Waufukweni
JF-Expert Member
- May 16, 2024
- 5,383
- 18,776
Waziri wa Maji, Jumaa Aweso amesema iko siku tatizo la Maji litakuwa historia nchini kutokana na ongezeko la bajeti.
Akizungumza jana Desemba 17, kuhusu hali ya upatikanaji wa maji, Aweso amesema miradi ya maji imekuwa ikikabiliwa na changamoto ya uhaba wa fedha, hali iliyosababisha Serikali kuongeza bajeti ya sekta hiyo ili kuhakikisha wananchi wengi zaidi wanapata huduma ya maji safi na salama.
Ameeleza kuwa kati ya vijiji 12,318 vilivyokusudiwa kufikiwa na miradi ya maji, hadi sasa vijiji 10,570 tayari vimepata huduma hiyo kupitia Wakala wa Maji na Usafi wa Mazingira Vijijini (RUWASA), huku vijiji takribani 1,500 vikiwa bado havijafikiwa.
Soma: Jumaa Aweso: Changamoto ya maji Dar ni kipindi cha mpito
Kwa mujibu wa Aweso, Serikali ina mpango wa kukamilisha vijiji vilivyosalia ndani ya kipindi cha miaka mitano ijayo, akibainisha kuwa tayari kuna mitambo ya kuchimba visima na mabwawa, hivyo hakuna sababu ya kushindwa kukamilisha miradi hiyo.
Katika maeneo ya mijini, Waziri Aweso amesema Serikali imeanzisha mpango maalum wa miji 28 kwa ajili ya kuboresha huduma ya maji katika miji ambayo bado haijafikiwa kikamilifu. Amefafanua kuwa zaidi ya dola za Kimarekani milioni 500 zimetengwa kwa ajili ya utekelezaji wa mpango huo, na kwamba miradi hiyo inatarajiwa kuanza rasmi mwezi wa pili baada ya kuzinduliwa.
Aidha, Aweso amesema dira ya Wizara ya Maji ni kupanua majukumu yake zaidi ya maji ya kunywa na kuelekeza nguvu kwenye mchango wa maji katika kukuza uchumi wa taifa. Ameeleza kuwa sekta za kilimo cha umwagiliaji na viwanda zinahitaji maji kwa kiwango kikubwa, jambo linaloifanya Serikali kuunganisha vyanzo vikubwa vya maji kupitia mpango wa kitaifa wa miundombinu ya maji (National Grid).
Ikumbukwe kuwa mwaka 2011, aliyekuwa mgombea urais kwa tiketi ya Chama Cha Mapinduzi (CCM), Rais Mstaafu, Jakaya Kikwete, alisema tatizo la maji mkoani Dar es Salaam lingebaki kuwa historia kuanzia mwaka mmoja ujao, baada ya Serikali kuweka mikakati kabambe ya kuongeza vyanzo vya maji ili kukidhi mahitaji ya wakazi wa jiji hilo. Alitoa kauli hiyo jijini Dar es Salaam wakati wa mikutano yake ya kampeni iliyofanyika katika maeneo ya Kiwalani, Kitunda na Mwembe Yanga.
Kikwete alisema wakati huo vyanzo vya maji vya Ruvu Juu na Ruvu Chini vilikuwa vikizalisha lita 150,000 kwa siku, kiasi ambacho hakikutosheleza mahitaji ya jiji yaliyofikia lita 360,000 kwa siku kutokana na ongezeko la watu. Alieleza kuwa Serikali ilikuwa ikiendelea kupanua chanzo cha Ruvu Chini kwa msaada wa Marekani, pamoja na kugunduliwa kwa chanzo kipya cha maji Kimbiji kupitia utafiti wa wataalamu wa Norway, ambacho kingezalisha lita 260,000 kwa siku na hivyo kukidhi mahitaji ya maji ya Dar es Salaam.
