- Tunachokijua
- Akili Unde (AI) ni seti ya teknolojia zinazoiwezesha kompyuta kutekeleza majukumu mbalimbali ya kina na kwa uwezo mkubwa kadri ya maelekezo ya mtumiaji, ikiwa ni pamoja na uwezo wa kuona, kuelewa na kutafsiri lugha inayozungumzwa na maandishi, kuchanganua data, kutengeneza picha na video na kutoa mapendekezo ya utatuzi wa matatizo mbalimbali.
Aidha teknolojia hii imekuwa muhimu katika kurahisisha ufanisi wa shughuli za kila siku na hii ni pindi tu inapotumika kwa nia iliyo njema, lakini inapotumiwa kwa nia ovu huweza kusababisha madhara makubwa kwa watu, mathalani uwepo wa taarifa potofu unachangiwa pia na teknolojia hii ambayo watu hutumia kutengeneza na kusambaza taarifa zisizo sahihi mfano picha, sauti, na video.
Katika kujenga uwezo wa kumuwezesha kila mmoja kutambua maudhui yaliyotengenezwa kwa teknolojia hiyo ili kuepuka upotoshaji, wadau wa JamiiCheck walishiriki kuthibitisha picha mbili kwa kubainisha iliyotengenezwa na sababu halisi zinavyodhihirisha uhalisia huo.
Uhalisia wa picha
Muonekano wa picha zote mbili unaonesha kufanana au kuelekeana kwa kiwango kikubwa. Lakini unafahamu kuwa teknolojia ya akili unde inaweza kutumika kutengeneza au kubadili sehemu ya picha halisi na hata kusababisha kupotosha uhalisia.
Picha iliyopewa herufi 'B' pamoja na kuwa na muonekano unaofanana na picha 'A' bado mapungufu kadhaa yanayokinzana na uhalisia jambo linaloashihirisha kuhusika kwa Akili Unde katika picha 'B'.
Sehemu ya mapungufu hayo ni pamoja na uwepo wa nyumba zenye urefu usio wa kawaida ambapo zinaonesha sehemu ya paa pasipo ukuta kama nyingine zinavyoonekana, maumbo ya magari yasiyo ya kawaida pamoja na usahihi wa vimvuli ukilinganishana Picha 'A'
Aidha picha 'A' ni halisi na ndiyo iliyotumika kutengeneza picha 'B' kupitia akili unde. Kupitia utafutaji wa picha wa Google reverse image search picha hiyo ilichapishwa mtandaoni mnamo Januari 21, 2020 katika tovuti ya WIKIMEDIA COMMONS, ikionesha mandhari ya barabara ya Mbalizi - Mbeya.
