Kisa cha kofia Bungeni

Choveki · 2016-06-28T09:50:48+00:00

Kisa cha kofia bungeni 1 Kisa cha sasa kofia, kimetokea bungeni Na hoja aliitoa, akilalama bungeni Kwa kina kaelezea, kadharauliwa juweni Kisa cha kweli kofia, kimetokea bungeni! 2 Kakasirika jamaa, kajieleza bungeni Heshima kamvunjia, hajaelewa kwanini? Ni vipi amemvua, baraghashia kichwani Kisa cha kweli kofia, kimetokea bungeni! 3 Ilikuwa ni kofia, kaeleza kwa makini Aina baraghashia, kanyambulisha kwa ndani Mdada kamzengua, kainyakua kichwani Kisa cha kweli kofia, kimetokea bungeni! 5 Ni kweli yametokea, nasema huko bungeni Si China wala Korea, tena pia si Omani Hapa kwetu Tanzania, ninawajuza juweni Kisa cha kweli kofia, kimetokea bungeni! 6 Ya tisa kakumbushia, amri hiyo ya dini Vya watu kutamania, ni kujitia dhambini Muumba kakatazia, kufuatisha shetani Kisa cha kweli kofia, kimetokea bungeni! 7 Kwa vazi kukamilia, kofia iwe kichwani Mdada kainyakua, akaingia mitini Alibaki kaduwaa, mfadhaiko kichwani Kisa cha kweli kofia, kimetokea bungeni! 8 Mkewe ana sheria, kuinyakua kichwani, Kufuru ka kufuria, kawaeleza bungeni Si haki wala sheria, mdada atakiani? Kisa cha kweli kofia, kimetokea bungeni! 9 Ni mwisho ninaishia, kalamu naweka chini Kwa kina ‘meelezea, kofia huko bungeni Mdada alonyakua, si mke wake wa dani Kisa cha kweli kofia, kimetokea bungeni! Wakatabahu, Choveki.

Thread starter Choveki
Start date Jun 28, 2016

Choveki

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Kisa cha kofia Bungeni

Choveki

JF-Expert Member

Our Community

Regional Communities