Mwaka huo huo, Machi 15, tatizo la maji Dar es Salaam lilielezwa kuwa lingeweza kubaki historia ndani ya kipindi cha miaka minne baada ya Serikali kuidhinisha kuanza kwa Mradi wa Kitaifa wa Maji Dar es Salaam wenye thamani ya shilingi bilioni 654. Mradi huo ulihusisha ukarabati wa mitambo ya maji, utafutaji wa vyanzo vipya vya maji, utandazaji wa mabomba mapya, ujenzi wa mitambo ya kusafisha majitaka pamoja na ulipaji wa fidia kwa wananchi waliokuwa wakiathirika.
Waziri wa Maji wakati huo, Profesa Mark Mwandosya, alisema utekelezaji wa mradi huo ulikuwa sehemu ya jitihada za kutekeleza ahadi ya Rais Jakaya Kikwete ya kumaliza tatizo la maji Dar es Salaam kabla ya kumaliza muda wake wa uongozi.
Profesa Mwandosya alieleza kuwa asilimia 80 ya fedha za mradi huo zingetolewa na Serikali, kiasi cha shilingi bilioni 526, huku washirika wa maendeleo wakichangia shilingi bilioni 128. Alifafanua kuwa mradi huo ulijumuisha uchimbaji wa visima virefu Kimbiji na Mpera, ujenzi wa bwawa la Kidunda, upanuzi wa mitambo ya Ruvu Juu na Ruvu Chini pamoja na ujenzi wa vituo vya kisasa vya kusafisha majitaka katika maeneo ya Msimbazi, Mbezi Beach na Kurasani, huku mradi huo ukitarajiwa kukamilika Desemba 2013 na kunufaisha wakazi wa Dar es Salaam.
Pia, tatizo la upatikanaji wa maji jijini Dar es Salaam lilielezwa kuwa linaelekea kuwa historia kufuatia kuendelea kwa ukarabati na upanuzi wa mitambo ya maji ya Ruvu Juu na Ruvu Chini mkoani Pwani. Hayo yalibainishwa Machi 12, 2014 wakati Timu ya Ukaguzi wa Miradi ya Maendeleo kutoka Ofisi ya Rais, Tume ya Mipango, ilipofanya ziara ya kukagua maendeleo ya utekelezaji wa miradi hiyo, ambayo inalenga kuongeza uzalishaji na usambazaji wa maji kwa wakazi wa jiji hilo na maeneo jirani.
Katika ziara hiyo, wataalamu wa ukaguzi walikagua mitambo mipya, mabomba makubwa yenye uwezo wa kusafirisha lita milioni 360 za maji kwa siku pamoja na kazi za ulazaji wa mabomba kutoka Mtambo wa Ruvu Chini hadi kwenye tanki la kuhifadhia maji lililopo Chuo Kikuu cha Ardhi.
Ilielezwa kuwa mabomba yalikuwa tayari yameshalazwa kwa umbali wa kilomita 29 kati ya kilomita 55 zilizopangwa, huku kazi hiyo ikitarajiwa kukamilika mwezi Juni mwaka huo, hatua inayotarajiwa kuimarisha huduma ya maji na kupunguza kwa kiasi kikubwa kero ya uhaba wa maji jijini Dar es Salaam.
Vilevile, Aprili 30, 2016, Serikali iliwahakikishia wakaazi wa jiji la Dar es Salaam kuwa ilikuwa inachukua hatua za kutatua tatizo la uhaba wa maji jijini humo, na kwamba tatizo hilo lilitarajiwa kuwa historia siku za usoni. Kwa mujibu wa gazeti la The Citizen, Naibu Waziri wa Maji na Umwagiliaji wakati huo, Bw. Issack Kamwelwe, alisema Serikali ilikuwa imeanzisha mradi maalum wa kuimarisha usambazaji wa maji katika maeneo ya jiji yaliyokuwa yakikumbwa na uhaba mkubwa wa huduma hiyo.
