Blessed Tajiri
JF-Expert Member
- Dec 16, 2023
- 284
- 870
Kwa taarifa zilizopo kwa kumulika kwelikweli na tochi ni kuwa kesi ya wale jamaa waliojaribu kumteka Tarimo A.K.A Bonge itaendelea June 9 na 10, 2025. Kwanini itakuwa siku mbili, hata mimi mwenyewe sijui, labda wanasheria watueleze vizuri kuhusu hili.
Tukija kwenye sehemu ya pili, toka wakati tulipopata taarifa kuwa watekaji walitaka kumlawiti Tarimo ndio ukawa mwisho wa kupata updates. Yaani imekuwa ziiiii, jambo linaloshangaza hasa ukizingatia ni kesi yenye maslahi kwa umma.
Kuna watu wanazuia waandishi wa habari kufuatilia kesi hii? Kuna vitisho vinapita katikati watu kujitoa kufuatilia kesi hii?
Maana inashangaza kwa mara ya kwanza waliojaribu kufanya utekaji walidakwa, wanatambulika mtaani mpaka sehemu walipokuwa wanafanyia kazi. Kwanini iwe changamoto kupata mwenendo wa kesi hii inavyoendelea?
Kuna mdau amekuwa anatuma update hapa lakini tunaona jinsi taarifa zinavyokuja kwa uchache, hatupati kwa undani juu ya kinachoendelea, yaani tupo gizani.
Je, kuna juhudi za makusudi zinafanywa ili wananchi tuache kufuatilia na jamaa waendelee na mambo yao ya utekaji kama hakuna kilichotokea? Kuna mkono wa mtu mkubwa anazuia hili lisifike mwisho?