Mwanasiasa machachari alilia ahueni asifungwe
Mahakama ya Mahakimu wa Mkoa wa East London ilimtumia hukumu hii tarehe 1 Oktoba 2025, ikiwa ni pamoja na kosa la kumiliki haramu bunduki, kumiliki risasi haramu, na kufyatua risasi katika umma wakati wa mkutano wa EFF huko Mdantsane, ambapo alipiga risasi 14 hadi 15 hewani mbele ya wafuasi zaidi ya 20,000.
23 January 2026
East London,
Eastern Cape Province
Republic of South Africa
Sitarudi nyuma kamwe kutoka kile kilicho ktk mawazo yangu,” Malema anasema huku hukumu ikiahirishwa hadi Aprili 2026
Kamanda mkuu wa chama cha Wapigania Uhuru wa Kiuchumi EFF, Julius Malema. Picha: @EFFSouthAfrica
Kiongozi wa Wapigania Uhuru wa Kiuchumi (EFF)
Julius Malema alisema hatatishwa na mfumo wa kisheria huku Mahakama ya Hakimu Mkazi ya East London ikiahirisha hukumu yake hadi tarehe 15 Aprili 2026 kufuatia kupatikana na hatia kwa mashtaka yanayohusiana na silaha za moto.
"Hakuna mtu atakayenitisha au kunilazimisha nijiepushe na mawazo yangu," Malema aliwaambia wafuasi wake nje ya mahakama Ijumaa. "Sitajiepushe na mawazo yangu, bila kujali vitisho."
Malema alifika mbele ya Hakimu Twanet Olivier kwa ajili ya kesi za awali za hukumu baada ya kupatikana na hatia mwaka jana 2025 ya kumiliki silaha kinyume cha sheria na risasi, kutoa silaha hadharani na kuhatarisha maisha yake kwa uzembe kutokana na tukio la mkutano wa hadhara wa mwaka 2018 huko Mdantsane, ambapo alirekodiwa akifyatua risasi hewani.
View: https://m.youtube.com/watch?v=eGTlbnjUyFw
Video SABC
Kesi ya leo Ijumaa zilihamishiwa kwenye chumba kikubwa cha mahakama ili kukidhi maslahi ya umma.
Hakimu alisema alihitaji muda zaidi wa kuzingatia ushahidi ulio mbele yake na akaweka rasmi tarehe 15 Aprili 2026 kwa ajili ya hukumu.
Upande wa utetezi uliwasilisha ripoti ya kabla ya hukumu iliyokusanywa na ofisa wa kitengo cha jamii (social worker) Jesse Thompson, ambaye alisema kwamba Julius Malema hapaswi kuchukuliwa kama anastahili kifungo cha moja kwa moja jela.
Thompson aliiambia mahakama kwamba Julius Malema hakuwa na nia ya kusababisha madhara alipotoa bunduki hiyo na akaelezea kitendo hicho kama cha kusherehekea, kinachohusiana na sherehe za maadhimisho ya kuasisiwa chama hicho cha EFF. Alipendekeza faini inayoakisi uzito wa makosa hayo lakini akapendekeza isimamishwe ili kuhimiza tabia njema.
Masharti mengine yaliyopendekezwa ni pamoja na kumzuia Julius Malema kuomba leseni ya silaha kwa muda maalum na kutoa mchango kwa Gun Free South Africa, shirika lisilo la kiserikali linalolenga kupunguza vurugu matumizi ya ovyo ya bunduki.
"Baada ya tathmini ya kina ya hali binafsi ya mshtakiwa, uzito wa makosa, maslahi ya kijamii, na sheria husika na sheria ya kesi, pendekezo lifuatalo la hukumu linatolewa: Kutoza faini inayoonyesha uzito wa makosa, huku faini ikipendekezwa ili kuhimiza kuendelea na tabia njema," ripoti hiyo ilisema.
Ofisa wa kitengo cha jamii, Thompson pia alibainisha kuwa bunduki hiyo ilikuwa imeshikiliwa na JuliusMalema kwa muda mfupi tu, haikupakiwa, na akahimiza kwamba mashtaka hayo mengi yazingatiwe kwa pamoja kama yanatokana na tukio moja.
Nje ya mahakama, idadi kubwa ya wafuasi wa EFF walikusanyika, wengi wakiwa wamevaa bereti nyekundu na wakiwa wamebeba mabango yaliyoandikwa “Tunasimama na Julius Malema.” Polisi waliendelea kuonekana.
Timu ya wanasheria ya Malema, iliyoimarishwa hivi karibuni na mawakili wakuu akiwemo mahiri machachari wakili Tembeka Ngcukaitobi, imeonyesha nia yake ya kukata rufaa dhidi ya hukumu hiyo au hukumu yoyote ya kifungo ambayo inaweza kutolewa.
Chini ya sheria ya Afrika Kusini, hukumu inayozidi miezi 12 bila chaguo la faini ingemzuia Julius Malema kuhudumu kama mbunge kwa miaka mitano, na kuongeza uharaka katika mchakato huo kabla ya uchaguzi wa serikali za mitaa baadaye mwaka huu.
Katika kupunguza makali ya kesi, upande wa utetezi ulisisitiza jukumu la Julius Malema kama mtoa huduma mkuu wa kifedha anayetegemew na mkewe pia watoto wao, utetezi wao ukisema kwamba kifungo kingevuruga utulivu wa wategemezi wake.
Akihutubia wafuasi baada ya kikao cha mahakama, Julius Malema alisema anajivunia kuwa mweusi na alitetea amani. Alielezea EFF kama sauti ya wanaokandamizwa na wale walioathiriwa na utawala wa wazungu nchini Afrika Kusini.
"Tunapowatetea waliokandamizwa, tunashambuliwa," alisema. "Lakini hakuna mtu atakayenifundisha mimi ni nani."
Julius Malema aliwasihi Waafrika Kusini kutoogopa sheria, akisisitiza kwamba uwajibikaji unawahusu wote. Alishutumu vikosi visivyotajwa kwa kujaribu kudhoofisha uhuru na Katiba ya Afrika Kusini, wanaotaka kuwatenga watu weusi na kufuta utambulisho wa Mwafrika.
"Sisi ni Waafrika. Ardhi hii ni ya watu wetu," alisema, akiongeza kuwa watu weusi lazima wawezeshwe mawazo na kujiamini. Alisisitiza kwamba ingawa EFF ilikuwa na mizizi katika utambulisho wa Waafrika weusi, haki za wachache pia zilikuwa muhimu.
"Uhuru wa kiuchumi utakuja kwa sababu heshima ya watu weusi ni muhimu," alisema, akionya dhidi ya matamshi matupu ya mapinduzi na kusisitiza kwamba mabadiliko halisi yanahitaji kubadilisha nafasi ya mifumo isiyo ya haki. "Mabadiliko yanakuja."
Malema pia alimkosoa Rais wa Marekani Donald Trump, akimshutumu kwa kuvuruga taasisi na kudhoofisha sheria za kimataifa. Alikataa shutuma za ubaguzi wa rangi dhidi ya EFF.
"Sisi si wabaguzi wa rangi. Ubaguzi wa rangi ni adui yetu," alisema, akiongeza kuwa utandawazi unajumuisha watu wa rangi zote. Aliahidi kwamba EFF itawatetea Waafrika Kusini weupe wanaoheshimu nchi, huku akisisitiza kwamba historia na ukandamizaji haviwezi kupuuzwa