Kamwelwe alieleza kuwa mradi huo ulikuwa na thamani ya dola za Marekani milioni 32.9 na ulitarajiwa kukamilika Aprili 2017, ukihusisha uboreshaji na uingizwaji wa mabomba ya zamani pamoja na uwekaji wa mabomba mapya katika maeneo ambayo hayakuwa yamefikiwa awali. Alitaja maeneo yatakayonufaika na mradi huo kuwa ni pamoja na Bagamoyo, Mpiji, Bunju, Mabwepande, Boko, Bweni, Tegeta, Ununio, Wazo, Salasala, Kizundi, Matosa, Mbezi Juu, Goba, Changanyikeni, Makongo, Kiluvya, Kibamba, Mbezi, Msakuzi, Makabe, Malamba Mawili na Msigali.
Aidha, Waziri Mkuu mstaafu, Kassim Majaliwa, Julai 30, 2017 alisema Serikali ilikuwa imejipanga kumaliza tatizo la upatikanaji wa maji safi na salama nchini kupitia kampeni ya Rais wa awamu ya tano, Dkt. John Magufuli ya kumtua mama ndoo, ambapo wananchi walitarajiwa kupata huduma hiyo katika umbali usiozidi mita 400 kutoka makazi yao.
Alisema Mkoa wa Mbeya ulitengewa shilingi bilioni 10.383 kwa ajili ya utekelezaji wa miradi ya maji, kati ya fedha hizo shilingi bilioni 2.72 zikitengwa kwa wilaya ya Rungwe, huku mradi wa maji wa Masoko wenye thamani ya shilingi bilioni 5.3 ukitarajiwa kunufaisha wananchi wapatao 19,624 katika vijiji 15 vya wilaya hiyo.
Aidha, Majaliwa aliwataka wananchi kuzingatia sheria ya mazingira kwa kulinda vyanzo vya maji ndani ya mita 60, na kuwaagiza watendaji kuchukua hatua dhidi ya wote waliokiuka sheria hiyo, akisisitiza kuwa Serikali isingeruhusu uharibifu wa mazingira unaosababisha ukame kuendelea.
Pia Januari 22, 2018, Idara ya Maelezo ilichapisha habari iliyosema kuwa tatizo la maji Dar es Salaam na Pwani lilikuwa linaanza kubaki historia, baada ya utekelezaji wa Mradi wa Uboreshaji na Usambazaji wa Maji kufikia asilimia 72.2, huku ukitarajiwa kukamilika Februari mwaka huo. Taarifa hiyo ilitolewa wakati wa ziara ya Kamati ya Kudumu ya Bunge ya Maji, Mifugo na Kilimo iliyoongozwa na Kaimu Mwenyekiti wake, Emmanuel Papian, kwa lengo la kukagua miradi iliyokuwa ikitekelezwa na DAWASA na DAWASCO.
Akizungumza wakati wa ziara hiyo, Papian alisema Kamati yake iliridhishwa na utekelezaji wa mradi huo ambao ulilenga kuondoa changamoto ya upatikanaji wa maji kwa wananchi katika maeneo mbalimbali yakiwemo Salasala, Bunju, Wazo, Makongo, Mpiji, Zinga, Ukuni, Buma, Mataya, Mbezi Luis, Msakuzi, Makabe, Malamba Mawili pamoja na maeneo yote yaliyokuwa yakipata maji kupitia mtambo wa Ruvu Juu.
Kwa upande wake, Mwenyekiti wa Bodi ya Wakurugenzi ya DAWASA, Bw. Laston Msongole, alisema dhamira ya mamlaka hiyo ilikuwa kufikisha huduma ya maji katika maeneo yote yasiyokuwa na huduma hiyo, ikiwemo Wilaya ya Kigamboni, huku Kaimu Afisa Mtendaji Mkuu wa DAWASA, Mhandisi Romanus Mwangingo, akibainisha kuwa mradi huo ulihusisha ujenzi wa matenki tisa, ununuzi wa pampu 16 kubwa, ufungaji wa transfoma na ulazaji wa mabomba yenye urefu wa kilomita 477, mradi uliokuwa umeanza Machi 2016 na kunufaisha wakazi wa Dar es Salaam na Pwani.
