Kericho: Mamia ya Vijana wajitokeza kutafuta kazi Duka la Nguo. Kenya iko sawa kweli?

[Ikariiah]

​

Picha na video kutoka mjini Kericho zimeibua mjadala kuhusu hali ya ajira nchini baada ya mamia ya vijana kujitokeza kutafuta kazi katika duka jipya la nguo la Wajosee Smart Wears.

Watu hao walijumuisha vijana, wahitimu wa vyuo vikuu na watu wenye taaluma mbalimbali. Baadhi walifika mapema alfajiri wakitumaini kupata nafasi ya kuajiriwa.

Tukio hilo limeibua maswali kuhusu idadi ya nafasi zilizokuwepo, ushindani katika soko la ajira na changamoto zinazowakabili Wakenya wanaotafuta kazi.

Je, tatizo kuu la ajira Kenya ni ukosefu wa nafasi za kazi, kutolingana kwa ujuzi na mahitaji ya soko, au mfumo wa uchumi ambao hautengenezi ajira kwa kasi inayohitajika?

Na je, Serikali, sekta binafsi na viongozi wa kisiasa wanapaswa kuwajibika vipi katika kutafuta suluhu?