Kipindupindu (Cholera)

Sildenafil Citrate · 2022-10-15T10:11:06+00:00

Ni ugonjwa wa kuhara unaosababishwa na maambukizi ya vimelea vya bakteria wanaoitwa Vibrio cholerae. Vimelea hivi humwingia mtu kupitia matumizi ya vyakula au maji machafu yenye masalia yake, ambayo mara nyingi hutokana na kuchanganyikana na choo cha mtu mwenye ugonjwa huu. Kipindupindu ni ugonjwa wa mlipuko, huhatarisha usalama wa afya ya jamii kwa ujumla, husambaa kwa kasi kubwa na huhitaji udhibiti na matibabu ya haraka ili kupunguza athari kwa mgonjwa pamoja na kuokoa uhai wake ili asiweze kupoteza maisha baada ya muda mfupi. Dalili Dalili zake huanza kuonekana kati ya saa 12 hadi siku 5 tangu vimelea vimpate mtu kwa mara ya kwanza. Baadhi yake ni hizi- Kujisaidia choo chepesi kilichojaa maji (kuharisha maji) Kutapika Uchovu mkubwa Maumivu makali ya misuli Shinikizo dogo la damu Kitendo cha kuharisha na kutapika huufanya mwili upungukiwe maji pamoja na chumvi zake muhimu hivyo kufanya mshituko wa moyo unaosababishwa na ukosefu wa vimiminika vya kutosha utokee (Hypovolemic shock) ambao hupelekea mgonjwa apoteze maisha. Matibabu Mgonjwa hupaswa kufikishwa hospitalini haraka ili apate msaada. Kitendo chochote cha kumcheleweshea matibabu kinaweza kumfanya apoteze maisha. Msingi wa matibabu ya ugonjwa huu huhusisha mambo matatu ya muhimu- Mgonjwa kuongezewa maji Matumizi ya dawa za viuavijasumu (Antibiotics/dawa za kupambana na bakteria) Matumizi ya madini ya zinc na asidi ya foliki (Folic acids) Kwa kiasi kikubwa, maji anayopewa mgonjwa huwa na chumvi zenye lengo la kurejesha hali ya mwanzo aliyokuwa nayo. Kinga Kwa asili yake, kipindupindu ni ugonjwa unaotokea kwenye jamii zisizotunza usafi, ni ugonjwa wa jamii chafu. Tunaweza kujikinga dhidi ya ugonjwa huu kwa kufanya mambo yafuatayo- Tumia maji safi na salama kutoka kwenye vyanzo vya kuaminika wakati wa kupiga mswaki, kwenye kunywa na unapokuwa unaandaa mlo wako. Kujisaidia chooni pekee. Tabia za kujisaidia vichakani au sehemu nyingine yoyote ile haifai. Aidha, usafi wa vyoo utunzwe. Kusafisha mikono kwa sabuni na maji tiririka baada ya kutoka chooni, wakati wa kuandaa chakula pia kabla ya kula Epuka ulaji wa chakula kibichi, pia kumbuka kuchemsha viporo Safisha vizuri matunda kabla ya kula Chanjo ya ugonjwa huu ipo, lakini ufanisi wake hutegemea utayari wa jamii husika katika kutunza usafi wa mazingira, vyakula na maji wanayotumia kila siku. Chanzo: WHO/CDC/ STG NEMLIT 2021

Thread starter Sildenafil Citrate
Start date Oct 15, 2022

Sildenafil Citrate

JF-Expert Member

Oct 15, 2022

Smart911

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Kipindupindu (Cholera)

Sildenafil Citrate

JF-Expert Member

Smart911

Platinum Member

Our Community

Regional Communities