Hata hivyo, Julai 23, 2021, Waziri Mkuu Kassim Majaliwa alisema Serikali ya Awamu ya Sita inayoongozwa na Rais Samia Suluhu Hassan imedhamiria kumaliza tatizo la upatikanaji wa maji safi na salama katika vijiji vyote nchini, ikiwemo wilaya ya Ruangwa, Lindi. Alisema suala la maji ni kipaumbele cha Serikali katika awamu hiyo na miradi ya maji itaboreshwa ili kuhakikisha kila eneo linapata huduma ya uhakika. Kauli hiyo alitoa wakati akizungumza na wananchi katika mikutano ya hadhara katika vijiji vya Mpara, Mtimbo, Mmawa, Chikoko, Chinokole na Kilimahewa, akiwahimiza kuendelea kuamini Serikali kwa sababu imedhamiria kuwatumikia.
Waziri Mkuu alibainisha kuwa Serikali inatekeleza mradi mkubwa wa maji wa Mbwinji, unaotoa maji kutoka Ndanda hadi Ruangwa, ambao unatarajiwa kupunguza kwa kiasi kikubwa kero ya upatikanaji wa maji wilayani humo. Aidha, alisema Serikali pia imedhamiria kusambaza umeme katika vijiji vyote ambavyo bado havijaunganishiwa, akibainisha kuwa gharama za kuunganishiwa umeme ni shilingi 27,000 tu, na kwamba fedha za kutosha zimetengwa ili kila nyumba ya Mtanzania ipate huduma hiyo kwa gharama nafuu.
Zaidi ya hayo, Septemba 21, 2021, alisema Rais Samia ameweka mikakati madhubuti ya kumaliza tatizo la upatikanaji wa maji safi na salama katika vijiji vyote nchini, ikiwemo wilaya ya Bukoba mkoani Kagera. Kauli hiyo alitoa wakati akizungumza na wananchi katika kata ya Kemondo baada ya kukagua ujenzi wa mradi wa maji wa Kemondo-Maruku, akisisitiza kuwa Serikali inaendelea kutekeleza kampeni ya kumtua mama ndoo kichwani ili huduma ya maji ipatikane karibu na wananchi na kuwarahisishia wanawake na vijana kushiriki shughuli za kijamii.
Kaimu Meneja wa RUWASA wilaya ya Bukoba, Mhandisi Evaristo Mgaya, alisema mradi huo unalenga kutatua changamoto ya upatikanaji wa maji katika kata tano za Bukoba na kata moja ya Muleba, ambapo awamu ya kwanza inahusisha ujenzi wa tanki la lita milioni tatu na kulaza mabomba ya kusambazia maji kwa gharama ya shilingi bilioni 6.8, mradi unaotarajiwa kunufaisha wananchi 117,461.
Akizungumza jana Desemba 17, kuhusu hali ya upatikanaji wa maji, Aweso amesema miradi ya maji imekuwa ikikabiliwa na changamoto ya uhaba wa fedha, hali iliyosababisha Serikali kuongeza bajeti ya sekta hiyo ili kuhakikisha wananchi wengi zaidi wanapata huduma ya maji safi na salama.
Ameeleza kuwa kati ya vijiji 12,318 vilivyokusudiwa kufikiwa na miradi ya maji, hadi sasa vijiji 10,570 tayari vimepata huduma hiyo kupitia Wakala wa Maji na Usafi wa Mazingira Vijijini (RUWASA), huku vijiji takribani 1,500 vikiwa bado havijafikiwa.
Soma: Jumaa Aweso: Changamoto ya maji Dar ni kipindi cha mpito
Kwa mujibu wa Aweso, Serikali ina mpango wa kukamilisha vijiji vilivyosalia ndani ya kipindi cha miaka mitano ijayo, akibainisha kuwa tayari kuna mitambo ya kuchimba visima na mabwawa, hivyo hakuna sababu ya kushindwa kukamilisha miradi hiyo.
Katika maeneo ya mijini, Waziri Aweso amesema Serikali imeanzisha mpango maalum wa miji 28 kwa ajili ya kuboresha huduma ya maji katika miji ambayo bado haijafikiwa kikamilifu. Amefafanua kuwa zaidi ya dola za Kimarekani milioni 500 zimetengwa kwa ajili ya utekelezaji wa mpango huo, na kwamba miradi hiyo inatarajiwa kuanza rasmi mwezi wa pili baada ya kuzinduliwa.
