Mwaka 2002 nikiwa bado yanki wa chekechea tu nina miaka yangu saba nilikuwa na katabia kamoja matata sana.
Wazee wangu wanapotoka then wananiambia nibaki nilikuwa nakubali then nawafuatilia nyuma wakifika mbali sana najitokeza kwa vile ni mbali wanakosa jinsi inabidi twende wote tu.
Tulikuwa tunaishi ubungo msewe kwa chini kidogo,kwenye lile ghorofa la Tanesco lililovunjwa,ukivuka barabara na kuteremkia bondeni,unavuka mto kisha ukupandisha unakutana na uwanja wa mpira,kushoto mwa uwanja kuna makaburi na katikati ya makaburi kuna njia ndogo ya mkato.
Mandhari ya eneo la makabuli,kulia kuna nyumba mbili ama tatu hivi zimejengwa kuzunguka makaburi,kuna vichaka vya maua na miti ya vivuli,kushoto kuna nyumba moja kubwa ya kifahari,miti ya maua na vivuli inakutana katikati ya njia,njia hii ina ukubwa wa hatua mbili hivi za mtu mzima,kingo zake zimepandwa maua,njia inayagawa makaburi katika sehemu mbili zilizo sawia.
Miti hii kwa juu imeshonana kiasi na kufanya njia iwe mfano wa barabara zinazotobolewa katikati ya mwamba au mlima(Tunel)sehemu ya kuingilia imepambwa kwa maua na kuwa kama mlango wa pango hivi sawia na upande wa pili wa kutokea eneo hili(ilichagizwa na maua yanayotambaa kama mapesheni siyajua jina lake maua yametambaa juu ya miti)
Basi hiyo siku nimeona wazazi wangu wanajiandaa kutoka kwenda kwenye harusi ,Mikocheni na sijataarifiwa na mimi nijiandae,nikaelewa! Nikachukua nguo nzuri(mayanki wa kipindi hiko wanaelewa maana ya nguo nzuri) nikazificha nje pamoja na viatu,nikawangojea watoke na mimi nikatoka,nikavaa chap na kuamza kuwafuata nyuma,huo muda ilikuwa saa mbili usiku kuelekea saa tatu.
Nikiwa nimewaacha umbali wa kama hatua kumi hivi,mwendo wa dakika tano tu ulitosha kutufikisha eneo la makaburi,nikasimama na kuwaacha waingie kuvuka nikawahesabia timing kuwa washavuka na mimi ndio nikaanza kuvuka.
Kwa vile nyumba zile tatu hazikuwa mbali sana mwanga wa taa uliangazia kidogo sana eneo hili,nikaanza kupiga hatua,harufu kali ya marashi ambayo hadi leo sijawahi kuyasikia niliyasikia vizuri sana,ile kutupa macho mbele namuona msichana mburushi,sijui mwarabu kasimama tuli pembeni ya njia ananiangalia ninavyozidi kumkaribia.
Nywele zake zilikuwa ni nyeusi na ndefu karibia kugusa kiuno,gauni jeusi lenye mng'ao hafifu,midomo ilikuwa na lipstick nyekundu,macho makubwa meupe na alikuwa amefumbata mikono yake kwa kuipishanisha kifuani kama wafanyavyo mabosi wengi wa mjini.
Kiroja kikaanzia hapa,kadiri navyomkaribia naye alikuwa anaongezeka urefu,wakati alikuwa mfupi kiasi lakini hadi namfikia ili nimpite tayari asingeweza hata kupita mlangoni labda kwa kuinama kidogo.
Nikamfikia na kumsalimia shikamoo,akaitikia mar habaaaa,wakati huo nimegeuza shingo juu kumtazama naye alinitazama,baada ya kumpita na na kumwacha hatua kama tano hivi,hizo mbio nilizotoka nazo kwakweli sikumbuki kuwahi kuzikimbia mbio kama zile.
Nikaliacha eneo la makaburi na kuteremka bondeni,nikavuka kidaraja na kupandisha barabarani,nikawasili kituoni(hiki kituo kwa mbele ndio unatazamana na jengo la Tanesco lililovunjwa,ile kutazama huku na huko wazee siwaoni na watu ni wengi,kiasi kwamba watu wakaamza kuhisi nimepotea wakataka wanishike wanihoji vizuri,nikawaponyoka nikashusha bondeni ili nirudi nyumbani.
Hatimaye nikafika eneo la makaburi,nikasimama nikijishauri kupita,moyo wangu uligoma,ulikataa katakata na hapo inaelekea saa nne na nusu usiku,nilichokifanya ni kuzunguka njia ndefu kwelikweli,nilitumia lisaa na nusu kuzunguka wakati kama ningekatiza makaburini ingekuwa safari ya dakika kumi tu!
Sent using
Jamii Forums mobile app