Kwa mujibu wa mafundisho ya dini ya Kiislamu mwanaume kuoa mwanamke zaidi ya mmoja ni Sunna ya Mtume Muhammad. Na inatajwa kwamba mwanamke anae mruhusu mume wake kuoa mke wa pili anapata thawabu nyingi sana na ana nafasi ya pekee peponi. Lakini katika maisha halisi suala hili linaonekana kutokuwa na uhalisia mionhoni mwa wanawake wa Kiislamu kwa sababu wengi wao wana onekana kuchukizwa sana na ndoa za mitaala..
Kwenye habari zinazo husu ndoa za mitaala, wanawake wa Kiislamu wamekuwa wakitoa komenti zinazo onyesha kwamba wanachukizwa na ndoa hizo. Na hata wale wanao kubali wengi wao huwa wanakubali kishingo upande na uhamishia vita kwenye ulimwengu wa rohoni ambako huenda kuwaroga wake wenzao wahatibikiwe. Na kweli hata watoto wengi wanao zaliwa kwenye mitaala huwa hawana upendo na ndugu zao wa mama mwingine na wengi huishia kurogana na mwisho wa siku wengi wao huishia kuwa na maisha magumu.. Hata kwenye suala la mirathi huwa unatokea ugomvi mkubwa sana baina ya watoto hao...
Je walio tunga misaafu ba hadithi hawakuwa wanajua kuhusu saikolojia ya wanawake kwenye mahusiano/ndoa? Hawakuwa wanajua kwamba wanawake wengi hawawezi kukubaliana na suala la ndoa za mitaala?
View attachment 3611662
Unauliza kwa nini Uislamu unaruhusu mitala ilhali wanawake wengi hawaipendi. Swali la kwanza ni hili:
Je, ukweli wa dini unapimwa kwa hisia za watu au kwa ufunuo wa Mungu?
Biblia yako inaonyesha wazi kwamba watumishi wengi wa Mungu walikuwa na wake wengi.
Genesis 16:1–4: Ibrahimu alikuwa na Sara na Hajiri.
Genesis 29–30: Yakobo alikuwa na Lea, Raheli, Bilha na Zilpa.
2 Samuel 5:13: Daudi aliongeza wake na masuria.
1 Kings 11:3: Sulemani alikuwa na wake wengi.
Je, hao wote walikuwa wanatenda dhambi?
Zaidi ya hapo, Mungu mwenyewe anamwambia Daudi:
"Nilikupa nyumba ya bwana wako, na wake za bwana wako mikononi mwako... na kama hayo hayakutosha ningekuzidishia zaidi." (2 Samweli 12:8)
Kwa hiyo usidai kwamba mitala ni jambo ambalo Mungu hakuwahi kulikubali.
Sasa kuhusu wanawake kutopenda mitala. Biblia pia inaonyesha wazi kuwa hata wake wa Yakobo walikuwa na wivu na ushindani (Mwanzo 29–30).
Hilo halikuwa kosa la sheria ya Mungu bali ni sehemu ya tabia ya kibinadamu. Vivyo hivyo watoto wa Yakobo waligombana hadi ndugu wakamuuza Yusufu utumwani. Je, hilo linaifanya Biblia ifundishe kwamba ndoa za Yakobo zilikuwa batili?
Uislamu haujaamuru kila mwanaume aoe wake wengi. Umeruhusu mpaka wanne kwa sharti la uadilifu:
"Oeni wawili, watatu au wanne; lakini mkihofia kutoweza kufanya uadilifu, basi mmoja tu." (Qur'an 4:3)
Na Qur'an pia inasema:
"Hamtaweza kuwa waadilifu kabisa baina ya wake zenu hata mkipenda..." (Qur'an 4:129)
Ndiyo maana Waislamu wengi wana mke mmoja. Mitala ni ruhusa, si wajibu wala Sunna ya lazima.
Kwa hiyo hoja yako ina tatizo. Kama unapinga mitala kwa sababu inaleta wivu na migogoro, basi lazima kwanza ukatae Ibrahimu, Yakobo, Daudi na watumishi wengine wa Mungu waliokuwa na wake wengi katika Biblia yako. Ukikubali kwamba Mungu aliwaruhusu, basi huwezi kusema mitala yenyewe ndiyo ushahidi wa uongo wa Uislamu.
Tatizo si mitala; tatizo ni tabia ya watu na kutotekeleza haki. Hilo ndilo Biblia na Qur'an zote mbili zinaonyesha.