Aidha, Aweso amesema dira ya Wizara ya Maji ni kupanua majukumu yake zaidi ya maji ya kunywa na kuelekeza nguvu kwenye mchango wa maji katika kukuza uchumi wa taifa. Ameeleza kuwa sekta za kilimo cha umwagiliaji na viwanda zinahitaji maji kwa kiwango kikubwa, jambo linaloifanya Serikali kuunganisha vyanzo vikubwa vya maji kupitia mpango wa kitaifa wa miundombinu ya maji (National Grid).
Ikumbukwe kuwa mwaka 2011, aliyekuwa mgombea urais kwa tiketi ya Chama Cha Mapinduzi (CCM), Rais Mstaafu, Jakaya Kikwete, alisema tatizo la maji mkoani Dar es Salaam lingebaki kuwa historia kuanzia mwaka mmoja ujao, baada ya Serikali kuweka mikakati kabambe ya kuongeza vyanzo vya maji ili kukidhi mahitaji ya wakazi wa jiji hilo. Alitoa kauli hiyo jijini Dar es Salaam wakati wa mikutano yake ya kampeni iliyofanyika katika maeneo ya Kiwalani, Kitunda na Mwembe Yanga.
Kikwete alisema wakati huo vyanzo vya maji vya Ruvu Juu na Ruvu Chini vilikuwa vikizalisha lita 150,000 kwa siku, kiasi ambacho hakikutosheleza mahitaji ya jiji yaliyofikia lita 360,000 kwa siku kutokana na ongezeko la watu. Alieleza kuwa Serikali ilikuwa ikiendelea kupanua chanzo cha Ruvu Chini kwa msaada wa Marekani, pamoja na kugunduliwa kwa chanzo kipya cha maji Kimbiji kupitia utafiti wa wataalamu wa Norway, ambacho kingezalisha lita 260,000 kwa siku na hivyo kukidhi mahitaji ya maji ya Dar es Salaam.
Mwaka huo huo, Machi 15, tatizo la maji Dar es Salaam lilielezwa kuwa lingeweza kubaki historia ndani ya kipindi cha miaka minne baada ya Serikali kuidhinisha kuanza kwa Mradi wa Kitaifa wa Maji Dar es Salaam wenye thamani ya shilingi bilioni 654. Mradi huo ulihusisha ukarabati wa mitambo ya maji, utafutaji wa vyanzo vipya vya maji, utandazaji wa mabomba mapya, ujenzi wa mitambo ya kusafisha majitaka pamoja na ulipaji wa fidia kwa wananchi waliokuwa wakiathirika.
Waziri wa Maji wakati huo, Profesa Mark Mwandosya, alisema utekelezaji wa mradi huo ulikuwa sehemu ya jitihada za kutekeleza ahadi ya Rais Jakaya Kikwete ya kumaliza tatizo la maji Dar es Salaam kabla ya kumaliza muda wake wa uongozi.
Profesa Mwandosya alieleza kuwa asilimia 80 ya fedha za mradi huo zingetolewa na Serikali, kiasi cha shilingi bilioni 526, huku washirika wa maendeleo wakichangia shilingi bilioni 128. Alifafanua kuwa mradi huo ulijumuisha uchimbaji wa visima virefu Kimbiji na Mpera, ujenzi wa bwawa la Kidunda, upanuzi wa mitambo ya Ruvu Juu na Ruvu Chini pamoja na ujenzi wa vituo vya kisasa vya kusafisha majitaka katika maeneo ya Msimbazi, Mbezi Beach na Kurasani, huku mradi huo ukitarajiwa kukamilika Desemba 2013 na kunufaisha wakazi wa Dar es Salaam.
