SoC01 Kagera: Jitihada za kuleta Maendeleo na kuondoa Umasikini uliokithiri

Mutarubukwa · 2021-09-03T17:08:16+00:00

MAENDELEO NA KAGERA Dhana ya maendeleo watu wengi huitafakari tofauti kabisa. Wataalamu wengi husema maendeleo ni ile hali ya kutoka kwenye hali duni kwenda kwenye hali bora( hali yenye unafuu kuliko ya awali) Watu wengine hudhani maendeleo ni mfano kupatikana kwa umeme, barabara safi tena za lami, upatikanaji wa maji safi na salama hasahasa yale maji ya bomba,hospitali nzuri n.k Wote wako sahihi. lakini leo ebu kidogo tujikite kidogo kwenye maendeleo yahusuyo kipato cha mtu mmoja mmoja yaani maendeleo ya kiuchumi tuaachane kidogo na maendeleo ya kijamii. Mimi naamini zaidi sana mtu akiniambia sehemu fulani imeendelea asinionyeshe majengo mazuri,barabara,hospitali tu bali twende zaidi katika kuangalia maendeleo ya mtu mmoja mmoja hasa kiuchumi(economic development). Mkoa wa Kagera ni kati ya mikoa mitatu duni zaidi kwa mujibu wa ripoti ya serikali ya mwaka 2016, japokuwa mwaka 2018 ripoti hiyo iliusogeza mbele kidogo. Nimekuwa nikifatilia kwa karibu maisha ya watu,mienendo,tamaduni nimegundua kuna vitu ambavyo vinachangia mkoa huu kuwa nyuma na pia kuendelea kurudi nyuma siku zinavyosonga. Sababu hizo ni kama ifuatavyo 1. ARDHI Swala la umilikaji Ardhi mkoani Kagera ni kizungumkuti.Tokea enzi na enzi mkoa huu umekuwa chini ya Nyarubanja. Hii system ya kiuchumi imepitwa na wakati na haifai kuendelea kutumika kwa sasa. Mfumo huu huusisha mzee wa ukoo kumilika ardhi ambayo uwagawia wanae wote, baadae wanae pia upata watoto na kuwagawia pia,baadae uenda hivo mpaka vitukuu. Mfano fikilia mzee wa ukoo labda alimiliki hekari 20 ,akazaa watoto 20,kila mtoto atapata takribani hekari moja, na haohao watoto wakipata watoto wao ,ebu tuseme kila mmoja apate watano,ataendelea kuwagawia hekari moja ileile na baadae hao watoto wataigawa tena kwa watoto wao tena. Inawezekana mzee aliyekuwa na hekari 20,saa hizi kitukuu atamiliki kitaru tu Nini kifanyike? Kutokana kwa mkoa wa Kagera bado takribani asilimia 80 ya ardhi yake haijakaliwa na watu ni bora serikali za vijiji kwa mamlaka zilizopewa kupitia wafikilie uwezekano wa aidha kuwauzia watu ardhi,kukodisha au kuwagawia kulingana na sheria ya ardhi inavyodai. Hapa simaanisha wauze au wagawe maeneo yote hapana maana kuna ardhi inabidi ibaki kwa vizazi vijavyo Lakini pia pesa itakayopatikana kutokana na uuzaji au ukodeshaji wa ardhi itumike kuendeleza huduma za kijamii. 2. Kilimo Ni ukweli usiopingika kwamba staili ya kilimo inayotumika mkoani kagera hasahasa Missenyi, Bukoba, Biharamulo na Muleba imepitwa na wakati, hapa sijaitaja Karagwe kwasababu angalau Karagwe wanajitahidi kidogo. Miaka ya 90 mpaka mwanzoni mwa miaka ya 2000,kilimo kilikuwa bora mkoani Kagera lakini baada ya kuingia mnyauko wa migomba pamoja na magonjwa ya kahawa kwa sasa kagera imefeli vibaya katika nyanja za kilimo. Mwanzoni mwa miaka ya 2000,watu walilima kwa trekta hasahasa zile za KCU leo hii watu wamerudi kwenye kilimo cha jembe la mkono, maeneo yakulima vimekuwa vibustani kutokana na mfumo wa nyarubanja. Nini kifanyike? Mapendekezo namba moja hapo juu Pili ziwepo tafiti za kilimo kuhusu kahawa na migomba Tatu, NGOs zijikite zaidi ktk kuelimisha juu ya mbinu bora za kitaalamu za kilimo biashara. 