Kauli yake kwamba INEC ndiyo iliyopiga kura badala ya wananchi ni kauli nzito sana ambayo ilipaswa kuambatana na ushahidi wa wazi. Katika taifa linaloheshimu sheria na taasisi zake, si sahihi kutoa madai makubwa bila vielelezo. Kauli za namna hii zinaweza kupandikiza chuki na kutengeneza mgawanyiko kwa wananchi bila sababu za msingi.
👉Kinachoshangaza zaidi ni kwamba aliwahi kushika nafasi kubwa serikalini kama Mwanasheria Mkuu na Waziri Mkuu. Kama kweli aliamini sheria au mifumo ya nchi ilikuwa mibovu kiasi hicho, kwa nini hakufanya marekebisho akiwa madarakani? Uongozi huonekana kwa matendo, si kwa lawama za kila siku baada ya kutoka madarakani.
👉Wengi wanaona tatizo kubwa la Joseph sinde warioba ni kutaka kila jambo lifanyike kwa namna anavyotaka yeye. Akiona mawazo yake hayajafuatwa, huanza kulalamika na kubeza mfumo mzima wa nchi. Hii siyo dalili ya uongozi wa hekima bali ni ishara ya kutotaka kukubali kuwa dunia hubadilika na kila kizazi kina mtazamo wake.
👉Katika mchakato wa Katiba Mpya, alimpa jukumu la kuongoza Tume ya Katiba kwa matarajio ya kusikiliza maoni ya wananchi kwa uwazi. Lakini badala yake, watu wengi waliamini rasimu ile ilibeba zaidi mawazo ya tume kuliko maoni halisi ya watanzania waliotoa maoni nchini kote.
👉Hoja ya serikali tatu ndiyo iliyozua mjadala mkubwa zaidi. Takwimu zilizotolewa zilionyesha tofauti kubwa kati ya waliohojiwa na hitimisho lililowekwa kwenye rasimu. Hali hii iliwafanya wananchi wengi kuamini kuwa baadhi ya mapendekezo yalikuwa msimamo wa tume kuliko maoni ya wananchi wenyewe.
👉Katika upande wa Zanzibar, kulikuwa na maoni mbalimbali tofauti kuhusu muungano, ikiwemo serikali mbili, serikali ya mkataba na hata serikali nne. Lakini baadhi ya maoni hayo hayakupewa uzito sawa kwenye taarifa rasmi. Hili liliibua maswali mengi kuhusu uwazi wa mchakato mzima wa ukusanyaji na uchambuzi wa maoni.
👉Joseph sinde warioba alikuwa na mtazamo wenye mashaka kuhusu muungano na nafasi ya Zanzibar ndani ya Jamhuri ya Muungano. Hoja zake kuhusu uraia na muundo wa muungano zilifanya baadhi ya watanzania kuamini kuwa alikuwa akielekea kuipa Zanzibar hadhi ya nchi bila kuwa na mfumo wake kamili wa uraia.
👉kulikuwa na mjadala mkubwa kuhusu baadhi ya mapendekezo yaliyowekwa kwenye rasimu, kama suala la kubadili baadhi ya alama na misingi ya taifa. Watu wengi walijiuliza ni wananchi gani waliopendekeza mambo kama kufutwa kwa wimbo wa taifa au kuingizwa kwa baadhi ya vipengele ambavyo havikuwa sehemu ya mijadala mikubwa ya wananchi.
👉Tatizo kubwa ambalo wananchi wengi wanaliona kwa ni kupenda kuzungumza kila mara kana kwamba taifa halina watu wengine wenye uwezo wa kufikiri. Mara nyingi hutumia nafasi yake kama kiongozi mstaafu kutoa kauli zinazogawa jamii badala ya kuijenga.
👉Tanzania imekuwa na viongozi wengi waliostaafu kwa heshima na wakaamua kuwa washauri wa busara kwa taifa. Lakini kwa Joseph sinde warioba, kila siku ni lawama, malalamiko na ukosoaji usio na mwisho. Watu wengi wanaamini kuwa angekuwa msaada mkubwa zaidi kama angetumia uzoefu wake kutoa ushauri wa utulivu kuliko kuibua migogoro ya kisiasa kila mara✍️