Pia, tatizo la upatikanaji wa maji jijini Dar es Salaam lilielezwa kuwa linaelekea kuwa historia kufuatia kuendelea kwa ukarabati na upanuzi wa mitambo ya maji ya Ruvu Juu na Ruvu Chini mkoani Pwani. Hayo yalibainishwa Machi 12, 2014 wakati Timu ya Ukaguzi wa Miradi ya Maendeleo kutoka Ofisi ya Rais, Tume ya Mipango, ilipofanya ziara ya kukagua maendeleo ya utekelezaji wa miradi hiyo, ambayo inalenga kuongeza uzalishaji na usambazaji wa maji kwa wakazi wa jiji hilo na maeneo jirani.
Vilevile, Aprili 30, 2016, Serikali iliwahakikishia wakaazi wa jiji la Dar es Salaam kuwa ilikuwa inachukua hatua za kutatua tatizo la uhaba wa maji jijini humo, na kwamba tatizo hilo lilitarajiwa kuwa historia siku za usoni. Kwa mujibu wa gazeti la The Citizen, Naibu Waziri wa Maji na Umwagiliaji wakati huo, Bw. Issack Kamwelwe, alisema Serikali ilikuwa imeanzisha mradi maalum wa kuimarisha usambazaji wa maji katika maeneo ya jiji yaliyokuwa yakikumbwa na uhaba mkubwa wa huduma hiyo.
Kamwelwe alieleza kuwa mradi huo ulikuwa na thamani ya dola za Marekani milioni 32.9 na ulitarajiwa kukamilika Aprili 2017, ukihusisha uboreshaji na uingizwaji wa mabomba ya zamani pamoja na uwekaji wa mabomba mapya katika maeneo ambayo hayakuwa yamefikiwa awali. Alitaja maeneo yatakayonufaika na mradi huo kuwa ni pamoja na Bagamoyo, Mpiji, Bunju, Mabwepande, Boko, Bweni, Tegeta, Ununio, Wazo, Salasala, Kizundi, Matosa, Mbezi Juu, Goba, Changanyikeni, Makongo, Kiluvya, Kibamba, Mbezi, Msakuzi, Makabe, Malamba Mawili na Msigali.
Aidha, Waziri Mkuu mstaafu, Kassim Majaliwa, Julai 30, 2017 alisema Serikali ilikuwa imejipanga kumaliza tatizo la upatikanaji wa maji safi na salama nchini kupitia kampeni ya Rais wa awamu ya tano, Dkt. John Magufuli ya kumtua mama ndoo, ambapo wananchi walitarajiwa kupata huduma hiyo katika umbali usiozidi mita 400 kutoka makazi yao.
Alisema Mkoa wa Mbeya ulitengewa shilingi bilioni 10.383 kwa ajili ya utekelezaji wa miradi ya maji, kati ya fedha hizo shilingi bilioni 2.72 zikitengwa kwa wilaya ya Rungwe, huku mradi wa maji wa Masoko wenye thamani ya shilingi bilioni 5.3 ukitarajiwa kunufaisha wananchi wapatao 19,624 katika vijiji 15 vya wilaya hiyo.
Aidha, Majaliwa aliwataka wananchi kuzingatia sheria ya mazingira kwa kulinda vyanzo vya maji ndani ya mita 60, na kuwaagiza watendaji kuchukua hatua dhidi ya wote waliokiuka sheria hiyo, akisisitiza kuwa Serikali isingeruhusu uharibifu wa mazingira unaosababisha ukame kuendelea.
Pia Januari 22, 2018, Idara ya Maelezo ilichapisha habari iliyosema kuwa tatizo la maji Dar es Salaam na Pwani lilikuwa linaanza kubaki historia, baada ya utekelezaji wa Mradi wa Uboreshaji na Usambazaji wa Maji kufikia asilimia 72.2, huku ukitarajiwa kukamilika Februari mwaka huo. Taarifa hiyo ilitolewa wakati wa ziara ya Kamati ya Kudumu ya Bunge ya Maji, Mifugo na Kilimo iliyoongozwa na Kaimu Mwenyekiti wake, Emmanuel Papian, kwa lengo la kukagua miradi iliyokuwa ikitekelezwa na DAWASA na DAWASCO.