3. USAFIRI NA USAFIRISHAJI Kagera inaitaji barabara za lami,meli,viwanja vya ndege. Mpango wa Ujenzi wa Uwanja wa ndege wa kimataifa sio wa kuachwa. Kubwa kuliko Kagera inaitaji usafiri wa reli/treni. Usafiri wa reli/treni ndio usafiri bora zaidi na wa uwakika kwa nchi zetu hizi duni Naweza kueleweka vibaya nikisema bora meliisiwepo,uwanja wa ndege usiwepo ila kukawepo na reli naamini wengi hawatanielewa ila kusafirisha mzigo kwa reli kutoka dar es salaam mpaka bukoba inaweza kuwa sh10000 kwa mzigo ambao mtu atasafirisha kwa laki moja kwa bus. Lakini pia usafiri wa meli unaunganisha mkoa wa Kagera na Mwanza tu wakati Kagera inatakiwa kuungwa na mikoa mingine zaidi. Usafiri wa meli ni wa bei rahisi kweli lakini kwa treni ni bei rahisi zaidi uenda ata nauli ya kutoka bukoba mpaka Mwanza inaweza kuwa elfu 9 mpaka 10. 4. UHAMAJI WA WATU Mkoa wa kagera ni mkoa unaoandamwa na watu wanaoamia mikoa mingine kila uchao.Hii inapunguza nguvu kazi. Watu wanaenda mikoa mingine kutafuta mahitaji ya kijamii. Nahisi ni bora kuangalia uwezekanao wa kusogeza mahitaji hayo karibu. 5. KAHAWA NA MAZAO MBADALA Kahawa naiongelea mara mbili hapa .Nimeisha iongelea kwenye swala la kilimo. Kahawa ilikuwa kama madini kwa kagera. Lakini kwa sasa kilimo hiki kimekufa. Nini kifanyike? Napendekeza zifanyike tafiti za kutosha juu ya zao hili Pili wananchi wafundishwe juu ya kilimo cha kisasa Tatu, watafiti waje na mbege bora zinazoendana na mabadiliko ya tabia ya nchi Nne, yawepo mazao mbadala yanayoendana na hali ya Kagera. Napendekeza mazao yafuatayo: a) Katani hali ya hewa ya mkoa Kagera haipishani sana na Tanga na Morogoro, kwa iyo zao la katani linaweza kustawi kwa wingi mkoani Kagera na kuchangia katika maendeleo ya mkoa. b) Alizeti Licha ya kwamba zao la Arizeti ulimwa sehemu zenye upungufu wa mvua ila sio kwamba halistawi kwenye maeneo yenye mvua .Mfano zao hili linalimwa Moshi,Kilimanjaro japokuwa kwa uchache. c) Pamba d) Ufuta e) Karafuu n.k 6. BEI ZA BIDHAA Mkoani Kagera ni dhairi kwamba bei za bidhaa zipo juu sana. Nini kifanyike? Ujenzi wa reli utasaidia gharama za usafirishaji kuwa ndogo hivo bei zitashuka pili,Serikali iharakishe ushirikiano wa jumuiya ya africa mashariki ili biashara uria ifanyike kati ya Kagera na Uganda. 7. BEI YA PETROLI NA DIZEL Ni ukweli kwamba mkoani Kagera bei ya mafuta hiko juu sana.Bei ya mafuta ndo utabiri gharama za maisha ziwe juu au chini. Nini kifanyike? Ujenzi wa reli Pili ifanyike tathimini tena ili bei ya bidhaa hii adimu iwe chini kiasi 8. UWEKEZAJI Uwekezaji ktk mkoa kagera bado uko chini licha ya kuwepo rasilimali nyingi Nini kifanyike? Zitatuliwe changamoto zoto nilizozielezea hapo juu ili kuvutia wawekezaji 9. UVUVI Hii ni kazi nyingine muhimu mkoani Kagera laikin bado uvuvi uko chini sana ukilinganisha na Mwanza. Nini kifanyike? Taasisi za kiserikali na zisizo za kiserikali ziwaelimishe wqananchi juu ya uvuvi wa kisasa. Pia changamoto za usafiri na usafirishaji zitatuliwe

Thread starter Mutarubukwa
Start date Sep 3, 2021
Tags

bukoba kagera maendeleo umasikini

Stories of Change - 2021 Competition

Mutarubukwa

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

SoC01 Kagera: Jitihada za kuleta Maendeleo na kuondoa Umasikini uliokithiri

Mutarubukwa

New Member

Our Community

Regional Communities