Kiongozi wa Wiper Patriotic Front, Kalonzo Musyoka, ameweka mezani ajenda yake ya vipengele 13 anayoita “People’s Budget”, mwaka mmoja kabla ya uchaguzi mkuu wa 2027.
Kalonzo amesema mpango huo ni mbadala wa Vision 2026 ya Rais William Ruto, akisisitiza kuwa Kenya haihitaji “kubadilisha jina” bali serikali inayotekeleza ahadi zake kwa wananchi.
Kalonzo amesema mpango huo ni mbadala wa Vision 2026 ya Rais William Ruto, akisisitiza kuwa Kenya haihitaji “kubadilisha jina” bali serikali inayotekeleza ahadi zake kwa wananchi.
- Afya kwa wote – mfumo wa afya unaofanya kazi na unaopatikana kwa wananchi.
- Elimu bora bila malipo – kuanzia ECD hadi elimu ya juu.
- Ajira na mishahara inayostahili – kuongeza nafasi za ajira na kuboresha kipato cha wafanyakazi.
- Usalama wa chakula – kuimarisha kilimo na kuhakikisha chakula kinapatikana kwa bei nafuu.
- Mfumo wa kodi wenye haki – kupunguza mzigo kwa Wakenya wa kipato cha chini.
- Utawala wa kikatiba – kulinda Katiba na taasisi huru.
- Ugatuzi – kuimarisha kaunti na kuhakikisha rasilimali zinafika mashinani.
- Uwezeshaji wa vijana na wanawake – kuongeza fursa za kiuchumi na kijamii.
- Nyumba na miundombinu – kuboresha makazi na miundombinu ya taifa.
- Ulinzi wa mazingira – kuweka mazingira na mabadiliko ya tabianchi kwenye ajenda ya serikali.
- Vita dhidi ya ufisadi – kuimarisha uwajibikaji na kukomesha ufisadi.
- Umoja na maridhiano ya kitaifa – kujenga mshikamano wa kitaifa.
- Maendeleo yenye kuzingatia wananchi – serikali inayotekeleza ahadi na kuweka mahitaji ya wananchi mbele