Akizungumza wakati wa ziara hiyo, Papian alisema Kamati yake iliridhishwa na utekelezaji wa mradi huo ambao ulilenga kuondoa changamoto ya upatikanaji wa maji kwa wananchi katika maeneo mbalimbali yakiwemo Salasala, Bunju, Wazo, Makongo, Mpiji, Zinga, Ukuni, Buma, Mataya, Mbezi Luis, Msakuzi, Makabe, Malamba Mawili pamoja na maeneo yote yaliyokuwa yakipata maji kupitia mtambo wa Ruvu Juu.
Kwa upande wake, Mwenyekiti wa Bodi ya Wakurugenzi ya DAWASA, Bw. Laston Msongole, alisema dhamira ya mamlaka hiyo ilikuwa kufikisha huduma ya maji katika maeneo yote yasiyokuwa na huduma hiyo, ikiwemo Wilaya ya Kigamboni, huku Kaimu Afisa Mtendaji Mkuu wa DAWASA, Mhandisi Romanus Mwangingo, akibainisha kuwa mradi huo ulihusisha ujenzi wa matenki tisa, ununuzi wa pampu 16 kubwa, ufungaji wa transfoma na ulazaji wa mabomba yenye urefu wa kilomita 477, mradi uliokuwa umeanza Machi 2016 na kunufaisha wakazi wa Dar es Salaam na Pwani.
Hata hivyo, Julai 23, 2021, Waziri Mkuu Kassim Majaliwa alisema Serikali ya Awamu ya Sita inayoongozwa na Rais Samia Suluhu Hassan imedhamiria kumaliza tatizo la upatikanaji wa maji safi na salama katika vijiji vyote nchini, ikiwemo wilaya ya Ruangwa, Lindi. Alisema suala la maji ni kipaumbele cha Serikali katika awamu hiyo na miradi ya maji itaboreshwa ili kuhakikisha kila eneo linapata huduma ya uhakika. Kauli hiyo alitoa wakati akizungumza na wananchi katika mikutano ya hadhara katika vijiji vya Mpara, Mtimbo, Mmawa, Chikoko, Chinokole na Kilimahewa, akiwahimiza kuendelea kuamini Serikali kwa sababu imedhamiria kuwatumikia.
Waziri Mkuu alibainisha kuwa Serikali inatekeleza mradi mkubwa wa maji wa Mbwinji, unaotoa maji kutoka Ndanda hadi Ruangwa, ambao unatarajiwa kupunguza kwa kiasi kikubwa kero ya upatikanaji wa maji wilayani humo. Aidha, alisema Serikali pia imedhamiria kusambaza umeme katika vijiji vyote ambavyo bado havijaunganishiwa, akibainisha kuwa gharama za kuunganishiwa umeme ni shilingi 27,000 tu, na kwamba fedha za kutosha zimetengwa ili kila nyumba ya Mtanzania ipate huduma hiyo kwa gharama nafuu.
Zaidi ya hayo, Septemba 21, 2021, alisema Rais Samia ameweka mikakati madhubuti ya kumaliza tatizo la upatikanaji wa maji safi na salama katika vijiji vyote nchini, ikiwemo wilaya ya Bukoba mkoani Kagera. Kauli hiyo alitoa wakati akizungumza na wananchi katika kata ya Kemondo baada ya kukagua ujenzi wa mradi wa maji wa Kemondo-Maruku, akisisitiza kuwa Serikali inaendelea kutekeleza kampeni ya kumtua mama ndoo kichwani ili huduma ya maji ipatikane karibu na wananchi na kuwarahisishia wanawake na vijana kushiriki shughuli za kijamii.
Kaimu Meneja wa RUWASA wilaya ya Bukoba, Mhandisi Evaristo Mgaya, alisema mradi huo unalenga kutatua changamoto ya upatikanaji wa maji katika kata tano za Bukoba na kata moja ya Muleba, ambapo awamu ya kwanza inahusisha ujenzi wa tanki la lita milioni tatu na kulaza mabomba ya kusambazia maji kwa gharama ya shilingi bilioni 6.8, mradi unaotarajiwa kunufaisha wananchi 117,461.
